Juan 6:39 - Inkeanon

³⁹ Ag ro pagbuot ku nagpadaea iya kakon hay raya, nga indi ko gid hiduea ro bisan sambilog sa anang gintugyan kakon kundi banhawon ko sanda sa katapusan nga adlaw.

Juan 6:39 Iomraidhean Croise

Mateo 10:15

Matuod rang ginahambae kinyo nga kon mag-abot eon ro adlaw it paghukom, ro pina nga batunon ku mga indi ngato magbaton kinyo hay mas grabi pa sa pina it mga tagaSodoma ag Gomora.”

Mateo 18:14

Makaruyon man ro baeatyagon ku inyong Ama sa eangit. Owa gid imaw naila nga may maduea bisan sambilog sa mga mapainubuson ngara nga nagatuo kakon.”

Lucas 12:32

Naghambae pa gid si Jesus, “Ayaw kamo it kahadlok bisan sangkiri eang kamo ag owa it mahimo pareho it maisot nga panong it karnero tungod nalipay ro inyong Ama sa eangit nga itapoe kamo sa anang mga sinakpan.

Juan 12:48

Pero may una nga magasintinsya sa mga nagabaliwala kakon ag owa nagabaton sa akong mga ginahambae. Ro magasintinsya kanda nga pinahan sa katapusan nga adlaw hay ro mensahi nga akon nga ginpanghambae nga owa nanda pagbatuna.

Juan 17:12

Samtang kaibahan pa nanda ako hay ginabuligan ko sanda nga ro andang kinaiya hay mangin pareho ku imong kinaiya nga imong ginpapahayag kakon. Ginbantayan ko gid sanda it mayad ag owa gid kanda it naduea, mageuwas eang sa sambato nga nag-usoy ma't-a ku anang owa it katapusan nga pina sa impyerno. Pero dapat rato nga matabo agod ro ginsueat sa Sagrado nga Kasueatan hay matuman.

Juan 17:2

Ginapangayo ko ron ay gintaw-an mo eon ako it otoridad sa tanan nga mga tawo nga magtao it kabuhi nga owa it katapusan sa tanan kanda nga imong gintugyan kakon.

Juan 17:24

“Ama, gusto ko nga ro imong mga gintugyan kakon hay makaiba kakon sa ulihi kon siin ako, agod makita nanda ro akong pagkadaeayawon nga gintao mo kakon, tungod ginhigugma mo eon ako bago pa gintuga ro kalibutan.

Juan 17:6

Nagpadayon si Jesus sa anang pagpangamuyo, hambae nana, “Ginpasayod ko ro imong kinaiya ag plano sa mga tawo nga gintugyan mo kakon. Imo sanda nga mga katawhan nga ginpaeain mo sa mga tawo nga owa gatuo kakon, ag imo sanda nga gintugyan kakon. Gintuman nanda ro imong hambae

Juan 17:9

“Sanda ro akong ginapangamuyuan makaron. Owa ako gapangamuyo para sa tanan nga tawo iya sa kalibutan, kundi para eang sa mga gintugyan mo kakon, ay imo sanda nga mga katawhan.

Juan 18:9

Ginhambae rato ni Jesus agod matuman ro anang hambae nga “Ama, owa gid ako nadueai it bisan sambilog sa imong mga gintugyan kakon.”

Juan 5:28

Ayaw kamo it kangawa sa akong ginhambae ngara tungod maabot ro oras nga mabatian it tanan nga mga patay ro akong limog

Juan 6:37

Tanan nga tawo nga gintugyan kakon it Ama hay magadangop kakon. Ag ro bisan sin-o nga magdangop kakon hay indi ko gid pagbalibaran,

Juan 6:40

Raya ro pagbuot ku akon nga Ama, nga ro tanan nga nagakilaea ag nagatuo kakon nga anang Unga hay may kabuhi nga owa it katapusan. Ag banhawon ko sanda sa katapusan nga adlaw.”

Juan 6:44

Owa it makatuo kakon kon indi imaw pagtaw-an it kabubut-on nga himuon ron ku akon nga Ama nga nagpadaea iya kakon. Tapos, banhawon ko imaw sa katapusan nga adlaw.

Juan 6:54

Ro gakaon ku akon nga eawas ag ro gainom ku akon nga dugo hay may kabuhi nga owa it katapusan ag banhawon ko imaw sa katapusan nga adlaw,

Mga TagaRoma 8:11

Ginbanhaw it Dyos si Jesus ag una kinyo nagaistar ro Espirito it Dyos. Ngani paagi sa anang Espirito nga una kinyo hay banhawon man nana ro inyong eawas ag taw-an kamo it kabuhi nga owa it katapusan.

1 Corinto 6:14

Ag ro atong eawas hay banhawon it Dyos sa ulihi paagi sa anang gahom pareho man sa anang pagbanhaw kay Ginuong Jesus.

2 Timoteo 2:19

Pero bisan may nagaturo it makaruyon, ro malig-on nga pundasyon nga gintukod it Dyos hay malig-on gid gihapon ag may tanda ron it makaraya: “Kilaea it Ginuo ro anang mga katawhan” ag “Tanan nga nagaako nga nagatuo sanda sa Ginuo hay dapat magpaeayo sa paghimo it bukon it matarong.”

Santiago 5:15

Ag paagi sa andang pangamuyo nga may pagsalig sa Dyos hay magamayad ro nagamasakit ag ibalik it Ginuo ro anang kusog. Ag kon halimbawa nga may haobra imaw nga saea nga ginhalinan ku anang masakit ngaron hay patawaron imaw.

1 Pedro 1:5

Ag paagi sa anang gahom ag sa inyong pagtuo hay ginabantayan nana kamo hasta mag-abot ro katapusan nga mga inadlaw kon siin ana eon nga ipahayag ro kabilugan ku kaeuwasan nga anang ginatigana para katon.

Judas 1:1

Raya nga sueat hay halin kakon nga si Judas nga igmanghod ni Santiago ag ulipon ni Jesu-Kristo. Nagasueat ako kinyo nga mga tinawag it Dyos nga Ama nga mangin anang katawhan, kamo nga anang mga ginahigugma gid ag ginahaeungan ni Jesu-Kristo.