Juan 6:2 - Inkeanon

² Kaabo-abo nga tawo ro nagsinunod kana ay hakita abi nanda ro mga milagrosong pamatuod nga anang ginaobra sa pagpamayad it mga masakiton.

Juan 6:2 Iomraidhean Croise

Mateo 12:15

Pero sayod ni Jesus kon ano ro andang plano ngani naghalin imaw sa rato nga lugar. Kaabo nga mga tawo ro nagsunod kana ag ana nga ginpamayad ro tanan nga may masakit

Mateo 13:2

Kaabo-abo nga mga tawo ro nagtilipon sa anang palibot ngani nagsakay imaw sa baroto nga idto sa may bi-bi ag naglingkod samtang idto ma't-a ro tanan nga mga tawo sa baybayon nagatilindog.

Mateo 14:14

Pagpanaog ni Jesus, hakita nana ro kaabo-abo nga tawo nga nagsunod kana. Naeuoy gid imaw kanda ngani anang ginpangmayad ro mga masakiton kanda.

Mateo 8:1

Pagkapanaog ni Jesus sa manaba nga bukid ngato nga kon siin imaw nagturo sa mga tawo, kaabo nga mga tawo ro nagsunod kana.

Marcos 1:45

Nagpanaw ro tawo pero ginsinugid nana sa tanan nga anang hisubeang kon paalin imaw ginpamayad ni Jesus. Ngani si Jesus hay indi eon makapanaw it hayag sa mga banwa. Mawron nga idto imaw nagtenir sa mga lugar nga owa it kabeayan. Ugaling hay abo gihapon nga mga tawo ro nag-agto idto kana halin sa iba-ibang mga lugar.

Marcos 6:33

Tag nagahalin eon sanda hay hakita sanda it abo nga mga tawo, ag hakilaea nanda sanday Jesus. Ag nagdaeaeagan ro mga tawo ngato halin sa tanan nga banwa paadto sa lugar nga ginapaadtunan nanday Jesus, pero hauna sanday Jesus nga nakaabot idto.

Juan 11:47

Ngani ginpatawag ku mga Pariseo ag ku mga pinuno it mga saserdote ro tanan nandang kaibahan sa *Sanedrin. Hambae nanda, “Matsa owa 't-a it pueos ro atong ginaobra agod nga mapapundo ro haning tawo ngara, ay abo eo't-a nga mga milagrosong pamatuod ro anang ginahimo!

Juan 12:18

Mawron ngani nga kaabo ro nagsueang-sueang kay Jesus ay habatian nanda rondaya nga milagrosong pamatuod nga anang gin-obra.

Juan 12:37

Bisan kaabo eon ro ginpakita ni Jesus nga mga milagrosong pamatuod sa atubang it mga tawo hay owa gihapon sanda nagtuo kana.

Juan 2:11

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

Juan 2:23

Tag idto si Jesus sa Jerusalem ku ratong Pagtililipon sa Pagdumdum ku *Pagtaliwan, abo ro nagpati kana dahil sa andang mga nakita nga mga milagrosong pamatuod nga anang ginahimo.

Juan 20:30

Kaabo pa't-a ro mga milagrosong pamatuod nga ginhimo ni Jesus nga hasaksihan ku anang mga sumueunod nga owa nakasueat dikara.

Juan 3:2

Isaeang gabii, nag-adto imaw kay Jesus ag naghambae, “*Rabbi, sayod kami nga ginpadaea ka it Dyos iya agod magturo kamon. Nakahambae ako kara dahil owa it makahimo ku mga milagroso nga pamatuod pareho sa imong mga ginahimo kon owa kana ro gahom it Dyos.”

Juan 6:14

Pagkakita ku mga tawo ku milagrosong pamatuod nga ginhimo ni Jesus, naghambae sanda, “Imaw eon gid-a ra ro propeta nga ginpromisa it Dyos nga paadtunon iya sa kalibutan.”

Juan 6:22

Pagkaaga kato, ro kaabo nga tawo nga ginpakaon ni Jesus sa tabok it dagat hay nag-usoy kana. Sayod abi nanda nga sambilog man lang ro baroto kabii idto sa baybay, ag owa rikato si Jesus nagsakay kaibahan ku anang mga sumueunod kundi nagpanaw sanda nga sanda eang.

Juan 6:26

Nagsabat si Jesus, “Matuod gid rang ginahambae kinyo nga ginausoy ninyo ako bukon it dahil haeubtan ninyo ro kahueugan it mga milagrosong pamatuod nga hakita ninyo, kundi dahil nagkaeabusog kamo ku tinapay nga ginpakaon ko kinyo.

Juan 6:30

Pinangutana nanda dayon imaw, “Hay ano nga milagrosong pamatuod ro imong ipakita kamon agod magtuo kami kimo? Maalin ka man