Juan 3:8 - Inkeanon

⁸ Ro kahalimbawa karon hay hangin. Pagusto ra it huyop kon siin-siin ag indi masayran kon siin naghalin o siin nagapaadto, pero mabatian gid ro anang hagunos. Makaruyon man sa kada isaea nga matawo paagi sa gahom it Espirito Santo nga makita eang ro resulta sa andang kabuhi.”

Juan 3:8 Iomraidhean Croise

Juan 1:13

Owa sanda nangin mga unga it Dyos bangod nangin bunga sanda it paghulid it mag-asawa pareho sa kinaandan nga pagkatawo, o bangod sa kagustuhan eang it tawo, kundi paagi sa gahom it Dyos.

Juan 3:7

Ngani ayaw hingawa nga ginhambae ko kimo nga dapat ka nga matawo it uman.

Juan 3:9

Pero nagpangutana pa gid si Nicodemus, “Hay paalin ron matabo?”

Mga Binuhatan 2:2

Gulpi eang nga may tunog halin sa eangit nga matsa hagunos it kabaskog-baskog nga hangin ag rato eang ro andang mabatian sa bilog nga bilding nga andang ginatipunan.

Mga Binuhatan 4:31

Pagkapangamuyo nanda hay nag-uylog ro lugar nga andang ginatipunan ag napuno sanda tanan it Espirito Santo ag halin kato hay nagsinugid sanda ku mensahi it Dyos nga may kaisog it buot.

1 Corinto 12:11

Ro Espirito it Dyos ro ginahalinan ku tanan nga mga abilidad ngara ag imaw man ro nagapili kon ano ro anang itao sa kada tawo.

1 Corinto 2:11

Bukon abi nga owa't ibang makasayod sa ginapaino-ino it tawo kundi imaw eang mismo? Makaruyon man ro Dyos. Ro ana eang nga Espirito ro makatungkad ku anang paino-ino.

1 Juan 2:29

Hasayran naton nga matarong si Kristo ngani makasiguro man kita nga ro tawo nga nagahimo it matarong hay nakabaton it kabuhi nga halin sa Dyos.