Juan 4:42 - Inkeanon

⁴² Hambae ku mga tawo sa bayi ngato, “Gatuo eon kami makaron bukon eang it dahil sa imong ginsugid, kundi dahil habatian namon mismo ro anang hambae. Ngani sigurado eon kami nga imaw matuod ro Maneueuwas it mga tawo sa bilog nga kalibutan.”

Juan 4:42 Iomraidhean Croise

Mateo 1:21

Magaunga imaw it eaki ag pangaeanan mo ro eapsag it Jesus ay imaw ro magaeuwas ku anang mga katawhan sa pina ku andang mga saea.”

Lucas 2:32

Imaw hay pareho it kahayag nga magapaathag ku imong kamatuuran sa mga bukon it *Judio. Ag tungod kana, pagapadunggan kami nga imong mga katawhan nga mga inapo ni Israel.”

Juan 1:29

Pagkamasunod nga adlaw, hakita ni Juan si Jesus nga nagapaeangop kana. Naghambae si Juan, “Tan-awa ninyo. Haron ro *Tiyo it Karnero nga gintao it Dyos bilang pangsakripisyo agod hipatawad ro kasae-anan it katawhan!

Juan 11:17

Tag maeapit eon sanday Jesus sa Betania hay habalitaan nanda nga ap-at nga adlaw eon gali nga kinaeubong si Lazarus.

Juan 17:8

Ginsugid ko kanda ro tanan nga ginpahambae mo kakon ag ginpatihan ra nanda. Ngani sigurado gid sanda nga halin matuod ako kimo, ag nagapati gid sanda nga ikaw ro nagpadaea iya kakon.

Juan 4:29

“Musyon kamo! Adtunan naton ro tawo nga naghambae kakon ku tanan nakong ginpang-obra. Bukon man siguro it imaw ro Maneueuwas nga ginpromisa it Dyos pero imaw lang kunta, no?”

Juan 4:41

ag abo pa gid ro nagtuo kana dahil sa anang pagturo.

Mga Binuhatan 13:23

Sa mga inapo ni David ngara naghalin ro Maneueuwas nga ginpromisa it Dyos nga anang ginpadaea katon nga mga inapo ni Israel, ag raya hay si Jesus.

Mga Binuhatan 4:12

Owa eon kita it iba pang maagyan agod maeuwas kundi si Jesus eang, ay imaw eang sa bilog nga kalibutan ro gintao it Dyos nga dapat naton nga tuuhan agod maeuwas.”

Mga Binuhatan 5:31

Rayang si Jesus hay ginpapungko it Dyos sa anang tuo bilang pinakapinuno ag Maneueuwas agod taw-an nana kita nga mga inapo ni Israel it kahigayunan nga makahinuesoe ag talikdan ro atong mga saea agod mapatawad kita.

2 Corinto 5:19

Ginaturo namon ro mensahi nga paagi sa kamatayon ni Kristo hay nag-obra ro Dyos it paagi agod puydi nana hibilang nga owa eon it mga pageapas ro tawo kana. Daya ro mensahi nga gintugyan nana kamon nga ituro, agod magmayad ro andang relasyon sa Dyos.

1 Timoteo 4:10

Ngani dahil gusto gid naton nga makasayod ro mga tawo parti sa bag-o nga kabuhi ngara nga ginpromisa it Dyos, mawron nga nagapanikasog ag nagapangabudlay kita para karon. Ag sigurado gid kita nga tumanon it Dyos ro ana ngarang promisa, imaw nga buhi hasta sa owa it katapusan. Gusto nana nga euwason ro tanan nga mga tawo ag euwason gid nana ro mga nagatuo kay Jesus.

1 Juan 2:2

Ag paagi sa kamatayon ni Jesu-Kristo hay ginpatawad eon kita sa atong mga saea. Namatay imaw bukon eang it dahil sa atong mga saea kundi dahil man sa saea it tanan nga mga tawo.

1 Juan 4:14

Hakita gid namon si Jesus. Ngani ginapamatud-an man namon nga ginpaadto iya it Dyos nga Ama ro anang Unga agod mangin Maneueuwas it kalibutan.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.