Juan 4:53 - Inkeanon

⁵³ Dikato hasayri ku opisyal nga nagmayad ro anang unga ku oras ngato mismo nga naghambae si Jesus nga “Mayad eon ro imong unga.” Ngani nagtuo imaw kay Jesus, pati ro anang bilog nga panimaeay.

Juan 4:53 Iomraidhean Croise

Mateo 8:13

Ginhambae dayon ni Jesus ro kapitan, “Uli eon. Nagapati ka gid nga magamayad ro imong sueuguon kon hambaeon ko eang nga mayad eon imaw, ngani makaruyon gid ro matabo.” Ag paghambae eang karon ni Jesus hay nagmayad eagi ro sueuguon ku kapitan.

Lucas 19:9

Naghambae dayon si Jesus, “Makaron nga adlaw, gineuwas sa pina it saea rondayang panimaeay tungod ginpakita ni Zakeus nga isaea imaw sa minatuod nga inapo ni Abraham.

Juan 4:51

Pagkamasunod nga adlaw, tag nagapaeusob pa eang imaw paadto sa Capernaum hay ginsueang-sueang imaw ku anang mga ulipon ag ginsugiran nga mayad eo't-a ro anang unga.

Juan 4:52

Nangutana dayon kanda ro opisyal kon kan-o imaw nagmayad. Hambae nanda, “Gulpi eang naduea ro anang eagnat kahapon ku ika-7 nga oras.”

Mga Binuhatan 11:14

Ihambae mana nana kimo kon paalin ka maeuwas ag ro imong bilog nga panimaeay.

Mga Binuhatan 16:15

Ginbawtismuhan dayon imaw pati man ro anang panimaeay. Pagkatapos hay ginkangay nana kami. Hambae nana, “Kon nagapati kamo nga tumueuo matuod ako it Ginuo hay musyon kamo sa amon ag idto kamo magdayon.” Owa gid-a kami kabalibad kana ay maemae eo't-a ra kangay kamon.

Mga Binuhatan 16:34

Gindaea dayon nana sanday Pablo ag Silas sa anda ag gindat-unan it pagkaon. Nalipay gid imaw ag ro anang bilog nga panimaeay ay nagatuo eon sanda sa Dyos.

Mga Binuhatan 18:8

Pero ro manogdumaea it sinagoga idto nga si Crispus ro ngaean hay nagtuo ma't-a sa Ginuo kaibahan ro anang bilog nga panimaeay. Ag abo pa gid nga mga tagaCorinto ro nagtuo ag nagpabawtismo pagkabati nanda ku wali ni Pablo.

Mga Binuhatan 2:39

Ginpromisa ra nana kinyo ag sa inyong mga inapo, ag sa tanan nga idto sa maeayo nga nahamueag pa kana, ag sa bisan sin-o nga pagatawgon pa it Ginuo nga atong Dyos nga magpasakop kana.”