Juan 6:14 - Inkeanon

¹⁴ Pagkakita ku mga tawo ku milagrosong pamatuod nga ginhimo ni Jesus, naghambae sanda, “Imaw eon gid-a ra ro propeta nga ginpromisa it Dyos nga paadtunon iya sa kalibutan.”

Juan 6:14 Iomraidhean Croise

Mateo 11:3

Pag-abot idto, naghambae sanda kay Jesus, “Ginapapangutana kamon ni Juan kon ikaw eon baea kuno ro among ginapaabot nga ginpromisa it Dyos, o mahueat pa kami it iba?”

Mateo 21:11

“Ro propeta nga si Jesus ron, nga tagaNazaret nga sa probinsya it Galilea,” sabat ku mga tawo nga nagasueunod kay Jesus.

Lucas 24:19

Naghambae si Jesus, “Anong mga natabo?” Nagsabat sanda, “Ro mga natabo kay Jesus nga tagaNazaret. Ginpamatud-an it Dyos sa mga tawo nga gamhanan imaw nga propeta paagi sa anang mga gin-obra ag ginhambae.

Lucas 7:16

Hinadlukan gid it duro ro mga tawo ag anda nga gindinayaw ro Dyos. Sinanda, “Ginpakamaayo it Dyos kita nga anang mga katawhan ay ginpadaehan nana kita it gamhanan nga propeta!”

Juan 1:21

Nagsabat sanda, “Hay sin-o ka't-ing? Si Propeta Elias ka baea nga nagbalik?” Nagsabat si Juan, “Bukon a.” “Ro Propeta ka baea nga ginpromisa it Dyos?” pangutana eon man nanda. “Bukon man,” sabat ni Juan.

Juan 11:27

Nagsabat si Marta, “Huo, Ginuo, gapati gid ako nga ikaw ro Unga it Dyos, ro Maneueuwas nga ginpromisa it Dyos nga ipadaea iya sa kalibutan.”

Juan 2:11

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

Juan 4:19

Naghambae dayon ro bayi, “Sir, propeta ka't-ing gali.

Juan 4:25

Naghambae dayon ro bayi, “Sayod ako nga ro Mesias hay magaabot (nga ginatawag man nga Kristo, ro Maneueuwas nga ginpromisa it Dyos) ag pag-abot nana hay ana katon nga ipaathag ro tanan-tanan nga butang.”

Juan 4:42

Hambae ku mga tawo sa bayi ngato, “Gatuo eon kami makaron bukon eang it dahil sa imong ginsugid, kundi dahil habatian namon mismo ro anang hambae. Ngani sigurado eon kami nga imaw matuod ro Maneueuwas it mga tawo sa bilog nga kalibutan.”

Juan 6:2

Kaabo-abo nga tawo ro nagsinunod kana ay hakita abi nanda ro mga milagrosong pamatuod nga anang ginaobra sa pagpamayad it mga masakiton.

Juan 6:26

Nagsabat si Jesus, “Matuod gid rang ginahambae kinyo nga ginausoy ninyo ako bukon it dahil haeubtan ninyo ro kahueugan it mga milagrosong pamatuod nga hakita ninyo, kundi dahil nagkaeabusog kamo ku tinapay nga ginpakaon ko kinyo.

Juan 6:30

Pinangutana nanda dayon imaw, “Hay ano nga milagrosong pamatuod ro imong ipakita kamon agod magtuo kami kimo? Maalin ka man

Juan 7:40

Ro iba nga nagapamati sa ginhambae ni Jesus hay naghambae, “Imaw eon gid ra ro Propeta nga ginpromisa it Dyos!”

Mga Binuhatan 7:37

Imaw man ra tag si Moises nga naghambae sa mga inapo ni Israel, ‘Ro Dyos hay magabutang it sangka propeta ninyo pareho kakon nga halin sa inyong mga kadugo.’