Juan 5:25 - Inkeanon

²⁵ Matuod gid rang ginahambae kinyo nga maabot ro oras, ag makaron eon ngani ron, nga mabatian ku mga pareho it patay tungod sa andang kasae-anan ro hambae nakon nga Unga it Dyos, ag ro magapamati hay taw-an ko it minatuod nga kabuhi.

Juan 5:25 Iomraidhean Croise

Lucas 15:24

dahil ro akong unga nga eaom ko hay patay eo't-a hay buhi't-a gali. Naduea imaw pero hakita eon.’ Gintuman ro sugo ku ama ag nag-umpisa dayon ro andang paghilinadya.

Lucas 15:32

Pero dapat kita nga magselebrar ag magkalipay ay ro imong manghod nga eaom naton nga patay eon hay buhi't-a gali. Naduea imaw pero nag-uli eon.’ ”

Lucas 9:60

Nagsabat si Jesus, “Pabay-i ro mga patay sa panueok it Dyos nga mageubong ku andang patay. Pero ikaw't-a hay magpanaw ag magwali parti sa paghari it Dyos.”

Juan 13:1

Nag-abot eon ro oras it ihapon sa Pagtililipon sa Pagdumdum ku *Pagtaliwan. Sayod ni Jesus nga nag-abot eon ro oras nga magahalin imaw sa rayang kalibutan ag magabalik sa anang Ama. Halin pa ku primero hay ginhigugma gid ni Jesus ro anang mga katawhan iya sa kalibutan, ag makaron eon ro oras nga ipakita nana ro kabahoe ku anang paghigugma kanda.

Juan 17:1

Pagkatapos ni Jesus it hambae kara hay nagtangda imaw sa eangit ag naghambae, “Ama, nag-abot eon ro oras. Paagi sa akong maagyan, pakitaan sa katawhan nga ako ro imong daeayawon nga Unga agod paagi man sa akong maagyan hay ikapakita ko man kanda nga ikaw ro akon nga daeayawon nga Ama.

Juan 4:21

Nagsabat si Jesus, “Patihi ro akong ginahambae ngara kimo, Nang. Maabot ro oras nga bukon eon it importanti kon iya sa bukid ngara o sa Jerusalem magsimba sa Dyos Ama ro mga tawo.

Juan 4:23

Pero maabot ro oras ag makaron eon ngani ron, nga ro pagsimba ku mga tawo sa Dyos Ama hay sa bug-os nandang tagipusuon ag kabubut-on ag nabase sa kamatuuran halin kana. Makaruyon abi nga klasi it pagsimba ro anang ginausoy sa mga tawo.

Juan 5:21

Gabanhaw ro Dyos Ama it mga patay ag gatao it kabuhi sa mga tawo ag makaruyon man ro ginaobra nakon nga anang Unga. Ako man ro gatao it kabuhi sa gusto nakon nga taw-an.

Juan 5:28

Ayaw kamo it kangawa sa akong ginhambae ngara tungod maabot ro oras nga mabatian it tanan nga mga patay ro akong limog

Juan 6:60

Pagkabati ku mga nagasinunod kay Jesus ku ana ngatong ginturo hay abo kanda ro naghambae, “Grabi gid-a ro anang ginahambae ngaron. Sin-o man abi karon ro makabaton?”

Juan 8:43

Ham-an abi it indi kamo kaeubot sa akong ginahambae? Tungod indi kamo katakod magpamati sa akong mga ginahambae!

Juan 8:47

Ro mga unga it Dyos hay nagapamati ag nagatuman sa ginahambae it Dyos kanda. Pero owa ninyo ron ginapamatii ag ginatumana tungod bukon kamo it mga unga it Dyos.”

Juan 9:27

Nagsabat imaw, “Ginhambae ko eon ngani kinyo pero indi man kamo magpamati. Ham-an it gusto ninyo nga mabatian it uman? Matsa naila't-a kamo nga mangin sumueunod man nana ron!”

Mga TagaRoma 6:4

Ag tag ginbawtismuhan kita hay nagasimbolo ron nga namatay kita ag gineubong kaibahan nana. Gintaw-an man kita it bag-o nga kabuhi pareho ku pagbanhaw kay Kristo paagi sa indi matupungan nga gahom it Dyos Ama. Ngani dapat kita nga magkabuhi suno sa bag-o ngaron nga kabuhi nga gintao katon.

Mga TagaEfeso 2:1

Kato anay, tag owa pa kamo nagtuo hay pareho kamo it mga patay tungod sa inyong mga pageapas ag kasae-anan. Owa pa kamo hataw-i it Dyos it bag-o nga kabuhi halin kana.

Mga TagaEfeso 2:5

Ngani bisan pareho kita it mga patay tungod sa atong mga pageapas hay ana gihapon kita nga gintaw-an it bag-o nga kabuhi, ag ginabilang nana kita nga gintapoe kay Kristo sa anang pagkabanhaw. Paagi eang matuod sa sobrang kabuot it Dyos kita hay naeuwas.

Mga TagaEfeso 5:14

ag ro tanan nga sa kahayag eon hay kahayag man sa iba. Mawron ngani nga may haeambaeunon nga, “Bugtaw, ikaw nga nagakatueog. Bangon, ikaw nga namatay. Hayagan ka dayon ni Kristo.”

Mga TagaColosas 2:13

Kato hay pareho kamo it patay dahil sa inyong mga pageapas ag dahil owa pa habuoe ro inyong makasasaea nga kinaiya. Pero makaron hay ginpatawad eon it Dyos ro tanan ninyong pageapas ag gintaw-an kamo it bag-o nga kabuhi, dahil ginabilang kamo nga nabanhaw kaibahan ni Kristo.

Pahayag 3:1

“Raya ro imong isueat sa anghel it grupo it mga tumueuo idto sa Sardis: ‘Raya ro mensahi nakon, ako nga may otoridad sa pitong ka espirito it Dyos ag sa pitong ka bituon. Sayod ko ro inyong buhat. Sa mata it tawo hay bantog kamo nga buhi gid ro inyong pagtuo pero sa minatuod hay matsa patay eon!