Juan 5:29 - Inkeanon

²⁹ ag mabanhaw sanda ag magaguwa sa andang mga eueubngan. Ro mga mayad ro binuhatan hay magakabuhi hasta sa owa it katapusan, pero ro maeain ro binuhatan hay pagasintinsyahan nga pinahan hasta sa owa it katapusan.

Juan 5:29 Iomraidhean Croise

Lucas 14:14

Kon ruyon ro imong obrahon hay pakamaayuhon ka it Dyos ay indi ron sanda kabaeos kimo. Baeusan ka it Dyos pag-abot it adlaw nga mabanhaw ro mga matarong nga mga tawo.”

Mga Binuhatan 24:15

Ag sigurado ako, pareho nanda, nga banhawon it Dyos ro tanan nga mga tawo, matarong man o maeaot.

1 Timoteo 6:18

Tud-i man sanda nga mag-obra permi it mayad agod magmanggaranon sanda pati sa mayad nga buhat. Tud-i man sanda nga magmaatag ag haom permi nga magtao sa iba.

Mga Hebreo 10:27

Owa eon it iba pang mapaabot ro tanan nga nagakuntra sa Dyos kundi ro anang makahaeadlok nga paghukom ag ro anang grabi nga pina nga pareho it nagadaba-daba nga kaeayo nga gapangtugbang it bisan ano nga anang maagyan.

Mga Hebreo 13:16

Ayaw ninyo pagkalipati ro paghimo it mayad ag pagtao it hueay ku inyong mga pagkabutang sa mga nagakinahangean, dahil nalipay ro Dyos sa makaruyon nga mga haead.

1 Pedro 3:11

Dapat man imaw nga magtalikod sa mga maeain nga buhat ag maghimo dapat imaw it mayad. Dapat man nga obrahon nana ro tanan nanang ikasarang, agod may anang paghidait sa anang isigkapareho.