Juan 5:44 - Inkeanon

⁴⁴ Paalin 't-a abi kamo magtuo kakon kon ro inyo eang nga ginahangad hay ro pagdayaw it kada isaea, ag owa gid kamo gahangad ku pagdayaw it owa't kapareho nga Dyos?

Juan 5:44 Iomraidhean Croise

Mateo 23:5

Ro tanan nandang ginaobra hay pakita-kita eang sa tawo agod dayawon sanda. Ro kahon-kahon nga andang ginabutang sa andang dahi ag butkon hay anda gid nga ginapaeagko. Ro palawit ku andang mga kunop hay anda gid nga ginapahabaan kaysa sa ana ku iba.

Lucas 19:17

Nagsabat ro hari, ‘Mayad gid! Kamayad ka gid nga ulipon! Dahil masaligan ka sa maintok nga bagay, padumaeahon ta it 10 nga ka syudad.’

Juan 12:43

ay mas ginapaeabi pa abi nanda nga dayawon it tawo kaysa sa dayawon sanda it Dyos.

Juan 17:3

Ro may kabuhi nga owa it katapusan ngara hay nakakilaea gid kimo, ikaw nga matuod nga Dyos, ag kilaea man nanda ako nga si Jesu-Kristo nga imong ginpadaea iya.

Juan 3:20

Ro tanan abi nga ro buhat hay maeain hay ginakaugtan ro Iwag ag ginalikawan nanda ron agod indi mabulgar ro andang buhat.

Juan 5:41

“Owa ako nagahangad nga dayawon it mga tawo nga parehas kinyo.

Juan 8:43

Ham-an abi it indi kamo kaeubot sa akong ginahambae? Tungod indi kamo katakod magpamati sa akong mga ginahambae!

Mga TagaRoma 2:10

Pero ro mga nagahimo it mayad hay itapoe sa kanami-nami nga kahimtangan idto sa eangit, pagapadunggan ag taw-an it katawhayan ag kalinong, kapin gid ro mga Judio ag pati man ro mga bukon it Judio.

Mga TagaRoma 2:29

Ro minatuod nga Judio sa panueok it Dyos hay ro tawo nga ro anang pagkaJudio hay sa sueod, bukon eang it sa guwa. Ag ro ana man nga pagkatinuli hay sa kabubut-on, bukon eang it sa eawas. Ro matuod nga pagtuli hay ro pagbag-o it kabubut-on paagi sa gahom it Espirito it Dyos ag bukon it paagi sa pagtuman sa Kasuguan. Bukon it importanti sa makaruyong tawo nga dayawon imaw it iba basta nalipay 't-a kana ro Dyos.

Mga TagaRoma 2:7

Taw-an nana it kabuhi nga owa't katapusan ro nagapadayon nga nagahimo it mayad ay nagapaabot gid sanda nga padunggan ag itapoe sa kanami-nami nga kahimtangan nga owa it katapusan idto sa eangit.

1 Corinto 4:5

Ngani ayaw 't-a kamo magpanghusgar bisan kanyo ay ro Ginuo't-a ro gahusgar sa tawo kon magbalik eon imaw. Dikato nana ibuyagyag ro mga bagay nga bukon pa it hayag makaron ag ipasayod nana ro mga tinago nga mga motibo ku kada isaea. Ag dikato man dayawon it Dyos ro kada isaea suno sa andang binuhatan.

2 Corinto 10:18

Ro ginaaprubahan abi it Dyos hay bukon it rondatong nagadayaw ku anang kaugalingon kundi rondatong ginadayaw it Dyos.

Mga TagaFilipos 2:3

Ayaw kamo maghimo it bisan ano nga ro inyong motibo hay agod indi maeabawan it iba o dahil sa sobra-sobra ninyong pagsalig sa inyong kaugalingon. Imbis nga makaruyon hay dapat nga magpaubos kamo, ag bilanga ro inyong isigkatawo nga mas mayad pa kaysa kinyo.

1 Tesalonica 2:6

Ag owa man kami nagapadayaw-dayaw sa tawo, bisan kinyo o kanyo pa.

1 Timoteo 1:17

Ngani padunggan ag dayawon naton ro Dyos hasta sa owa it katapusan. Imaw gid lang ro Dyos ag hari imaw hasta sa owa it katapusan, owa gakamatay ag indi makita. Matuod 't-a ra!

Mga Hebreo 3:12

Mga igmanghod, maghaeong kamo nga owa it bisan sin-o kinyo nga may maeain ag bukon it matinuuhon nga tagipusuon ay ruyon ro magatueod kinyo nga magtalikod sa buhi nga Dyos.

Santiago 2:1

Mga igmanghod ko sa pagtuo, dahil nagatuo eon kamo kay Jesu-Kristo nga atong Ginuo nga eabing dungganon hay dapat nga parehas ro atong pagtratar sa atong isigkatawo.

1 Pedro 1:7

Ro mga kalisod nga inyong ginaagyan hay testing agod masayran kon ro inyong pagtuo hay matuod o bukon. Bisan ro bueawan ngani nga maduea sa ulihi hay kinahangean nga paagyon sa kaeayo agod hisayran kon puro gid. Mas grabi ro haega ku inyong pagtuo kaysa sa bueawan ngani mas kapin pa gid nga dapat testingan ron. Ag sa adlaw nga ipahayag ni Jesu-Kristo ro tanan sa kabuhi it mga tawo, kon hipamatud-an nga matuod ro inyong pagtuo hay pagadayawon ag pagapadunggan kamo.

Judas 1:25

Dayawon gid-a naton ro Dyos. Imaw gid lang ro Dyos. Imaw man ro nag-euwas katon paagi kay Jesu-Kristo nga atong Ginuo. Bago pa gintuga ro bisan ano, hasta makaron ag hasta sa owa it katapusan, imaw eang ro daeayawon, eabaw sa tanan, makagagahom ag may otoridad sa pagdumaea. Amen.