Juan 5:24 - Inkeanon

²⁴ Naghambae pa gid si Jesus, “Matuod gid rang ginahambae kinyo nga ro nagapamati sa akong ginahambae ag nagatuo sa nagpadaea iya kakon hay may kabuhi nga owa it katapusan. Indi imaw pagasintinsyahan it kamatayon nga owa it katapusan, dahil gintaw-an eon imaw it kabuhi nga owa it katapusan.

Juan 5:24 Iomraidhean Croise

Mateo 25:46

“Ngani ratong mga bukon it matarong hay pahalinon sa akon nga atubang ag pinahan hasta sa owa it katapusan, pero ro mga matarong hay makabaton it kabuhi nga owa it katapusan.”

Marcos 16:16

Ro bisan sin-o nga magpati ag mabawtismuhan hay maeuwas. Pero ro indi magpati hay pagakondenahon.

Juan 11:26

Ag ro tanan nga nagatuo kakon nga may kabuhi ngara nga owa it katapusan hay indi makaagi it kamatayon bisan hasta hin-uno. Gapati ka karon?”

Juan 12:44

Naghambae dayon si Jesus it mabaskog sa mga tawo, “Ro nagatuo kakon hay owa eang kakon nagatuo, kundi pati man sa nagpadaea iya kakon.

Juan 20:31

Pero ro mga gintapoe ma't-a ngara dikara hay ginsueat agod magpati kamo nga si Jesus hay imaw ro Maneueuwas nga ginpromisa it Dyos, ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan, paagi sa inyong maeueot nga kaangtanan kana.

Juan 3:16

“Matuod ron ay makaraya kabahoe ro paghigugma it Dyos sa mga tawo iya sa kalibutan nga ana nga gintao ro anang Unga, ro Owa't Kapareho, agod mangin sakripisyo agod ro tanan nga magatuo kana hay indi mapaimpyerno kundi may kabuhi nga owa it katapusan.

Juan 3:18

Ngani ro tanan nga nagatuo kana hay indi eon gid pagsintinsyahan nga pinahan, pero ro mga owa nagatuo hay ginsintinsyahan eo't-a nga pinahan dahil owa sanda magtuo sa Unga it Dyos nga Owa't Kapareho.

Juan 3:36

Ro nagatuo sa Unga hay may kabuhi nga owa it katapusan. Pero ro indi magtuo kana hay indi gid makasamit ku ruyon nga kabuhi, kundi makasamit ku pina it Dyos hasta sa owa it katapusan.

Juan 4:36

Ro nagaani kanda hay ginabaeusan it Dyos, ag sanda nga ginaani hay taw-an it kabuhi nga owa it katapusan. Ngani ro nagtanom ku mensahi it Dyos ag ro nagaani hay magkaibahan nga magakalipay.

Juan 6:40

Raya ro pagbuot ku akon nga Ama, nga ro tanan nga nagakilaea ag nagatuo kakon nga anang Unga hay may kabuhi nga owa it katapusan. Ag banhawon ko sanda sa katapusan nga adlaw.”

Juan 6:47

Matuod gid rang ginahambae kinyo nga ro bisan sin-o nga nagatuo kakon hay may ana eon nga kabuhi nga owa it katapusan.

Juan 6:50

Pero iya kinyo ro pagkaon nga halin sa eangit agod makaon it bisan sin-o ag ro makakaon kara hay indi makaagi it kamatayon.

Juan 6:51

Ako nga naghalin sa eangit rondayang pagkaon nga nagatao it minatuod nga kabuhi. Ag ro magakaon ku pagkaon ngara hay magakabuhi hasta sa owa it katapusan. Ag ro pagkaon ngani ngara nga itao nakon sa mga tawo sa kalibutan agod magakabuhi sanda hay ro akon nga eawas.”

Juan 6:58

“Ako ro minatuod nga pagkaon nga naghalin sa eangit nga bukon it pareho ku pagkaon nga ginkaon kato ku atong mga kalolo-lolohan. Bisan ginkaon nanda rato hay nagkaeamatay man gihapon sanda. Pero ro nagakaon ku raya nga minatuod nga pagkaon hay magakabuhi hasta sa owa it katapusan.”

Juan 8:51

Matuod gid rang ginahambae kinyo nga ro nagapati ag nagatuman sa akong ginahambae hay indi mamatay bisan hasta hin-uno.”

Mga TagaRoma 8:1

Ngani ro may maeueot nga kaangtanan kay Kristo Jesus hay indi eon pagsintinsyahan nga pinahan bisan hasta hin-uno.

1 Tesalonica 5:9

Ro plano it Dyos para katon hay bukon it hisamitan naton ro anang pina sa atong mga kasae-anan kundi maeuwas kita sa pina ngato paagi sa ginhimo ku atong Ginuo nga si Jesu-Kristo.

1 Pedro 1:21

Paagi sa anang ginhimo ngato hay nagatuo eon kamo sa Dyos nga nagbanhaw ag nagpadungog kana. Ngani sa Dyos gid ro inyong pagtuo ag sigurado kamo nga ana man kamo nga pagabanhawon ag pagapadunggan sa ulihi.

1 Pedro 1:5

Ag paagi sa anang gahom ag sa inyong pagtuo hay ginabantayan nana kamo hasta mag-abot ro katapusan nga mga inadlaw kon siin ana eon nga ipahayag ro kabilugan ku kaeuwasan nga anang ginatigana para katon.

1 Juan 3:14

Tungod ginahigugma naton ro atong igmanghod sa pagtuo hay nakasiguro kita nga bukon eon kita it matsa mga patay nga owa nahakat parti sa Dyos, kundi gintaw-an kita it Dyos it bag-o nga kabuhi. Pero ro owa nagahigugma sa anang igmanghod hay matsa patay gihapon, nga owa nahakat parti sa Dyos.

1 Juan 5:1

Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.