Juan 5:16 - Inkeanon

¹⁶ Dahil makaraya ro mga ginhinimo ni Jesus sa mga Adlaw it Inogpahuway, mawron nga halin kato, ginhiningabot imaw ku mga manogdumaea.

Juan 5:16 Iomraidhean Croise

Mateo 12:13

Ginhambae dayon nana tag kimpay ngato, “Untaya ro imong alima.” Gin-untay ku tawo ro anang alima ag nagmayad eagi rato ag owa eon it diperensya pareho ku sambilog pa nanang ka alima.

Marcos 3:6

Naggueuwa eagi sa ratong sinagoga ro mga Pariseo ag nagpakigkita sa mga kaapin ni *Herodes agod planuhan kon paalin patyon si Jesus.

Lucas 6:11

Naakig it duro ro mga maestro it Kasuguan ag ro mga Pariseo ngani gin-istoryahan nanda kon ano ro andang dapat obrahon kay Jesus.

Juan 1:19

Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 10:39

Pagkabati nanda kato hay anda eon man kunta nga dakpon si Jesus, pero matsa pumuslot eang imaw sa andang alima.

Juan 15:20

Dumduma ninyo ro akong ginhambae kato kinyo nga ro ulipon hay bukon it eabaw pa sa anang amo. Ngani kon ginhingabot nanda ako, hingabuton man nanda kamo. Pero kon tumanon nanda ro akong ginaturo hay tumanon man nanda ro inyong ginaturo.

Juan 5:10

ngani ginbuslahan ku mga manogdumaea it mga Judio ro eaki ngato nga nagmayad. Hambae nanda, “Hoy! Adlaw it Inogpahuway makaron! Eapas sa atong mga kasuguan ro imong pagbitbit ku ing eugban ngaron!”

Juan 5:13

Pero owa imaw it ikasugid nga ngaean ay nakahalin eo't-a si Jesus it hipos, ag matsa naduea ea't-a imaw sa kaabo nga tawo idto.

Juan 5:15

Nagpanaw dayon tag eaki ag bumalik sa mga manogdumaea ngato ag ginsugid nga si Jesus gali ro nagpamayad kana.

Juan 5:17

Pero ro ginasabat ni Jesus kanda hay, “Ro Dyos nga akong Ama hay owa gapundo sa anang ginaobra iya sa kalibutan, mawron nga owa ko man ginapunduhi ro anang ginapaobra kakon.”

Juan 5:18

Pagkabati kara ku mga manogdumaea hay mas kapin pa gid nga nag-inusoy sanda it ideya nga hipatay imaw. Kon kanda, owa eang nana pageapasa ro Kasuguan parti sa Adlaw it Inogpahuway, kundi ana pa nga ginaako nga katupong imaw it Dyos Ama, ay ginhambae nana nga ana gid mismo nga ama ro Dyos.

Juan 7:21

Nagsabat si Jesus, “May ginmayad ako nga sangka tawo ag nadismaya gid kamo tanan, ay nagpamayad ako bisan Adlaw rato it Inogpahuway.

Juan 7:25

Pagkatapos, may ibang mga tagaJerusalem nga naghambae, “Bukon abi it raya ro tawo nga andang ginaideyahan nga patyon?