Juan 4:9 - Inkeanon

⁹ Hakibot ro bayi sa ginhambae ni Jesus ngani sinana ku bayi, “Ha? Judio ka't-ing, tapos mangayo ka it tubi kakon nga Samaritanhon, ag bayi pa!” (Ruyon sinana ku bayi ay indi maggamit ro mga Judio ku ilimnan o kaean-an nga hagamit eon ku mga Samaritanhon.)

Juan 4:9 Iomraidhean Croise

Mateo 10:5

Sandang dose hay ginpapanaw ni Jesus ag ginbilinan, “Panaw kamo pero ayaw kamo it adto sa mga lugar nga ginaistaran it bukon it aton nga mga kadugo, ag sa mga banwa nga ginaistaran it mga *Samaritano,

Lucas 10:33

Ku ulihi hay may sangka *Samaritano nga haagi man dikato, ag pagkakita nana sa ratong tawo hay naeuoy gid imaw it duro.

Juan 4:27

Tag nagahambae pa si Jesus hay nag-abot ro anang mga sumueunod. Hangawa gid sanda ay nagaistorya imaw sa isaeang ka bayi. Pero owa gid kanda it nagpangutana kon gaalin ro bayi ngato, ag kon ham-an it nagaistorya kara kana si Jesus.

Juan 8:48

Naghambae dayon ro mga Judio ngato kay Jesus, “Tama gid-a ro amon nga hambae nga pareho ka sa makangingil-ad nga Samaritanhon ag ginagamhan ka pa it demonyo!”

Mga Binuhatan 1:8

Pero ro inyo't-a nga dapat masayran hay makabaton kamo it gahom kon magkunsad eon kinyo ro Espirito Santo. Ag paagi sa anang gahom hay magapamatuod kamo parti kakon iya sa Jerusalem, sa tanan nga lugar iya sa probinsya it Judea, sa Samaria ag pati sa pinakamaeayo nga mga lugar sa kalibutan.”

Mga Binuhatan 10:28

Naghambae dayon si Pedro, “Sayod siguro kamo nga suno sa among Kasuguan, kaming mga Judio hay indi puyding magpakig-iba o magbisita sa mga bukon it Judio pareho ninyo. Pero ginpakita kakon it Dyos nga indi ko eon pagbilangon nga mahigko o basta-basta eang ro akong isigkatawo.

Mga Binuhatan 10:32

Magsugo ka mana it tawo nga mag-adto sa Joppa ag ipasueang si Simon nga ginatawag man nga Pedro. Idto mana imaw nagadayon sa baeay ni Simon nga manogproseso it panit it sapat. Maeapit mana karon ro anang baeay sa binit it baybay.