Juan 4:23 - Inkeanon

²³ Pero maabot ro oras ag makaron eon ngani ron, nga ro pagsimba ku mga tawo sa Dyos Ama hay sa bug-os nandang tagipusuon ag kabubut-on ag nabase sa kamatuuran halin kana. Makaruyon abi nga klasi it pagsimba ro anang ginausoy sa mga tawo.

Juan 4:23 Iomraidhean Croise

Juan 1:17

Gintao it Dyos ro *Kasuguan paagi kay Moises pero paagi't-a kay Jesu-Kristo ginpakita it Dyos ro anang sobrang kabuot, ag ginpahayag ro kamatuuran parti sa kaeuwasan it tawo.

Juan 12:23

Naghambae si Jesus, “Nag-abot eon ro oras nga Ako nga Unga it Tawo hay pagapadunggan.

Juan 16:2

Indi eon nanda kamo pagpasudlon sa sinagoga, ag ro mas grabi pa hay maabot ro oras nga eaom ku mga magapatay kinyo nga ro andang ginaobra hay mayad nga buhat nga ihaead sa Dyos sa pagsimba kana.

Juan 16:32

pero maabot ro oras, ag madali lang gid ron ngani mag-abot, nga magatilipeaag kamo ag aywanan ninyo ako nga isaea. Pero owa eon gid man ako gaisaeahanon ay kaibahan ko ro akong Ama.

Juan 4:21

Nagsabat si Jesus, “Patihi ro akong ginahambae ngara kimo, Nang. Maabot ro oras nga bukon eon it importanti kon iya sa bukid ngara o sa Jerusalem magsimba sa Dyos Ama ro mga tawo.

Juan 5:25

Matuod gid rang ginahambae kinyo nga maabot ro oras, ag makaron eon ngani ron, nga mabatian ku mga pareho it patay tungod sa andang kasae-anan ro hambae nakon nga Unga it Dyos, ag ro magapamati hay taw-an ko it minatuod nga kabuhi.

Juan 5:28

Ayaw kamo it kangawa sa akong ginhambae ngara tungod maabot ro oras nga mabatian it tanan nga mga patay ro akong limog

Mga TagaRoma 1:9

Ginaserbihan ko ro Dyos it hantop sa akong tagipusuon sa akong pagsugid ku Mayad nga Balita parti sa anang Unga ag saksi imaw nga ginasambit ko kamo permi

Mga TagaRoma 8:15

Bukon eon kita it pareho it ulipon nga nagakurog permi sa kahadlok sa anang mapintas nga amo kundi malipayon gid kita ay sayod naton nga mga unga kita it Dyos mawron nga ginatawag eon naton imaw it Tatay.

Mga TagaRoma 8:26

Ro kasiguruhan ngaron hay paagi sa bulig it Espirito Santo ag ginabuligan na man kita sa mga indi naton masarangan. Halimbawa hay sa atong pagpangamuyo ay owa kita kasayod kon ano ro atong dapat ipangamuyo nga suno sa kabubut-on it Dyos. Pero ro Espirito Santo mismo ro nagapangamuyo para katon nga nagapanangison gid nga indi mahimo it tawo eang.

Mga TagaGalacia 4:6

Ngani tungod mga unga nana kita, ginpadaea it Dyos ro Espirito Santo nga ginpromisa ni Jesus iya sa aton nga tagipusuon. Paagi sa Espirito Santo hay makatawag eon kita sa Dyos it, “Palangga ko nga Ama.”

Mga TagaEfeso 6:18

Sa inyong pagpakig-away kay Satanas, permi kamong magpangamuyo ag mag-ampo sa bulig it Espirito Santo bisan sa anong kahimtangan. Magbantay kamo permi ag indi magkataka sa pagpangamuyo ag pag-ampo para sa tanan nga katawhan it Dyos.

Mga TagaFilipos 3:3

Pero ro matuod hay bukon it sanda kundi kita ro minatuod nga katawhan it Dyos. Sa bulig ku anang Espirito hay nagasimba kita sa Dyos, ag nagasalig kita kay Kristo Jesus para sa atong kaeuwasan. Owa kita nagasalig kon sin-o kita, o kon ano ro atong binuhatan, agod nga maeuwas.

1 Pedro 2:9

Pero kamo't-a hay natapoe sa katawhan it Dyos nga anang pinili ag ana nga ginabilang nga bag-o nga rasa. Mga harianon man kamo nga mga saserdote. Ginpaeain kamo nana agod mangin anang balaan nga rasa. Gintawag nana kamo nga talikdan ro kadueom it saea ag magpangabuhi sa anang makangawa-ngawa nga kahayag. Ag ro anang tuyo hay agod nga isugid ninyo permi sa iba ro anang grabi it nami nga mga ginhimo para kinyo.