Juan 5:35 - Inkeanon

³⁵ Si Juan hay pareho it iwag nga gatao it kahayag sa paino-ino it mga tawo ag sa matag-od nga tyempo hay nalipay gid kamo nga nahayagan ro inyong paino-ino sa anang mga ginaturo.

Juan 5:35 Iomraidhean Croise

Mateo 11:11

Hambae pa ni Jesus, “Matuod rang ginahambae kinyo nga owa pa it natawo iya sa ibabaw it kalibutan nga eabaw pa kay Juan nga Manogbawtismo. Pero mas pa kay Juan ro pinakakubos sa mga sinakpan it Dyos.

Mateo 21:26

Pero kon hambaeon man naton nga halin eang sa tawo ro otoridad ni Juan, delikado man kita, ay basi alinon man kita it mga tawo bangod gapati gid sanda nga propeta si Juan.”

Marcos 1:5

Abo nga mga tawo halin sa bilog nga probinsya it Judea ag sa syudad it Jerusalem ro nag-adto kay Juan agod magpamati. Gin-ako nanda ag ginhinuesuean ro andang mga saea ag ginbawtismuhan dayon sanda ni Juan sa suba it Jordan.

Marcos 6:20

tungod ginataha ag ginaprotektahan ni Herodes si Juan, ay hasayran nana nga matarong ag balaan nga tawo si Juan. Naila magpamati si Herodes kay Juan, bisan nagalitik gid ro anang ueo sa mga ginahambae nana kara.

Lucas 7:28

Ginahambae ko kinyo nga owa pa it natawo iya sa ibabaw it kalibutan nga eabaw pa kay Juan nga Manogbawtismo. Pero mas pa kay Juan ro pinakakubos sa mga sinakpan it Dyos.”

Juan 6:66

Halin kato, abo sa mga nagasinunod ngato kana ro nagtalikod ag owa eon magsunod-sunod.

2 Pedro 1:19

Ag isaea pa hay iya katon ro masaligan gid nga mensahi nga ginsueat ku mga propeta kato anay. Ngani mayad nga inyo gid ron nga inatuhon ay pareho ron it iwag nga nagahayag sa kadueom. Inatuha ron ninyo hasta mag-abot ro adlaw nga magbalik si Kristo ag pahayagon nana it mayad ro inyong paino-ino. Ro anang pagbalik hay pareho it pagtunga ku kabugwason bago magbanaag ro adlaw.