Juan 4:1 - Inkeanon

¹ Ro mga Pariseo hay nakabalita nga ro ay Jesus nga ginakumbinsi nga mangin anang mga sumueunod hay mas nagainabo pati ro anang ginabawtismuhan kaysa sa ay Juan.

Juan 4:1 Iomraidhean Croise

Lucas 1:76

Ngani ikaw, toto, hay pagakilaeahon nga propeta it Dyos nga Eabing Mataas. Magauna ka sa Ginuo agod pahaumon mo ro anang aeagyan.

Lucas 19:31

Kon may magpangutana ngani kon ham-an it ginahubad ninyo hay sabta nga ginadapatan maton it Ginuo.”

Lucas 19:34

Nagsabat sanda, “Nadapatan ra abi it Ginuo.”

Lucas 2:11

Makaron sa banwa nga natawuhan ni Haring David, natawo ro inyong Maneueuwas. Imaw ro Ginuo, ro *Kristo nga ginpromisa it Dyos.

Lucas 7:13

Pagkakita it Ginuo sa ina ku namatay hay naeuoy gid imaw it duro ag ginhambae nana ro bayi, “Ayaw eon it tangis.”

Lucas 7:19

ag ginpaadto nana sa Ginuo agod mangutana kon imaw eon ro andang ginapaabot nga ginpromisa it Dyos ukon mahueat pa sanda it iba.

Juan 3:22

Pagkataliwan it pilang adlaw, si Jesus ag ro anang mga sumueunod hay nag-adto sa sangka lugar nga owa it nagaistar sa probinsya it Judea. Nagtenir sanda idto it mabuhay-buhay ag nagpangbawtismo.

Juan 3:26

Pagkatapos, nag-adto ro mga sumueunod ngato ni Juan kana ag naghambae, “*Rabbi, tag ratong imong ginpakilaea sa mga tawo kon sin-o gid imaw, tag nakaibahan mo anay sa tabok it suba it Jordan hay hato't-a, nagapangbawtismo man. Ag idto't-a pa man nagainadto kana ro tanan nga tawo!”

Mga Binuhatan 10:36

Ginpahayag it Dyos kamon nga mga inapo ni Israel ro Mayad nga Balita nga puydi eon makapanumbalik ro mayad nga relasyon it tawo sa Dyos, paagi kay Jesu-Kristo nga Ginuo it tanan.

1 Corinto 1:17

Owa't-ang abi pagpadaehan ni Kristo sa ibang lugar agod magpangbawtismo kundi agod magsugid 't-a ku Mayad nga Balita. Sa akong pagwali hay owa ako gagamit it mga pamisaea ku mga mangin-aeamon nga mahambae it tawo nga maaeam gid ako ay owa ako naila nga madueaan it gahom ro mensahi parti sa kamatayon ni Kristo sa krus.

1 Corinto 15:47

Ro hauna nga tawo nga si Adan hay halin iya sa kalibutan ay gintuga imaw halin sa eapok pero ro ulihi nga Adan nga si Kristo hay halin sa eangit.

1 Corinto 2:8

Owa it bisan sambilog sa mga manogdumaea iya sa kalibutan nga nakaeubot ku rayang plano it Dyos ay kon haeubtan ra nanda hay owa eon kunta nanda pagpaeansangan si Kristo nga daeayawon ag dungganon nga Ginuo.

2 Corinto 4:5

Owa namon ginawali ro among kaugalingon nga matsa importanti kami kundi ginawali namon si Jesu-Kristo. Ginawali namon nga imaw ro Ginuo ag kami hay nagaserbi kinyo dahil kana.

Santiago 2:1

Mga igmanghod ko sa pagtuo, dahil nagatuo eon kamo kay Jesu-Kristo nga atong Ginuo nga eabing dungganon hay dapat nga parehas ro atong pagtratar sa atong isigkatawo.

Pahayag 19:16

Ag sa anang eambong ag sa anang paa hay nasueat rayang ngaean: “Pinakaginuo ku tanan nga manogdumaea ag Pinakahari ku tanan nga hari.”