Juan 4:21 - Inkeanon

²¹ Nagsabat si Jesus, “Patihi ro akong ginahambae ngara kimo, Nang. Maabot ro oras nga bukon eon it importanti kon iya sa bukid ngara o sa Jerusalem magsimba sa Dyos Ama ro mga tawo.

Juan 4:21 Iomraidhean Croise

Mateo 18:20

Ginahambae ko ron ay kon siin nagatipon ro daywa o tatlo dahil sa andang pagtuo kakon hay una ako kaibahan nanda.”

Mateo 28:19

Ngani, panaw kamo ag tur-an ro tanan nga rasa it tawo kon paalin sanda magsunod kakon bilang akong mga sumueunod. Bawtismuhi sanda sa ngaean it Ama, Unga ag Espirito Santo.

Lucas 21:24

Ro iba kanda hay magakaeamatay paagi sa espada. Ro iba hay bihagon ag daehon sa tanan nga mga nasyon sa kalibutan. Ro Jerusalem hay tapak-tapakon eang ku mga owa nagakilaea sa Dyos hasta nga ro tyempo nga itugot kanda it Dyos hay matapos.”

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 16:2

Indi eon nanda kamo pagpasudlon sa sinagoga, ag ro mas grabi pa hay maabot ro oras nga eaom ku mga magapatay kinyo nga ro andang ginaobra hay mayad nga buhat nga ihaead sa Dyos sa pagsimba kana.

Juan 16:32

pero maabot ro oras, ag madali lang gid ron ngani mag-abot, nga magatilipeaag kamo ag aywanan ninyo ako nga isaea. Pero owa eon gid man ako gaisaeahanon ay kaibahan ko ro akong Ama.

Juan 4:23

Pero maabot ro oras ag makaron eon ngani ron, nga ro pagsimba ku mga tawo sa Dyos Ama hay sa bug-os nandang tagipusuon ag kabubut-on ag nabase sa kamatuuran halin kana. Makaruyon abi nga klasi it pagsimba ro anang ginausoy sa mga tawo.

Juan 5:25

Matuod gid rang ginahambae kinyo nga maabot ro oras, ag makaron eon ngani ron, nga mabatian ku mga pareho it patay tungod sa andang kasae-anan ro hambae nakon nga Unga it Dyos, ag ro magapamati hay taw-an ko it minatuod nga kabuhi.

Juan 5:28

Ayaw kamo it kangawa sa akong ginhambae ngara tungod maabot ro oras nga mabatian it tanan nga mga patay ro akong limog

Mga Binuhatan 6:14

Matuod ro among ginahambae ngara ay habatian namon imaw nga naghambae nga rayang si Jesus nga tagaNazaret hay magaguba ku rayang Templo ag anang bayluhan ro mga sueundanan nga ginpanubli pa naton kay Moises.”

Mga TagaEfeso 2:18

Ngani paagi sa ginhimo ni Kristo hay paeareho eon kita nga mga Judio ag bukon it Judio nga ginabaton it Dyos nga atong Ama kon magpaeapit kita kana sa bulig it Espirito Santo nga iya katon tanan.

Mga TagaEfeso 3:14

Ngani kon hidumduman ko ro tanan nga ginhimo ku atong Ama hay nagaeuhod ako sa pagpangamuyo kana.

1 Timoteo 2:8

Balikan naton ro parti sa pagpangamuyo. Gusto ko nga sa tanan nga lugar kon siin nagatililipon ro mga tumueuo hay ro mga eaki ro magpangamuyo. Pero bago sanda mag-alsa ku andang alima sa pagpangamuyo hay dapat anay nga ro andang pagkabuhi hay balaan ag owa it kaakig o pagpakigbais sa andang isigkatawo.

1 Pedro 1:17

Ginakilaea ninyo nga ro Dyos ro inyong Ama kon nagapangamuyo kamo kana. Pero imaw man ro gahukom sa mga tawo ag owa imaw it ginaapinan kundi ginahukman nana ro kada isaea suno sa andang binuhatan. Ngani dapat nga tahaon ninyo imaw nga may kahadlok sa anang disiplina myentras nagapangabuhi kamo bilang mga umaeagi iya sa ibabaw it kalibutan.

Pahayag 21:22

Owa ako it hakita idto nga templo ay ro pinakatemplo sa syudad ngato hay ro Eabing Makagagahom nga Ginuong Dyos ag ro Tiyo it Karnero.