Juan 4:3 - Inkeanon

³ Ngani pagkasayod ni Jesus nga nakabalita karon ro mga Pariseo hay naghalin imaw sa Judea ag nagbalik sa Galilea, kaibahan ro anang mga sumueunod.

Juan 4:3 Iomraidhean Croise

Mateo 10:23

Kon ginahingabot kamo sa sangka lugar, daeagan sa pihak. Ayaw kamo magpaeuya it buot, ay matuod rang ginahambae kinyo nga indi ninyo maubos it libot ro tanan nga banwa it Israel bago magbalik ako nga Unga it Tawo.”

Marcos 3:7

Pagkatapos, si Jesus ag ro anang mga sumueunod hay nag-adto sa baybayon ku Dagat it Galilea ag kaabo-abo nga mga tawo ro nagsunod kanda. Naghalin ra sanda sa probinsya mismo it Galilea. May mga naghalin man sa Judea,

Lucas 17:11

Tag nagapadayon si Jesus sa anang pagpamanawon paadto sa Jerusalem, idto imaw nag-agi sa may dueunan it probinsya it Samaria ag probinsya it Galilea.

Juan 1:43

Pagkamasunod nga adlaw, nagdesisyon si Jesus nga maadto sa probinsya it Galilea. Ku ulihi, hakita nana si Felipe ag ginhambae nana ra, “Mus, sunod kakon bilang akong sumueunod.”

Juan 10:40

Nagtabok dayon si Jesus sa suba it Jordan ag nagbalik sa lugar kon siin anay nagpangbawtismo si Juan, ag idto anay imaw nagtenir.

Juan 11:54

Ngani owa eon si Jesus nagpasaga-saga sa Judea kundi nag-adto imaw sa banwa it Efraim nga maeapit sa *disyerto, ag maeayo sa kabanwahan nga may kaabong tawo. Idto imaw nagtenir kaibahan ro anang mga sumueunod.

Juan 2:11

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

Juan 3:22

Pagkataliwan it pilang adlaw, si Jesus ag ro anang mga sumueunod hay nag-adto sa sangka lugar nga owa it nagaistar sa probinsya it Judea. Nagtenir sanda idto it mabuhay-buhay ag nagpangbawtismo.

Juan 3:32

Ro anang hakita ag habatian idto sa eangit hay imaw ro anang ginasugid, pero sangkiri ea't-a ro nagapati kana.

Juan 4:47

Habatian ku opisyal ngato nga nag-abot si Jesus sa Galilea halin sa Judea ngani ana ra nga gin-adtunan. Pag-abot idto hay nagpakitluoy imaw kay Jesus nga mag-adto sa anda ag pamayron ro anang unga nga nagatagumatayon.

Juan 7:1

Pagkatapos kato hay idto eang si Jesus naglinibot sa Galilea. Owa imaw mag-adto sa Judea ay sayod nana nga nagainusoy it ideya ro mga manogdumaea it mga Judio idto nga hipatay imaw.