Juan 5:30 - Inkeanon

³⁰ Indi puydi nga mag-obra ako it akon-akon eang. Kon maghukom ako hay ginasunod ko eang kon ano ro ginahambae kakon it Dyos. Ngani, tama ro akon nga paghukom sa mga tawo tungod ro akong gusto nga tumanon hay bukon it ro akong pagbuot kundi ro ana ku nagpadaea iya kakon.”

Juan 5:30 Iomraidhean Croise

Mateo 26:39

Nag-adto pa gid si Jesus sa ueu-unahan ag naghapa ag nagpangamuyo. Hambae nana, “Ama ko, kon mahimo hay pataliwana lang kakon ro grabi nga kasakit nga akon nga aeatubadngon. Pero bukon it akon nga pagbuot ro dapat matuman kundi ro imo.”

Juan 14:10

Owa ka pa baea gapati nga ako ag ro akong Ama hay may maeueot gid nga kaangtanan nga matsa sambilog eang kami? Ro mga ginasugid ko kinyo hay bukon it akon-akon eang. Kon nagahambae ako, ag nagahimo it mga makangawa-ngawa nga mga butang, ro akon 't-a nga Ama ro nagahimo karon paagi kakon.

Juan 17:4

Ginpakita ko sa mga tawo iya sa kalibutan nga daeayawon ka nga Dyos paagi sa pagtapos nakon ku imong oeobrahon nga imong ginpaobra kakon.

Juan 18:11

Ginhambae ni Jesus si Pedro, “Tagban ro imong daga ngaron. Dapat ko't-a nga antuson ro kalisod ngara nga gintaeana ku akong Ama nga akong maagyan.”

Juan 4:34

Naghambae si Jesus kanda, “Ro akong pagkaon hay ro pagtuman ku kabubut-on ku nagpadaea iya kakon ag ro pagtapos ku anang ginapaobra kakon.

Juan 5:19

Ngani naghambae si Jesus sa mga manogdumaea ngato, “Matuod gid rang ginahambae kinyo nga Ako nga Unga it Dyos hay indi puydi nga mag-obra it akon-akon eang kundi ro akon eang nga ginaobra hay kon ano ro akong hasayran nga gusto ku akong Ama nga obrahon. Ngani ro mga ginaobra it Dyos Ama hay anang ginaobra paagi kakon nga anang Unga.

Juan 6:38

tungod nanaog ako iya halin sa eangit agod tumanon ro pagbuot ku nagpadaea iya kakon, bukon it ro akong pagbuot.

Juan 8:28

Ngani naghambae si Jesus kanda, “Pagkatapos nga inyo nga hibayaw sa krus ako nga Unga it Tawo hay dikaron ninyo masayran nga matuod ro akon nga ginahambae kon sin-o gid ako. Masayran man ninyo nga owa ako gahimo it bisan ano nga akon-akon eang kundi ro akon nga ginahambae hay ro mga ginturo kakon it akon nga Ama.

Juan 8:42

Nagsabat dayon si Jesus, “Kon matuod kamo nga mga unga it Dyos hay higugmaon kunta ninyo ako ay kana ako naghalin. Owa ako nag-adto iya nga akon-akon eang, kundi imaw ro nagpadaea iya kakon.

Juan 8:50

Ugaling hay owa ma't-a ako gahangad nga dayawon. Pero may una't-a nga gusto nga dayawon ako, ag imaw 't-a ro magahusgar sa mga owa nagatahod kakon.

Mga TagaRoma 15:3

Bisan ngani si Kristo hay owa eang nag-obra ku anang nailaan nga obrahon kundi haom imaw nga magtiis sa pagtuman ku kabubut-on it Dyos. Pareho sa nasueat sa Sagrado nga Kasueatan nga, “Ako ro haukpan ku mga pag-insulto it mga tawo kimo.”

Mga TagaRoma 2:2

Sayod kita nga tama gid ro isintinsya it Dyos sa mga nagaobra it mga saea ngaron kon husgaran eon nana sanda.

Mga TagaRoma 2:5

Pero gaalin kamo? Owa't-a kamo gahinuesoe ay mga matig-a kamo it ueo! Ngani ginadugangan pa gid ninyo ro inyong pina kon mag-abot eon ro adlaw it paghukom kon siin ipahayag it Dyos ro anang kaakig ag husgaran eon nana it matarong ro tanan nga tawo.