Juan 5:10 - Inkeanon

¹⁰ ngani ginbuslahan ku mga manogdumaea it mga Judio ro eaki ngato nga nagmayad. Hambae nanda, “Hoy! Adlaw it Inogpahuway makaron! Eapas sa atong mga kasuguan ro imong pagbitbit ku ing eugban ngaron!”

Juan 5:10 Iomraidhean Croise

Mateo 12:10

May idto nga tawo nga kimpay ro anang alima. May mga Pariseo man idto nga nagausoy it sil-an nga ikaakusar si Jesus. Ngani ginpangutana nanda imaw, “Puydi baea sa atong Kasuguan ro magpamayad it masakiton kon Adlaw it Inogpahuway?”

Marcos 2:24

May idto nga mga Pariseo nga nakakita ku andang gin-obra ag ginhambaean nanda si Jesus, “Tan-awa tuo ring mga sumueunod. Ham-an it nagaobra sanda it bawae sa Adlaw it Inogpahuway?”

Marcos 3:4

Ginpangutana dayon ni Jesus ratong mga nagabantay kana, “Suno sa Kasuguan, ano ro puyding obrahon kon Adlaw it Inogpahuway? Ro mayad o ro maeain? Magtabang baea o magpatay?” Pero owa sanda magsabat.

Lucas 13:14

Ugaling hay naugot ro manogdumaea it ratong sinagoga ay nagpamayad si Jesus it masakiton sa Adlaw it Inogpahuway. Naghambae imaw sa mga tawo, “May an-om nga adlaw nga inogtrabaho, ngani dikato kunta kamo mag-adto iya agod magpabueong, bukon it sa Adlaw it Inogpahuway.”

Lucas 23:56

Nagpanaw dayon sanda ag nagpahaom it sari-saring mahumot nga bueong ag banyos nga gamiton nanda sa eawas ni Jesus. PagkaAdlaw it Inogpahuway hay nagpahuway sanda sa pagtuman sa Kasuguan.

Lucas 6:2

May idto nga mga Pariseo nga nakakita ku andang gin-obra ag ginhambaean sanda, “Ham-an it nagaobra kamo it bawae sa Adlaw it Inogpahuway?”

Juan 1:19

Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 5:11

Nagsabat ro eaki, “Hay ginhambae ma't-a ako ku ratong nagpamayad kakon nga hakwaton ko kuno ro akong eugban ag magpanaw.”

Juan 5:15

Nagpanaw dayon tag eaki ag bumalik sa mga manogdumaea ngato ag ginsugid nga si Jesus gali ro nagpamayad kana.

Juan 5:16

Dahil makaraya ro mga ginhinimo ni Jesus sa mga Adlaw it Inogpahuway, mawron nga halin kato, ginhiningabot imaw ku mga manogdumaea.

Juan 7:23

Kon gatuli kamo bisan hanuon pa sa Adlaw it Inogpahuway agod tumanon eang ro kasuguan it Dyos nga ginsueat ni Moises, ham-an it naakig kamo kakon, ay bukon eang ngani it sang parti it eawas ro akong ginpamayad kundi ro bilog nga eawas ku ratong tawo sa Adlaw it Inogpahuway?

Juan 9:16

Ngani naghambae ro ibang Pariseo, “Ro nag-obra kara hay bukon it ginpadaea iya it Dyos, ay ginaeapas nana ro kasuguan parti sa Adlaw it Inogpahuway.” Pero ro iba ma't-a hay naghambae, “Huo ngani, pero makahimo baea ro makasasaea it mga milagrosong pamatuod nga makaraya?” Ngani owa sanda nagkaeasugot.