Juan 5:46 - Inkeanon

⁴⁶ Kon matuod nga nagapati gid kamo sa ginsueat ni Moises hay inyo man kunta ako nga patihan tungod ako't-a ro ginapatungdan sa anang ginsueat ngato.

Juan 5:46 Iomraidhean Croise

Lucas 24:27

Ginpaathag dayon kanda ni Jesus ro tanan nga ginsueat ni Moises ag ku tanan nga mga propeta parti kana nga nasueat sa Sagrado nga Kasueatan.

Juan 1:45

Gin-usoy man dayon ni Felipe si Nataniel. Pagkakita nana kay Nataniel, ginhambae ra nana, “Nakit-an eon namon ro ginapatungdan ni Moises sa Kasuguan ag ku mga propeta sa andang ginsueat. Imaw ra hay si Jesus nga tagaNazaret nga unga ni Jose.”

Juan 5:47

Pero sa minatuod hay owa't-a kamo gapati sa anang ginsueat ngani paalin man kamo magpati sa akong ginahambae?”

Mga Binuhatan 26:22

Halin pa kato hasta makaron hay ginabuligan ako permi it Dyos nga magpamatuod sa tanan nga tawo, dungganon man o kubos. Owa ako it ibang ginahambae kundi ro ginhambae man kato it mga propeta ag ni Moises nga matabo sa ulihi.

Mga TagaRoma 10:4

Pero makaron hay owa eon it kinahangean nga tumanon naton ro mga kasuguan ngaron agod mangin matarong dahil gintuman eon don ni Kristo para katon. Ngani ro tanan nga magatuo kana hay bilangon it Dyos nga matarong sa anang panueok.

Mga TagaGalacia 2:19

Tag ginatininguhaan ko nga tumanon ro Kasuguan, dikaron ko man naeubtan nga bisan alinon ko hay indi ko gid ron matuman it husto. Pero makaron hay bukon eon ako it obligado nga tumanon ro Kasuguan agod mangin matarong sa panueok it Dyos. Nahilway eo't-ang dikaron agod magakabuhi ako nga makapalipay kana.

Mga TagaGalacia 3:10

Pero ro tanan nga nagasalig sa andang pagtuman sa Kasuguan agod mangin matarong sa panueok it Dyos hay owa't ibang dangatan kundi ro anang pina. Ro rason karon hay dahil nga nasueat sa Sagrado nga Kasueatan nga, “Ro owa nagatuman permi it husto sa tanan-tanan nga nasueat sa Kasuguan hay owa't ibang dangatan kundi ro pina it Dyos.”

Mga TagaGalacia 3:13

Gintubos kita ni Kristo sa pina ku aton nga pageapas sa Kasuguan, tungod imaw ro ginpinahan imbis nga kita. Natabo kana ro nasueat sa Sagrado nga Kasueatan nga, “Ro tanan nga pinatay ag einansang sa kahoy hay ginpinahan it Dyos.”

Mga TagaGalacia 3:24

Ro Kasuguan hay pareho man it isaeang ka strikto nga manogbantay naton hasta nga makatuo kita sa Maneueuwas nga si Kristo agod himuon nana kita nga matarong sa mata it Dyos.