Juan 5:39 - Inkeanon

³⁹ Sige ro inyong tinuon ku Sagrado nga Kasueatan ay gaeaom kamo nga paagi sa inyong pagtinuon ngaron hay makabaton kamo it kabuhi nga owa it katapusan. Pero ro Kasueatan ngaron hay nagapatungod kakon

Juan 5:39 Iomraidhean Croise

Mateo 22:29

Nagsabat si Jesus, “Saea gid-a kamo tungod nga kon mabanhaw eon ro mga namatay hay bukon eon sanda it mag-asawa. Makaruyon man ro mga anghel sa eangit, owa man nagaasawa. Owa kamo kaeubot kon ano ro ginsueat sa Sagrado nga Kasueatan ag owa man kamo kasayod kon mauno kagamhanan ro Dyos.

Marcos 10:3

Ginsabat sanda ni Jesus, “Ano ro sugo ni Moises kinyo nga nasueat sa Kasuguan kato pa?”

Marcos 12:10

Owa baea kamo kabasa ku Sagrado nga Kasueatan nga: ‘Ro bato nga ginbilang nga owa it pueos ku mga panday hay imaw pa gali ro pinakaimportanti nga bato sa pundasyon it bilding.

Lucas 16:29

Pero nagsabat si Abraham, ‘May anda nga kasueatan nga ginpasueat it Dyos kay Moises ag sa mga propeta. Dapat magpamati ag magtuman ro imong mga igmanghod kon ano ro nasueat dikato.’

Lucas 16:31

Nagsabat kana si Abraham, ‘Kon indi sanda magpati sa ginsueat ni Moises ag ku mga propeta hay indi man sanda makumbinsi bisan may nabanhaw pa nga mag-adto kanda.’ ”

Lucas 24:25

Tapos, naghambae si Jesus, “Ay, mga kaumangon gid-a kamo. Owa gihapon kamo gapati sa tanan nga ginsugid it mga propeta.

Lucas 24:27

Ginpaathag dayon kanda ni Jesus ro tanan nga ginsueat ni Moises ag ku tanan nga mga propeta parti kana nga nasueat sa Sagrado nga Kasueatan.

Lucas 24:44

Naghambae pa gid si Jesus, “Ginhambae ko eon kato kinyo, tag nagailiba pa kita, nga ro tanan nga ginsueat ni Moises ag ku mga propeta ag sa Libro it mga Salmo parti kakon hay dapat nga matuman.”

Juan 1:45

Gin-usoy man dayon ni Felipe si Nataniel. Pagkakita nana kay Nataniel, ginhambae ra nana, “Nakit-an eon namon ro ginapatungdan ni Moises sa Kasuguan ag ku mga propeta sa andang ginsueat. Imaw ra hay si Jesus nga tagaNazaret nga unga ni Jose.”

Juan 5:32

Pero may una't-a nga nagapamatuod parti kakon. Ag sayod ako nga ro anang ginahambae parti kakon hay matuod.

Juan 5:36

Pero may pagpamatuod parti kakon nga mas pa sa pagpamatuod ngato ni Juan. Ruyon hay ro akong mga ginahimo nga ginpaobra kakon ku akong Ama, nga dapat ko nga tapuson. Nagapamatuod ron sanda nga ro Ama gid ro nagpadaea iya kakon.

Juan 5:40

ugaling hay owa gihapon kamo naila magdangop kakon agod taw-an ko kamo ku kabuhi ngaron nga owa it katapusan.

Juan 5:46

Kon matuod nga nagapati gid kamo sa ginsueat ni Moises hay inyo man kunta ako nga patihan tungod ako't-a ro ginapatungdan sa anang ginsueat ngato.

Juan 7:52

Nagsabat sanda kay Nicodemus, “Hay pa isaea ka man sa mga bukiris nga tagaGalilea ay? Basaha tuo ro Kasueatan ag estudyuhan mo agod hisayran mo nga owa gid it propeta nga halin sa Galilea.”

Mga Binuhatan 13:27

Pero ro mga nagaistar sa Jerusalem ag ro andang mga manogdumaea hay indi magkilaea kay Jesus bilang Maneueuwas nga ginpadaea it Dyos. Indi man sanda magpati nga si Jesus ro ginapatungdan ku mga propeta sa andang mga ginsueat bisan rato hay ginabasa sa mga sinagoga kada *Adlaw it Inogpahuway. Ag sa andang pagpasintinsya kana it kamatayon hay anda nga gintuman ro ginsueat ku mga propeta.

Mga Binuhatan 17:11

Ro mga tawo idto hay mas bukas ro andang paino-ino kaysa sa mga tagaTesalonica. Naila gid sanda it duro nga magpamati sa mensahi ag adlaw-adlaw hay ginausisa nanda ro Sagrado nga Kasueatan kon matuod gid ro ginahambae ni Pablo.

Mga Binuhatan 26:27

Haring Agripa, gapati ka sa ginsueat it mga propeta, bukon abi? Sayod ako nga gapati ka.”

Mga TagaRoma 1:2

Ginpromisa ron it Dyos kato pa paagi sa anang mga propeta nga nagsueat karon sa Sagrado nga Kasueatan.

Mga TagaRoma 3:2

Abo gid-a ron. Una sa tanan, sa mga Judio gintugyan it Dyos ro anang mensahi sa Sagrado nga Kasueatan.

Mga TagaColosas 3:16

Itanom gid ninyo sa inyong paino-ino ro Mayad nga Balita parti kay Kristo. Gamita ro kaaeam nga gintao kinyo sa pagturo ag sa pageaygay sa kada isaea. Magkanta kamo it mga salmo ag mga sari-saring mga kaeantahon sa pagdayaw sa Dyos nga may hantop nga pagpasaeamat sa inyong tagipusuon.

Mga Hebreo 11:16

Pero bukon 't-a it rondato ro andang ginahandom gid kundi ro mas manami pa gid nga maistaran idto sa eangit. Ngani owa nahuya ro Dyos nga tawgon imaw nga Dyos nanda ay ginpreparahan nana sanda it andang maistaran nga syudad sa ulihi.

Mga Hebreo 11:35

May mga bayi man kato nga dahil sa andang pagtuo, ro andang mga hinigugma nga namatay eon hay nabuhi it uman. Pero may iba ma't-a nga gin-antos ro pagsakit kanda hasta mamatay dahil indi nanda pagtalikdan ro andang pagtuo agod makahilway sa pagpasakit kanda. Ro andang ginapaabot abi hay ro mas mayad nga kabuhi sa eangit pagkabanhaw nanda.

Pahayag 19:10

Naghapa dayon ako agod simbahon kunta ro anghel pero naghambae imaw kakon, “Ayaw ron pag-obraha kakon! Ro Dyos eang dapat ro imong simbahon. Ulipon man lang ako it Dyos pareho kimo ag ku imong mga igmanghod sa pagtuo nga nagatindog gid sa mensahi parti kay Jesus. Ro mensahi parti kay Jesus ro ginapatungdan ku mga propeta sa tanan nandang ginpasayod.”