Juan 4:16 - Inkeanon

¹⁶ Ginhambae dayon ni Jesus ro bayi, “Sueanga anay rito ro imong asawa ag daehon iya.”

Juan 4:16 Iomraidhean Croise

Juan 1:42

Gindaea dayon ni Andres si Simon idto kay Jesus. Gintueok ni Jesus si Simon ag ginhambae, “Ikaw si Simon nga unga ni Juan. Pero umpisa makaron, si Cefas eon ro imong ngaean.” (Ro ngaean nga Cefas hay sa linggwahe it mga Judio, ag ro Pedro hay sa Griniyego, ag pareho ra nga nagakahueugan nga “bato.”)

Juan 21:17

Pinangutana ni Jesus it ikatatlong beses si Pedro, “Simon, unga ni Juan, ginahigugma mo baea ako?” Pagkabati kara ni Pedro hay nagsakit ro anang buot ay tatlong beses eon nga ginpangutana imaw ni Jesus kon ginahigugma nana ra. Tapos, nagsabat si Pedro, “Ginuo, sayod mo ro tanan ag ikaw mismo ro nakasayod nga ginahigugma ko ikaw.” “Kon mawron, tatapa gid ro akong mga katawhan nga matsa panong it karnero,” hambae ni Jesus.

Juan 4:15

Naghambae ro bayi, “Sir, taw-i abi ako ku tubi ngaron nga ginahambae nimo, agod indi eon ako pag-uhawon it uman ag agod indi eon ako magbinalik-balik it pagsinag-ob iya.”

Juan 4:17

Nagsabat imaw, “Pero owa ako it asawa.” Sumabat si Jesus, “Matuod ro imong hambae ngaron nga owa ka it asawa.

Juan 4:18

Limang beses ka eon abi nga nag-asawa ag ro eaki nga imong ginakabuhi makaron hay bukon mo man it asawa. Matuod gid ma't-a ro imong ginhambae.”

Mga Hebreo 4:13

Owa gid it gintuga nga matago sa Dyos. Makita nana ro tanan ag hayag ra sa ana nga panueok. Ag kana man kita magapanabat sa atong mga binuhatan.

Pahayag 2:23

Patyon ko gid ro mga nagasunod kana nga ginabilang nga anang mga unga. Dahil karon hay makasayod ro tanan nga mga grupo it tumueuo nga ako ro makatungkad ku paino-ino ag handom it tawo. Ag baeusan ko ro kada isaea kinyo suno sa inyong binuhatan.