Juan 5:34 - Inkeanon

³⁴ Owa eon gid man it kinahangean nga may tawo nga magpamatuod parti kakon pero ginapadumdum ko manlang kamo ku ginhambae ni Juan agod maeuwas kamo kon magpati kamo.

Juan 5:34 Iomraidhean Croise

Lucas 13:34

Naghambae dayon si Jesus, “Ay, aki, kaeuoy kamo nga mga tagaJerusalem! Ginapinamatay ninyo ro mga propeta ag inyong ginapinangeapog it bato hasta mamatay ro mga ginapaadto it Dyos kinyo. Permi nakong ginahandom nga tilipunon kunta kamo pareho it mus-an nga nagatinipon ku anang mga isiw sa idaeom ku anang pakpak pero indi man kamo magsugot.

Lucas 19:10

Ro pinakarason nga nag-adto iya ako nga Unga it Tawo hay agod usuyon ag euwason sa pina it saea ro mga nagtaeang.”

Lucas 24:47

Ag nasueat man nga sa anang pangaean hay igawali sa tanan nga tawo, umpisa iya sa Jerusalem hasta sa bilog nga kalibutan, nga dapat sanda nga maghinuesoe ag magtalikod sa andang mga saea agod patawaron it Dyos.

Juan 20:31

Pero ro mga gintapoe ma't-a ngara dikara hay ginsueat agod magpati kamo nga si Jesus hay imaw ro Maneueuwas nga ginpromisa it Dyos, ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan, paagi sa inyong maeueot nga kaangtanan kana.

Juan 5:32

Pero may una't-a nga nagapamatuod parti kakon. Ag sayod ako nga ro anang ginahambae parti kakon hay matuod.

Juan 5:41

“Owa ako nagahangad nga dayawon it mga tawo nga parehas kinyo.

Juan 8:54

Nagsabat si Jesus, “Kon dayawon ko ro akong kaugalingon, owa ron it pueos. Ro akon nga Ama nga ginahambae ninyo nga inyong Dyos hay imaw ro nagadayaw kakon.

Mga TagaRoma 10:1

Mga igmanghod, ro akon gid nga handom para sa akon nga kadugo nga mga Judio hay maeuwas sanda. Ruyon permi ro akong ginapangamuyo it hugot sa Dyos.

Mga TagaRoma 10:21

Pero raya ro anang ginhambae parti sa mga Judio, “Adlaw-gabii ginadawat ko ro akong mga alima sa pagbaton ku mga tawo ngara bisan mga paearason sanda ag mga bukon it matinumanon.”

Mga TagaRoma 12:21

Ayaw magpaperdi sa maeain kundi perdiha ro maeain paagi sa paghimo it mayad.

Mga TagaRoma 3:3

Matuod nga ro iba nga mga Judio hay indi masaligan nga magtuman karon pero nagakahueugan baea ron nga ro Dyos hay indi masaligan nga magtuman ku anang mga ginpromisa kanda?

1 Corinto 9:22

Kon kaibahan ko man ro mga kueang pa ro andang pageubot kon ano ro andang kahilwayan bilang mga tumueuo ni Kristo hay ginapakigbagayan ko man sanda agod mabuligan ko sanda nga makaeubot it insakto. Ro tanan nga ginatud-an ko hay ginapakigbagayan ko't-a agod sa bisan anong paagi hay makumbinsi ko ro iba kanda nga magtuo kay Kristo agod maeuwas.

1 Timoteo 4:16

Mag-andam ka gid nga indi maeaktan it saea ro imong kabuhi ag ginaturo. Padayuna ron ay paagi karon hay bukon eang it ikaw ro maeuwas, kundi pati man ro mga nagapamati kimo.

1 Juan 5:9

Hay kon aton ngani nga ginapatihan ro pamatuod it mga tawo, mas pa't-a nga dapat naton patihan ro pamatuod it Dyos parti sa anang Unga, tungod masaligan sa tanan ro ginahambae it Dyos.