Juan 5:37 - Inkeanon

³⁷ Ag ro Ama nga nagpadaea iya kakon hay imaw mismo ro nagpamatuod parti kakon. Halin pa kato hay owa gid ninyo pagpamatii ro anang ginahambae ag owa man ninyo hakita kon ano gid ro anang hitsura.

Juan 5:37 Iomraidhean Croise

Mateo 17:5

Tag nagahambae pa imaw hay gintabunan ro tatlo it sangka masilaw nga daeaura. Ag may limog nga naghambae halin sa daeaura, “Daya ro akong palangga nga Unga nga nagapalipay kakon. Pamati kamo kana it mayad.”

Mateo 3:17

May naghambae dayon halin sa eangit, “Raya ro akong palangga nga unga. Nalipay gid ako it duro kana.”

Marcos 1:11

May naghambae dayon halin sa eangit, “Ikaw ro akon nga palangga nga unga. Nalipay gid ako it duro kimo.”

Lucas 24:27

Ginpaathag dayon kanda ni Jesus ro tanan nga ginsueat ni Moises ag ku tanan nga mga propeta parti kana nga nasueat sa Sagrado nga Kasueatan.

Lucas 3:22

ag nagpanaog ro Espirito Santo nga kaitsura it salampati ag naghapon kana. May naghambae dayon halin sa eangit, “Ikaw ro akong palangga nga unga. Nalipay gid ako it duro kimo.”

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 14:9

Nagsabat si Jesus, “Felipe, mabuhay eon ro akong pag-iniba kinyo ag owa ka't-ing gihapon kakilaea kakon? Ro nakakita kakon hay nakakita man sa akong Ama. Ham-an it gahambae ka pa nga ipakita ko kinyo ro akong Ama?

Juan 15:24

Ag kon owa ako nag-obra sa anda mismo nga atubang it mga makangawa-ngawa nga owa it bisan sin-o nga makahimo mageuwas kakon hay owa sanda it saeabton sa andang saea nga owa sanda nagtuo kakon. Pero makaron nga hakita eon nanda ro akong mga gin-obra hay ginakaugtan gihapon nanda kami ku akon nga Ama.

Juan 5:32

Pero may una't-a nga nagapamatuod parti kakon. Ag sayod ako nga ro anang ginahambae parti kakon hay matuod.

Juan 6:27

Ayaw kamo magkinabudlay para sa pagkaon nga nagakaban-os eang kundi para sa minatuod nga pagkaon nga nagadurar ag nagatao it kabuhi nga owa it katapusan. Raya ro pagkaon nga itao ko kinyo tungod ako nga Unga it Tawo ro ginbutang ku Dyos Ama nga anang tigeawas nga magtao karon.”

Juan 8:18

Ako ro isaea sa nagapamatuod parti sa akong kaugalingon ag ro sambilog pa nga nagapamatuod karon hay ro akon nga Ama nga nagpadaea iya kakon.”

1 Timoteo 1:17

Ngani padunggan ag dayawon naton ro Dyos hasta sa owa it katapusan. Imaw gid lang ro Dyos ag hari imaw hasta sa owa it katapusan, owa gakamatay ag indi makita. Matuod 't-a ra!

1 Timoteo 6:16

Imaw eang ro owa it kamatayon ag nagaistar sa hayag nga grabi it silaw nga indi mapaeapitan it bisan sin-o. Owa pa gid it tawo nga nakakita kana, ag indi gid ma't-a imaw makita it bisan sin-o. Daeayawon imaw ag makagagahom hasta sa owa it katapusan. Amen!

1 Juan 4:12

Owa it nakakita sa Dyos pero kon nagahigugmaanan kita hay nagapadayon imaw nga maeueot katon, ag makita imaw katon dahil karon. Ag ro aton nga paghigugma sa iba hay ro pinakabunga ku paghigugma katon it Dyos.

1 Juan 4:20

Pero kon may maghambae nga ginahigugma nana ro Dyos, pero ginakaugtan nana ro anang igmanghod sa pagtuo hay nagapinuril. Kon indi nana mahigugma ro anang igmanghod nga anang makita, mas kapin pa gid nga indi nana mahigugma ro Dyos nga indi nana makita.

1 Juan 5:9

Hay kon aton ngani nga ginapatihan ro pamatuod it mga tawo, mas pa't-a nga dapat naton patihan ro pamatuod it Dyos parti sa anang Unga, tungod masaligan sa tanan ro ginahambae it Dyos.