Juan 6:27 - Inkeanon

²⁷ Ayaw kamo magkinabudlay para sa pagkaon nga nagakaban-os eang kundi para sa minatuod nga pagkaon nga nagadurar ag nagatao it kabuhi nga owa it katapusan. Raya ro pagkaon nga itao ko kinyo tungod ako nga Unga it Tawo ro ginbutang ku Dyos Ama nga anang tigeawas nga magtao karon.”

Juan 6:27 Iomraidhean Croise

Mateo 17:5

Tag nagahambae pa imaw hay gintabunan ro tatlo it sangka masilaw nga daeaura. Ag may limog nga naghambae halin sa daeaura, “Daya ro akong palangga nga Unga nga nagapalipay kakon. Pamati kamo kana it mayad.”

Mateo 25:46

“Ngani ratong mga bukon it matarong hay pahalinon sa akon nga atubang ag pinahan hasta sa owa it katapusan, pero ro mga matarong hay makabaton it kabuhi nga owa it katapusan.”

Mateo 3:17

May naghambae dayon halin sa eangit, “Raya ro akong palangga nga unga. Nalipay gid ako it duro kana.”

Mateo 6:19

Nagpadayon pa gid it pagturo si Jesus. Hambae nana, “Ayaw kamo it tinipon it manggad iya sa kalibutan, ay samaron man lang ron it sapat-sapat ag tuktuk ag takawon.

Mateo 8:20

Nagsabat si Jesus, “Ro mga sapat sa taeon hay may buho nga ginaulian. Ro mga pispis hay may pugad, pero ako nga *Unga it Tawo hay owa gid it bisan maeugban.”

Marcos 1:11

May naghambae dayon halin sa eangit, “Ikaw ro akon nga palangga nga unga. Nalipay gid ako it duro kimo.”

Marcos 9:7

Gintabunan dayon ro tatlo it daeaura. Ag may limog nga naghambae halin sa daeaura, “Daya ro akong palangga nga unga. Pamati kamo kana it mayad.”

Lucas 3:22

ag nagpanaog ro Espirito Santo nga kaitsura it salampati ag naghapon kana. May naghambae dayon halin sa eangit, “Ikaw ro akong palangga nga unga. Nalipay gid ako it duro kimo.”

Lucas 9:35

Ag may limog dayon nga naghambae halin sa daeaura, “Daya ro akong unga. Imaw ro akong pinili. Pamati kamo kana it mayad.”

Juan 10:28

Ginataw-an ko sanda it kabuhi nga owa it katapusan. Indi gid sanda pagpinahan sa impyerno bisan hin-uno ag owa gid it makaagaw kanda sa akon nga alima.

Juan 11:42

Sayod ako nga ginapamatian mo ako permi, pero ginhambae ko ra agod ro mga tawo ngara nga nagatilindog sa akong palibot hay magapati nga ikaw ro nagpaadto kakon iya.”

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 15:24

Ag kon owa ako nag-obra sa anda mismo nga atubang it mga makangawa-ngawa nga owa it bisan sin-o nga makahimo mageuwas kakon hay owa sanda it saeabton sa andang saea nga owa sanda nagtuo kakon. Pero makaron nga hakita eon nanda ro akong mga gin-obra hay ginakaugtan gihapon nanda kami ku akon nga Ama.

Juan 17:2

Ginapangayo ko ron ay gintaw-an mo eon ako it otoridad sa tanan nga mga tawo nga magtao it kabuhi nga owa it katapusan sa tanan kanda nga imong gintugyan kakon.

Juan 3:15

agod ro tanan nga nagatuo kakon hay may kabuhi nga owa it katapusan.

Juan 3:33

Ro mga nagpati ngato kana hay nagapamatuod man nga matuod gid ro ginahambae it Dyos

Juan 6:40

Raya ro pagbuot ku akon nga Ama, nga ro tanan nga nagakilaea ag nagatuo kakon nga anang Unga hay may kabuhi nga owa it katapusan. Ag banhawon ko sanda sa katapusan nga adlaw.”

Juan 6:47

Matuod gid rang ginahambae kinyo nga ro bisan sin-o nga nagatuo kakon hay may ana eon nga kabuhi nga owa it katapusan.

Juan 6:51

Ako nga naghalin sa eangit rondayang pagkaon nga nagatao it minatuod nga kabuhi. Ag ro magakaon ku pagkaon ngara hay magakabuhi hasta sa owa it katapusan. Ag ro pagkaon ngani ngara nga itao nakon sa mga tawo sa kalibutan agod magakabuhi sanda hay ro akon nga eawas.”

Juan 6:53

Ngani naghambae si Jesus kanda, “Matuod gid rang ginahambae kinyo nga kon indi ninyo pagkan-on ro eawas nakon nga Unga it Tawo, ag kon indi ninyo pag-imnon ro akon nga dugo hay owa kamo it kabuhi nga owa it katapusan.

Juan 6:54

Ro gakaon ku akon nga eawas ag ro gainom ku akon nga dugo hay may kabuhi nga owa it katapusan ag banhawon ko imaw sa katapusan nga adlaw,

Juan 6:58

“Ako ro minatuod nga pagkaon nga naghalin sa eangit nga bukon it pareho ku pagkaon nga ginkaon kato ku atong mga kalolo-lolohan. Bisan ginkaon nanda rato hay nagkaeamatay man gihapon sanda. Pero ro nagakaon ku raya nga minatuod nga pagkaon hay magakabuhi hasta sa owa it katapusan.”

Juan 6:62

Paalin abi kon hikita ninyo ako nga Unga it Tawo nga magakayab sa eangit nga akong ginhalinan?

Juan 6:68

Nagsabat si Simon Pedro, “Ginuo, kanyo pa abi kami maadto? Ikaw eang ro nagaturo it mensahi nga nagatao it kabuhi nga owa it katapusan.

Juan 8:18

Ako ro isaea sa nagapamatuod parti sa akong kaugalingon ag ro sambilog pa nga nagapamatuod karon hay ro akon nga Ama nga nagpadaea iya kakon.”

Mga Binuhatan 10:38

Habalitaan man siguro ninyo nga si Jesus nga tagaNazaret hay gintaw-an it Dyos it gahom paagi sa Espirito Santo nga una kana. Naglinibot imaw nga nagahimo it mayad, ag nagapamayad it mga ginapakalisdan ni Satanas. Nahimo ron nana dahil kaibahan nana permi ro Dyos.

Mga Binuhatan 2:22

Naghambae pa gid si Pedro, “Mga kadugo ko nga mga inapo ni Israel, pamati kamo sa akong ihambae ngara. Si Jesus nga tagaNazaret hay ginpadaea iya it Dyos. Ginpamatud-an ra kinyo it Dyos paagi sa mga makangawa-ngawa nga milagro ag mga milagrosong pamatuod nga anang gin-obra paagi kay Jesus. Sayod kamo kara ay iya ron nagkaeanabo kinyo.

Mga TagaRoma 4:11

Ro anang pagpatuli hay tanda nga nagapamatuod nga ginbilang eon imaw it Dyos nga matarong dahil sa anang pagtuo bisan owa pa imaw hatuli. Ro tuyo kara tanan hay agod mangin ama imaw ku tanan nga nagatuo sa Dyos ag dahil karon hay ginabilang man sanda nga matarong bisan owa sanda hatuli.

Mga TagaRoma 6:23

Sa kabilugan, ro nagapadayon sa pagpakasaea hay baeusan it kamatayon nga owa it katapusan nga pina pero ro mga may maeueot nga kaangtanan kay Kristo Jesus nga atong Ginuo hay regaluhan it Dyos it kabuhi nga owa't katapusan.

1 Corinto 6:13

May gahambae man nga kon nagutom kita hay bukon it saea nga magkaon dahil ro aton nga tiyan hay para sa pagkaon ag ro pagkaon hay para sa tiyan. Tama ron, pero sa ulihi, obrahon eon it Dyos nga owa eon it dapat ro tiyan o pagkaon. Pero bukon it tama nga ro atong eawas hay para sa paghulid bisan kanyo kundi para't-a ron sa Ginuo ag ro atong eawas hay mahaega gid kana.

1 Corinto 9:2

Nagahambae ro iba inha nga bukon ako it apostol pero kon isipon ninyo it mayad hay masayran ninyo nga apostol gid ako dahil ro inyong kaangtanan kay Kristo ro pamatuod karon.

2 Corinto 4:18

Ngani ro amon nga mga paino-ino hay owa nakasentro sa mga butang nga makita iya sa kalibutan kundi sa mga butang nga idto eang makita sa eangit. Ro mga butang nga makita iya sa kalibutan hay agi eang pero ro butang nga indi naton makita makaron nga idto sa eangit hay owa it katapusan.

Mga TagaGalacia 5:6

Dahil sa aton nga maeueot nga kaangtanan kay Kristo Jesus, bukon it importanti kon hatuli man kita o owa. Ro importanti hay ro pagtuo naton kay Kristo nga ginapakita naton paagi sa paghigugma sa atong isigkatawo.

Mga TagaFilipos 2:13

Mahimo ninyo ron dahil ro Dyos ro nagatao kinyo it kabubut-on ag ikasarang nga himuon ro makapalipay kana.

Mga TagaColosas 1:29

Ginatinguhaan ko gid nga mahimo ro trabaho nga ginsalig kakon it Dyos paagi sa gahom nga ginatao kakon ni Jesu-Kristo.

Mga TagaColosas 2:22

Ro mga ruyon ngaron hay mga sugo ag turo man lang it tawo, ag napatungod eang sa mga bagay nga indi eon mapuslan it uman pagkatapos gamiton.

Mga TagaColosas 3:2

Dapat nga ro mangibabaw permi sa inyong paino-ino hay ro mga eangitnon nga mga bagay, bukon it ro mga maeain nga butang riya sa kalibutan,

1 Tesalonica 1:3

Kon magpangamuyo kami para kinyo hay amon nga ginadumdum ro mga mayad nga buhat nga inyong ginahimo tungod sa inyong pagtuo. Ginadumdum man namon ro inyong pagpangabudlay sa pagbulig sa iba tungod sa inyong paghigugma kanda. Ginadumdum man namon ro inyong pagtiis sa pihak it mga paghingabot dahil sigurado kamo nga batunon kamo it Dyos nga atong Ama dahil sa inyong pagtuo sa atong Ginuong Jesu-Kristo.

2 Timoteo 2:19

Pero bisan may nagaturo it makaruyon, ro malig-on nga pundasyon nga gintukod it Dyos hay malig-on gid gihapon ag may tanda ron it makaraya: “Kilaea it Ginuo ro anang mga katawhan” ag “Tanan nga nagaako nga nagatuo sanda sa Ginuo hay dapat magpaeayo sa paghimo it bukon it matarong.”

Mga Hebreo 12:16

Mag-andam man kamo nga owa kinyo it maghulid sa bukon ninyo it asawa ukon magtuead kay Esau nga nagbaliwala sa mga bagay nga mahaega sa Dyos. Bilang panganay, ro ginpromisa it Dyos sa anang lolo nga si Abraham hay kana kunta maadto, ugaling ginbaliwala nana ron ag ginbaylo nana sa sangka kaean-an eang.

Mga Hebreo 4:11

Ngani tinguhaan ta gid nga masamitan raya nga kapahuwayan. Indi kita magtuead sa mga kalolo-lolohan naton nga owa magtuman sa Dyos ngani owa sanda kasamit ku ratong kapahuwayan nga ana kunta nga itao kanda.

Santiago 1:11

Ro mga hilamunon abi hay nagakaeaay sa makapaeaso nga silak it adlaw ag nagakaeadagas ro andang mga bueak ag nagakaeaduea ro andang kanami. Makaruyon man ro mga manggaranon, mamatay ea't-a sanda samtang masako sa pagpamanggad.

1 Pedro 1:24

Nasueat ngani sa Sagrado nga Kasueatan nga, “Ro kabuhi it tanan nga tawo hay pareho it hilamunon nga may kutod ag ro andang pagkabantog hay pareho it bueak it hilamunon nga owa nagadurar. Ro hilamunon abi hay nagakaeaay ag ro andang bueak hay nagakaeadagas,

2 Pedro 1:17

Ginpadunggan abi imaw ag gindayaw ku Dyos nga Ama nga may pagkadaeayawon nga owa it katupong paghambae nana, “Unga ko gid-a raya ngara nga palangga ko gid-a. Nalipay gid ako kana.”