Juan 3:6 - Inkeanon

⁶ Ro natawo iya sa kalibutan paagi sa andang ginikanan hay may kabuhi nga tawhanon pero ro natawo paagi sa gahom it Espirito Santo hay may kabuhi nga espirituhanon.

Juan 3:6 Iomraidhean Croise

Juan 1:13

Owa sanda nangin mga unga it Dyos bangod nangin bunga sanda it paghulid it mag-asawa pareho sa kinaandan nga pagkatawo, o bangod sa kagustuhan eang it tawo, kundi paagi sa gahom it Dyos.

Juan 3:7

Ngani ayaw hingawa nga ginhambae ko kimo nga dapat ka nga matawo it uman.

Mga TagaRoma 7:18

Sayod ako nga owa gid it mayad sa akong kinaiya nga makasasaea. Gusto ko kunta nga mag-obra it mayad ugaling hay indi ko ron masarangan nga obrahon.

Mga TagaRoma 7:25

Pero saeamat sa Dyos nga makaeuwas ako kara paagi sa ginhimo ni Jesu-Kristo nga atong Ginuo. Pero ginahambae ko it uman nga gusto ku akong isip nga magtuman sa Kasuguan it Dyos ugaling ro akong makasasaea nga kinaiya hay nagatueod kakon permi nga magkasaea.

Mga TagaRoma 7:5

Tag ginatuman pa naton ro mga maeain nga handom ku atong makasasaea nga kinaiya hay mas kapin nga ginpinagustuhan naton ra tag hasayran naton kon ano ro ginabawae it kasuguan it Dyos. Ag ro bunga karon hay kamatayon nga owa it katapusan nga pina.

Mga TagaRoma 8:13

Dahil kon ro inyong pagpangabuhi hay nagapinagusto sa inyong makasasaea nga kinaiya, owa kamo it ibang dangatan kundi kamatayon nga owa it katapusan nga pina. Pero kon sa bulig it Espirito Santo hay patyon ninyo ro inyong kaila sa pag-obra it maeain hay makabaton kamo it kabuhi nga owa't katapusan.

1 Corinto 6:17

Pero ro may kaangtanan sa Ginuo hay sangka kabubut-on nana.

2 Corinto 5:17

Makaruyon ro nagakatabo sa bisan sin-o nga may maeueot nga kaangtanan kay Kristo. May ana eon nga bag-o nga pagkatawo. Ro anang dati nga paino-ino, batasan ag pagpangabuhi hay ginbag-o eon.

Mga TagaGalacia 5:24

Ro mga sumueunod ni Kristo Jesus hay pareho man it nageansang eon sa krus ku andang makasasaea nga kinaiya, pati ku andang mga maeain nga handom ag kailigbon dahil nagtalikod eon sanda karon.

Mga TagaEfeso 2:3

Kita tanan hay kaibahan man kato nanda ag pareho man kanda nga nagatuman eang ku atong makasasaea nga kinaiya. Ginasunod naton kon ano ro gusto ku aton nga eawas, ag kon ano ro iya sa atong paino-ino. Pareho man kita kanda, makasasaea man kita halin pa ku aton nga pagkatawo, ag pina it Dyos ro atong dangatan.

Mga TagaColosas 2:11

Dahil may inyo eon nga maeueot nga kaangtanan kay Kristo hay matsa gintuli man kamo, pero bukon it pagtuli nga ginhimo sa eawas kundi ro pagbuoe ni Kristo ku inyong makasasaea nga kinaiya.

1 Juan 3:9

Ngani owa eon nagapadayon sa pagpakasaea ro tawo kon matuod imaw nga unga it Dyos, tungod una kana ro kinaiya it Dyos. Ro Dyos eon ro anang ama ngani owa eon imaw nagapadayon sa pagpakasaea.