Juan 5:17 - Inkeanon

¹⁷ Pero ro ginasabat ni Jesus kanda hay, “Ro Dyos nga akong Ama hay owa gapundo sa anang ginaobra iya sa kalibutan, mawron nga owa ko man ginapunduhi ro anang ginapaobra kakon.”

Juan 5:17 Iomraidhean Croise

Mateo 10:29

“Pila gid abi ro bili it daywang ka maya? Makaruyon eang ron sanda pero owa it bisan sambilog kanda nga mahueog sa eugta ag mamatay kon indi igtugot ku Dyos nga inyong Ama.

Juan 10:36

hay ano ro inyong kinamatarong nga maghambae nga ginainsulto ko ro Dyos sa akong paghambae nga Unga ako it Dyos, ay ako ro anang ginpili ag ginpadaea iya sa kalibutan?

Juan 14:10

Owa ka pa baea gapati nga ako ag ro akong Ama hay may maeueot gid nga kaangtanan nga matsa sambilog eang kami? Ro mga ginasugid ko kinyo hay bukon it akon-akon eang. Kon nagahambae ako, ag nagahimo it mga makangawa-ngawa nga mga butang, ro akon 't-a nga Ama ro nagahimo karon paagi kakon.

Juan 5:16

Dahil makaraya ro mga ginhinimo ni Jesus sa mga Adlaw it Inogpahuway, mawron nga halin kato, ginhiningabot imaw ku mga manogdumaea.

Juan 5:18

Pagkabati kara ku mga manogdumaea hay mas kapin pa gid nga nag-inusoy sanda it ideya nga hipatay imaw. Kon kanda, owa eang nana pageapasa ro Kasuguan parti sa Adlaw it Inogpahuway, kundi ana pa nga ginaako nga katupong imaw it Dyos Ama, ay ginhambae nana nga ana gid mismo nga ama ro Dyos.

Juan 9:4

Dapat naton nga obrahon ro ginapaobra ku nagpadaea iya kakon samtang adlaw pa, ag may aton pa nga kahigayunan. Kon madueom eon abi hay owa eon it makaobra karon.

Mga Binuhatan 14:17

Pero may ginahimo imaw permi nga nagapamatuod nga una imaw ag mayad imaw. Ginataw-an nana kamo it uean halin sa eangit, ag tig-aeani sa tama nga oras para sa inyong kabueusgan ag kalipayan.”

Mga Binuhatan 17:28

Pareho ku haeambaeon nga, ‘Imaw ro ginahalinan ku atong kabuhi ag imaw ro nagatao it kusog sa atong pagpangabuhi, ag dahil man kana hay iya kita sa ibabaw it kalibutan.’ Pareho man ku hambae it sambilog sa inyong mga manogpamalaybay, ‘Ana kita nga mga unga.’

1 Corinto 12:6

Sari-sari ro ginapaobra katon it Dyos pero ro Dyos gid lang ro nagagahom katon tanan agod matuman naton ro anang katuyuan.

Mga TagaColosas 1:16

tungod imaw ro ginpatuga it Dyos ku tanan nga una sa eangit ag sa eugta, makita man o indi, pati ro mga anghel ag ro iba pa nga klasi it mga espirito nga nagahari o nagadumaea, may gahom o may otoridad. Gintuga ku Dyos ro tanan paagi kay Kristo ag para man sa kadayawan ni Kristo.

1 Tesalonica 2:13

Permi man kami nagapasaeamat sa Dyos tungod pagkabati ninyo ku among mensahi hay ginbaton ninyo nga halin gid ra sa Dyos, bukon it halin eang sa tawo. Ag matuod nga halin gid ma't-a ra sa Dyos. Ro mensahi ngara hay nagapamunga it mayad sa kabuhi ninyo nga mga tumueuo.

Mga Hebreo 1:3

Ro pagkadaeayawon ag kadungganan it Dyos hay makita man sa anang Unga. Kon mauno gid ro kinaiya it Dyos hay makaruyon gid ro anang Unga. Imaw ro nagapapadayon sa tama nga kaayusan ku tanan-tanan, ag nagakontrol ku tanan paagi sa gahom ku anang hambae. Paagi sa anang kamatayon hay ginlimpyuhan nana kita sa atong mga saea. Pagkahimo nana kato hay nagbalik imaw sa eangit ag nagpungko sa pinakadungganon nga pwesto sa tuo it eabing dungganon nga Dyos.