Juan 5:19 - Inkeanon

¹⁹ Ngani naghambae si Jesus sa mga manogdumaea ngato, “Matuod gid rang ginahambae kinyo nga Ako nga Unga it Dyos hay indi puydi nga mag-obra it akon-akon eang kundi ro akon eang nga ginaobra hay kon ano ro akong hasayran nga gusto ku akong Ama nga obrahon. Ngani ro mga ginaobra it Dyos Ama hay anang ginaobra paagi kakon nga anang Unga.

Juan 5:19 Iomraidhean Croise

Mateo 26:39

Nag-adto pa gid si Jesus sa ueu-unahan ag naghapa ag nagpangamuyo. Hambae nana, “Ama ko, kon mahimo hay pataliwana lang kakon ro grabi nga kasakit nga akon nga aeatubadngon. Pero bukon it akon nga pagbuot ro dapat matuman kundi ro imo.”

Lucas 21:15

ay ako ro magatao kinyo it inogsabat. Taw-an ko man kamo it kaaeam nga indi masukean o mabali it bisan sin-o sa inyong kuntra.

Juan 10:18

Owa it makapatay kakon kon indi ako magsugot pero ako't-a mismo ro gasakripisyo ku akong kabuhi, ay ako ro may kinamatarong nga magsakripisyo karon ag magbaton karon it uman. Ruyon ro sugo kakon it Ama.”

Juan 12:49

Ro akon nga ginahambae hay bukon it akon-akon eang, kundi kon ano ro ginapahambae kakon ku akong Ama nga nagpadaea kakon iya.

Juan 12:50

Sayod ako nga ro mensahi nga ginapahambae kakon ku akon nga Ama hay nagatao it kabuhi nga owa it katapusan, ngani kon ano ro anang ginapahambae kakon hay ruyon man ro akong ginahambae.”

Juan 14:10

Owa ka pa baea gapati nga ako ag ro akong Ama hay may maeueot gid nga kaangtanan nga matsa sambilog eang kami? Ro mga ginasugid ko kinyo hay bukon it akon-akon eang. Kon nagahambae ako, ag nagahimo it mga makangawa-ngawa nga mga butang, ro akon 't-a nga Ama ro nagahimo karon paagi kakon.

Juan 2:19

Nagsabat si Jesus, “Gub-a ninyo ro Templo ngara ag patindugon ko ra it uman sa sueod it tatlong adlaw.”

Juan 3:3

Nagsabat si Jesus, “Matuod gid rang ginahambae kimo nga kon ro isaeang ka tawo hay indi matawo it uman, indi imaw hitapoe sa mga sinakpan it Dyos.”

Juan 5:21

Gabanhaw ro Dyos Ama it mga patay ag gatao it kabuhi sa mga tawo ag makaruyon man ro ginaobra nakon nga anang Unga. Ako man ro gatao it kabuhi sa gusto nakon nga taw-an.

Juan 6:38

tungod nanaog ako iya halin sa eangit agod tumanon ro pagbuot ku nagpadaea iya kakon, bukon it ro akong pagbuot.

Juan 8:28

Ngani naghambae si Jesus kanda, “Pagkatapos nga inyo nga hibayaw sa krus ako nga Unga it Tawo hay dikaron ninyo masayran nga matuod ro akon nga ginahambae kon sin-o gid ako. Masayran man ninyo nga owa ako gahimo it bisan ano nga akon-akon eang kundi ro akon nga ginahambae hay ro mga ginturo kakon it akon nga Ama.

Juan 9:4

Dapat naton nga obrahon ro ginapaobra ku nagpadaea iya kakon samtang adlaw pa, ag may aton pa nga kahigayunan. Kon madueom eon abi hay owa eon it makaobra karon.

Mga Binuhatan 2:24

Pero bisan ginpatay imaw hay ginbanhaw imaw it Dyos ngani nakaeuwas imaw sa gahom it kamatayon, ay imposible gid ma't-a nga makapugong kana ron.

Mga TagaRoma 6:4

Ag tag ginbawtismuhan kita hay nagasimbolo ron nga namatay kita ag gineubong kaibahan nana. Gintaw-an man kita it bag-o nga kabuhi pareho ku pagbanhaw kay Kristo paagi sa indi matupungan nga gahom it Dyos Ama. Ngani dapat kita nga magkabuhi suno sa bag-o ngaron nga kabuhi nga gintao katon.

Mga TagaRoma 8:11

Ginbanhaw it Dyos si Jesus ag una kinyo nagaistar ro Espirito it Dyos. Ngani paagi sa anang Espirito nga una kinyo hay banhawon man nana ro inyong eawas ag taw-an kamo it kabuhi nga owa it katapusan.

1 Corinto 15:12

Kon duyon ro among ginawali, nga nabanhaw si Kristo, ham-an it nagahambae ro iba kinyo nga owa it pagkabanhaw ro mga patay?

2 Corinto 4:14

Ginaobra namon ra dahil sayod kami nga ro Dyos nga nagbanhaw kay Ginuong Jesus hay imaw man ro magabanhaw kamon, dahil sa amon nga maeueot nga kaangtanan kay Jesus. Pareho man karon ro ana nga obrahon kinyo ag pagkatapos hay ana kita nga bue-on ag daehon kon siin man imaw.

2 Corinto 5:10

Ginatinguhaan namon ron ay kita tanan hay dapat nga ipaatubang kay Kristo nga magahukom katon, agod ro kada isaea hay makabaton it baeos suno sa anang binuhatan kat nagakabuhi pa imaw iya sa kalibutan, mayad man o maeain.

Mga TagaEfeso 2:5

Ngani bisan pareho kita it mga patay tungod sa atong mga pageapas hay ana gihapon kita nga gintaw-an it bag-o nga kabuhi, ag ginabilang nana kita nga gintapoe kay Kristo sa anang pagkabanhaw. Paagi eang matuod sa sobrang kabuot it Dyos kita hay naeuwas.

Mga TagaEfeso 3:16

Nagapangamuyo ako kana nga eabing makagagahom, nga indi matupungan ro pagkadaeayawon nga anang pabaskugon ro inyong buot paagi sa Espirito Santo,

Mga TagaFilipos 3:21

Pag-abot nana riya, ro aton ngara nga eawas nga kalibutanon ag nagakamatay hay anang bag-uhon nga pareho eo't-a ku anang eawas nga eangitnon ag owa nagakamatay pagkabanhaw nana. Himuon nana ron paagi sa anang gahom nga makapasakop ku tanan nga butang kana.

Mga TagaFilipos 4:13

Masarangan nakon nga atubadngon ro tanan nga matabo tungod sa akong maeueot nga kaangtanan kay Kristo nga nagapabaskog kakon.

Mga TagaColosas 1:11

Amon man nga ginapangayo nga, paagi sa indi matupungan nga gahom it Dyos hay ana nga pabaskugon ro inyong buot agod matiis ninyo nga may kalipay ro tanan nga kalisod nga inyong maagyan, ag agod mapinasensyahon kamo permi.

Mga TagaColosas 1:16

tungod imaw ro ginpatuga it Dyos ku tanan nga una sa eangit ag sa eugta, makita man o indi, pati ro mga anghel ag ro iba pa nga klasi it mga espirito nga nagahari o nagadumaea, may gahom o may otoridad. Gintuga ku Dyos ro tanan paagi kay Kristo ag para man sa kadayawan ni Kristo.

1 Tesalonica 4:14

Nagapati kita nga namatay ag nabanhaw si Jesus mawron nga nagapati man kita nga pamunton it Dyos kay Jesus pagbalik nana iya sa kalibutan ro mga tumueuo nga namatay eon.

1 Pedro 3:18

Ro halimbawa karon hay si Kristo nga nag-antos bisan owa gid imaw nagkasaea. Matarong gid imaw pero namatay imaw para sa mga bukon it matarong, agod ipaeapit kamo nana sa Dyos. Kaisaea eang imaw namatay pero tama eon rato para mapatawad ro mga kasae-anan it tawo. Ginpatay ro anang kalibutanon nga eawas pero ginbanhaw imaw nga may eawas nga espirituhanon.

Pahayag 2:23

Patyon ko gid ro mga nagasunod kana nga ginabilang nga anang mga unga. Dahil karon hay makasayod ro tanan nga mga grupo it tumueuo nga ako ro makatungkad ku paino-ino ag handom it tawo. Ag baeusan ko ro kada isaea kinyo suno sa inyong binuhatan.