Juan 5:21 - Inkeanon

²¹ Gabanhaw ro Dyos Ama it mga patay ag gatao it kabuhi sa mga tawo ag makaruyon man ro ginaobra nakon nga anang Unga. Ako man ro gatao it kabuhi sa gusto nakon nga taw-an.

Juan 5:21 Iomraidhean Croise

Juan 11:25

Tapos hay nagpaathag si Jesus, “Ako ro may gahom nga magbanhaw sa mga patay ag ako ro gatao kanda it kabuhi nga owa it katapusan. Bisan mamatay pa ro nagatuo kakon hay magakabuhi imaw hasta sa owa it katapusan.

Juan 17:2

Ginapangayo ko ron ay gintaw-an mo eon ako it otoridad sa tanan nga mga tawo nga magtao it kabuhi nga owa it katapusan sa tanan kanda nga imong gintugyan kakon.

Juan 6:63

Ro Espirito Santo ro gatao it kabuhi. Indi gid ra mahimo paagi sa ikasarang o pagtinguha it tawo. Ro akong ginhambae kinyo hay halin sa Espirito Santo, ag raya ro makatao kinyo it kabuhi nga owa it katapusan.

Mga Binuhatan 26:8

Ham-an it kon kinyo hay imposible't-a nga banhawon it Dyos ro mga patay?

Mga TagaRoma 8:11

Ginbanhaw it Dyos si Jesus ag una kinyo nagaistar ro Espirito it Dyos. Ngani paagi sa anang Espirito nga una kinyo hay banhawon man nana ro inyong eawas ag taw-an kamo it kabuhi nga owa it katapusan.

1 Corinto 15:45

Nagakasinanto ra sa nasueat sa Sagrado nga Kasueatan nga, “Ro eawas ku hauna nga tawo nga si Adan hay gintaw-an it kabuhi” pero may matawag man nga ro katapusan nga Adan ag imaw ron hay si Kristo. Ro anang eawas hay espirituhanon eon pagkabanhaw kana ag nagatao imaw it kabuhi nga owa it katapusan.