Juan 4:46 - Inkeanon

⁴⁶ Samtang idto si Jesus sa Galilea hay nag-adto imaw it uman sa Cana kon siin ginhimo nana kato nga bino ro tubi. Idto sa banwa it Capernaum nga sakop man ku probinsya it Galilea hay may opisyal it gobyerno nga may unga nga eaki nga nagamasakit.

Juan 4:46 Iomraidhean Croise

Mateo 15:22

Tag idto eon sanda, may nag-adto kana nga bayi nga tagaidto nga halin sa linahi it mga tagaCanaan kato anay. Nagsininggit ratong bayi, “Ginuo, apo ni Haring David, maeuoy ka kakon! Ginsudlan it demonyo ro akong unga nga bayi ag grabi gid ro anang kahimtangan.”

Mateo 4:13

sa anang banwa nga Nazaret pero owa imaw idto mag-istar, kundi idto sa Capernaum nga maeapit sa *Dagat it Galilea, sa lugar nga ginaistaran ku mga inapo nanday Zabulon ag Naftali.

Mateo 9:18

Samtang nagaistorya pa si Jesus kanda, may nag-abot nga sangka manogdumaea sa ratong lugar. Naghapa imaw sa atubang ni Jesus ag naghambae, “Bag-o eang namatay ro akong unga nga bayi. Kon mahimo hay sumunod ka sa amon ag imong itungtung ro imong alima kana agod mabuhi imaw it uman.”

Lucas 4:23

Naghambae si Jesus kanda, “Sigurado ako nga ihambae man ninyo kakon ro haeambaeunon nga, ‘Doktor, buenga ro imong kaugalingon.’ Ag inyo man ako nga hambaeon nga, ‘Obraha iya sa imong banwang ginbahuean ro tanan nga milagro nga among habatian nga gin-obra nimo sa syudad it Capernaum.’

Lucas 7:2

Idto hay may isaeang ka kapitan it soldado it Roma nga may sueuguon nga nagamasakit ag nagatagumatayon. Palangga gid ku kapitan ro ana ngara nga sueuguon.

Lucas 8:42

ag pamayaron ro anang unga nga bayi. Mga dose anyos pa eang rato imaw ag solo man lang nana nga unga ag nagatagumatayon eon rato. Nagsunod si Jesus kay Jairus ag abo nga mga tawo ro nagsueunod kanda nga nagadueutdutan.

Juan 2:12

Pagkatapos it kasae sa Cana hay nag-adto sa banwa it Capernaum si Jesus, kaibahan ro anang ina, ro anang mga igmanghod ag ro anang mga sumueunod, ag idto sanda nagtenir it mga pilang adlaw eang.

Juan 21:2

Nagtililipon sanday Simon Pedro, Tomas nga Kapid ro hayo, Nataniel nga tagaCana sa Galilea, ro daywang ka unga ni Zebedeo ag ro daywa pa gid ku ay Jesus nga mga sumueunod.