Juan 4:31 - Inkeanon

³¹ Idto ma't-a sa may bubon, ginahinambae si Jesus ku anang mga sumueunod, “*Rabbi, kaon eon.”

Juan 4:31 Iomraidhean Croise

Mateo 23:7

Kon sa kadagayaan hay naila man sanda nga pagsinaluduhan it mga tawo ag gusto man nanda nga tawgon nga ‘maestro.’

Mateo 23:8

“Pero kamo't-a hay indi puydi nga tawgon nga ‘maestro’ ay ako gid lang ro inyong maestro ag bilang magmaeanghod sa pagtuo hay owa it bisan sin-o kinyo nga eabaw pa sa iba.

Mateo 26:25

Naghambae dayon si Judas, ro magatraidor kana, “Maestro, bukon 't-a it ako, no?” “Ikaw gid 't-a,” sabat ni Jesus.

Mateo 26:49

Nagdiritso eagi si Judas kay Jesus ag naghambae, “Mayad-ayad nga gabii, Maestro.” Ag ana ra dayon nga ginharuan.

Marcos 11:21

Hadumduman ni Pedro ro ginhambae ni Jesus sa kahoy ag naghambae imaw, “Maestro, tan-awa tuo, ro kahoy nga imong ginmaldesyon hay eaay gid-a.”

Marcos 14:45

Nagdiritso eagi si Judas kay Jesus ag naghambae, “Maestro!” Ag ana ra dayon nga ginharuan.

Marcos 9:5

Naghambae dayon si Pedro kay Jesus, “Maestro, mayad ngani ay iya kami. Mayad siguro maobra kami it tatlong ka payag. Sambilog para kimo, sambilog para kay Moises ag sambilog man para kay Elias.”

Juan 1:38

Naglingot si Jesus ag nakita nana nga nagasunod kana ro daywa. Ginpangutana nana sanda, “Ano kunta?” Nagsabat sanda nga daywa, “Rabbi, siin ka gatenir?” (Ro kahueugan it “rabbi” hay “maestro.”)

Juan 1:49

Naghambae si Nataniel, “*Rabbi, Unga ka gid matuod it Dyos. Ikaw eon gid-a ro among ginahueat nga hari ku mga inapo ni Israel.”

Juan 11:8

Nagsabat sanda, “*Rabbi, kan-o eang rato nga ginaplanuhan ka nga eapugon it bato ku mga Judio ag tapos makaron, mabalik ka pa idto?”

Juan 3:2

Isaeang gabii, nag-adto imaw kay Jesus ag naghambae, “*Rabbi, sayod kami nga ginpadaea ka it Dyos iya agod magturo kamon. Nakahambae ako kara dahil owa it makahimo ku mga milagroso nga pamatuod pareho sa imong mga ginahimo kon owa kana ro gahom it Dyos.”

Juan 3:26

Pagkatapos, nag-adto ro mga sumueunod ngato ni Juan kana ag naghambae, “*Rabbi, tag ratong imong ginpakilaea sa mga tawo kon sin-o gid imaw, tag nakaibahan mo anay sa tabok it suba it Jordan hay hato't-a, nagapangbawtismo man. Ag idto't-a pa man nagainadto kana ro tanan nga tawo!”

Juan 4:30

Ngani gumuwa sanda sa banwa ag umadto kon siin si Jesus.

Juan 4:32

Pero nagsabat imaw, “May akon 't-a nga pagkaon nga owa ninyo masayri.”

Juan 6:25

Pagkakita ku mga tawo ngato kay Jesus idto sa tabok hay ginpangutana nanda imaw, “*Rabbi, kan-o ka pa iya nag-abot ay?”

Juan 9:2

Nagpangutana dayon kay Jesus ro anang mga sumueunod, “*Rabbi, sin-o ro nagkasaea mawron nga natawo nga bulag ro tawo ngara? Imaw baea o ro anang mga ginikanan?”