Juan 6:15 - Inkeanon

¹⁵ Hasayran ni Jesus nga gusto ku mga tawo nga hawiran imaw ag piliton nga mangin hari nanda, ngani pumanaw imaw nga isaea ag sumaka it uman sa bukid.

Juan 6:15 Iomraidhean Croise

Mateo 5:1

Kaisaeang adlaw, pagkakita ni Jesus ku kaabo nga mga tawo nga nagasunod kana hay nagsaka imaw sa sangka manaba nga bukid ag idto nagpungko. Pagkapungko nana, nagpaeapit kana ro anang mga sumueunod.

Marcos 11:9

Ro mga tawo nga nagauna kay Jesus ag ro mga nagasunod hay nagasilinggit. Sinanda, “Dayawon ta ro Dyos! Daeayawon raya nga ginpadaea iya it Ginuong Dyos!

Lucas 19:38

Hambae nanda, “Daeayawon ro hari nga ginpadaea iya it Ginuong Dyos! Paagi kana hay makapanumbalik eon kita sa Dyos sa eangit! Daeayawon ro Dyos sa pinakamataas nga kaeangitan!”

Juan 18:36

Nagsabat si Jesus, “Ro akon nga paghari hay bukon it pareho ku ana ku mga hari iya sa kalibutan. Bangod kon pareho kanda ro akong paghari hay sumukoe eon kunta it inaway ro akong mga sakop, agod indi ako ikaitugyan sa mga lider it mga Judio. Pero owa't-a sanda magsukoe dahil ro akon nga paghari hay owa nagasunod sa mga makaruyong patikang iya sa kalibutan.”

Juan 5:41

“Owa ako nagahangad nga dayawon it mga tawo nga parehas kinyo.

Juan 6:22

Pagkaaga kato, ro kaabo nga tawo nga ginpakaon ni Jesus sa tabok it dagat hay nag-usoy kana. Sayod abi nanda nga sambilog man lang ro baroto kabii idto sa baybay, ag owa rikato si Jesus nagsakay kaibahan ku anang mga sumueunod kundi nagpanaw sanda nga sanda eang.

Juan 6:3

Pagkapanaog ni Jesus sa baroto hay nagsaka imaw sa bukid nga maeapit idto, kaibahan ro anang mga sumueunod, ag nagpungko sanda idto.

Mga Hebreo 4:13

Owa gid it gintuga nga matago sa Dyos. Makita nana ro tanan ag hayag ra sa ana nga panueok. Ag kana man kita magapanabat sa atong mga binuhatan.