Juan 6:3 - Inkeanon

³ Pagkapanaog ni Jesus sa baroto hay nagsaka imaw sa bukid nga maeapit idto, kaibahan ro anang mga sumueunod, ag nagpungko sanda idto.

Juan 6:3 Iomraidhean Croise

Mateo 14:23

Pagkapauli nana ku mga tawo, nagsaka imaw sa bukid agod magpangamuyo nga nagaisaeahanon. Tag gabii eon hay idto gihapon si Jesus nga nagaisaeahanon sa bukid.

Mateo 15:29

Naghalin sa ratong lugar si Jesus ag nagpamanawon hasta nga nakaabot imaw sa may Dagat it Galilea. Pag-abot idto, nagsaka imaw sa sangka bukid ag nagpungko.

Mateo 5:1

Kaisaeang adlaw, pagkakita ni Jesus ku kaabo nga mga tawo nga nagasunod kana hay nagsaka imaw sa sangka manaba nga bukid ag idto nagpungko. Pagkapungko nana, nagpaeapit kana ro anang mga sumueunod.

Marcos 3:13

Ku ulihi, nagtukad si Jesus sa bukid ag ana nga gintawag ro mga tawo nga gusto nana nga magmunot idto kana ag nag-aeadto dayon sanda kana.

Lucas 9:28

Pagkataliwan it mga waeong adlaw nga ginhambae ra ni Jesus, nagsaka imaw sa bukid agod magpangamuyo. Gindaea nana sanday Pedro, Juan ag Santiago.

Juan 6:15

Hasayran ni Jesus nga gusto ku mga tawo nga hawiran imaw ag piliton nga mangin hari nanda, ngani pumanaw imaw nga isaea ag sumaka it uman sa bukid.