Juan 5:22 - Inkeanon

²² Bukon 't-a abi it ro Dyos Ama ro magahukom sa mga tawo kundi ako nga anang Unga ro anang gintaw-an it tanan nga otoridad nga maghukom.

Juan 5:22 Iomraidhean Croise

Mateo 11:27

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea gid sa Unga mageuwas sa Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Mateo 16:27

Maabot gid ro oras nga ako nga Unga it Tawo hay magabalik iya sa kalibutan nga may grabi nga kasilaw ku akon nga Ama, ag kaibahan ku anang mga anghel. Tapos hay akon dayon nga baeusan ro kada isaea suno sa anang hinimuan.

Mateo 28:18

Nagpaeapit si Jesus kanda ag naghambae, “Gintao kakon ro otoridad nga maghari sa tanan sa eangit ag sa kalibutan.

Juan 17:2

Ginapangayo ko ron ay gintaw-an mo eon ako it otoridad sa tanan nga mga tawo nga magtao it kabuhi nga owa it katapusan sa tanan kanda nga imong gintugyan kakon.

Juan 3:35

Ginahigugma gid it Dyos Ama ro ana nga Unga mawron nga kana kara gintugyan ro tanan-tanan.

Juan 5:27

Gintaw-an man nana ako it otoridad nga maghukom sa mga tawo tungod ako ro Unga it Tawo.

Juan 9:39

Naghambae si Jesus, “Nag-adto ako iya sa kalibutan agod ipaeain ro mga nagatuo kakon sa mga owa nagatuo. Ro mga nagaako nga kueang ro andang pagkaeubot sa plano it Dyos hay buligan ko nga makaeubot. Pero ro mga owa nagaako nga kueang ro andang pagkaeubot karon hay mas kapin pa nga padueumon ko ro andang paino-ino agod indi sanda tapat makaeubot.”

Mga Binuhatan 10:42

Ag ginsugo nana kami nga magwali ku Mayad nga Balita sa mga tawo, ag magpamatuod nga imaw ro ginbutang it Dyos nga maghukom sa mga buhi ag sa mga patay sa ulihi.

Mga Binuhatan 17:31

tungod may gintaeana eon eagi imaw nga adlaw, nga anang hukman it matarong ro mga tawo sa bilog nga kalibutan. May ginbutang eon eagi imaw nga sangka tawo nga magaobra karon. Ginpamatud-an it Dyos sa tanan, nga rayang tawo gid ro anang ginbutang, paagi sa pagbanhaw kana.”

Mga TagaRoma 2:16

Raya ngara tanan hay pagakonsiderahon kon mag-abot eon ro adlaw nga hukman it Dyos paagi kay Kristo Jesus ro tanan nga gin-isip ag ginhimo it mga tawo nga owa masayri it iba. Suno ra sa Mayad nga Balita nga akong ginawali.

2 Corinto 5:10

Ginatinguhaan namon ron ay kita tanan hay dapat nga ipaatubang kay Kristo nga magahukom katon, agod ro kada isaea hay makabaton it baeos suno sa anang binuhatan kat nagakabuhi pa imaw iya sa kalibutan, mayad man o maeain.

2 Timoteo 4:1

Sa atubang it Dyos ag ni Kristo Jesus nga magabalik sa ulihi bilang daeayawon nga hari nga magahukom sa tanan, mga buhi man o patay eon, ginabilin ko gid kimo nga

1 Pedro 4:5

Pero maabot ro adlaw nga manabat sanda sa Dyos nga haom maghukom sa tanan nga tawo, sa mga buhi pa ag sa mga patay eon pag-abot it adlaw ngaron.