Juan 3:5 - Inkeanon

⁵ Nagsabat si Jesus, “Matuod gid rang ginahambae kimo nga kon ro tawo hay indi matawo paagi sa tubi ag paagi sa Espirito Santo hay indi imaw hitapoe sa mga sinakpan it Dyos.

Juan 3:5 Iomraidhean Croise

Mateo 18:3

Naghambae dayon si Jesus, “Matuod rang ginahambae kinyo nga kon indi ninyo pagbag-uhon ro inyong handom nga magmangin pinakaimportanti, ag kon indi kamo mangin mapainubuson pareho it mga unga hay indi kamo matapoe sa mga sinakpan it Dyos.

Mateo 19:24

Ginahambae ko pa gid kinyo nga mas maeumo pa't-a ngani sa mabahoe nga sapat pareho it kamelyo nga mageapos sa tuhob it dagom kaysa sa mga manggaranon nga magpasakop sa paghari it Dyos sa andang tagipusuon.”

Mateo 21:31

Siin sa daywa ngato nga ka unga ro nagsunod sa gusto ku andang ama?” “Ro kamagueangan,” sabat nanda. Nagsabat si Jesus, “Tama. Matuod rang ginahambae kinyo nga ro mga madaya nga mga *manogsukot it buhis ag ro mga bayi nga nagabaligya ku andang kaugalingon hay nagauna pa kinyo nga mangin sinakpan it Dyos.

Mateo 28:19

Ngani, panaw kamo ag tur-an ro tanan nga rasa it tawo kon paalin sanda magsunod kakon bilang akong mga sumueunod. Bawtismuhi sanda sa ngaean it Ama, Unga ag Espirito Santo.

Mateo 3:11

Ginabawtismuhan ko kamo it tubi agod ipakita nga naghinuesoe ag nagtalikod eon kamo sa inyong mga saea. Pero may maabot masunod kakon nga mas eabaw pa kakon, ag bisan gauba eon lang ku anang sandalyas hay bukon ako it takos. Pagabawtismuhan nana kamo it Espirito Santo ag kaeayo.

Mateo 5:20

Ginahambae ko eagi kinyo nga indi kamo hitapoe sa mga sinakpan it Dyos kon ro inyong pagkamatarong hay indi kaeabaw sa pagkamatarong ku mga Pariseo ag ku mga maestro it Kasuguan.”

Marcos 10:14

Naakig si Jesus sa anang mga sumueunod pagkakita nana sa andang gin-obra. Ngani ginhambaean nana sanda, “Pabay-i nga magpaeapit kakon ro mga unga. Ayaw ninyo sanda pagbawaei tungod ro mga pareho kanda ro ginatapoe sa mga sinakpan it Dyos.

Marcos 16:16

Ro bisan sin-o nga magpati ag mabawtismuhan hay maeuwas. Pero ro indi magpati hay pagakondenahon.

Marcos 9:47

Ag kon ro imong mata ro nagatueod kimo nga magkasaea, eukda ron. Mas mayad pa nga sambilog lang ro imong mata basta hitapoe ka sa mga sinakpan it Dyos sa eangit kaysa sa kumpleto matuod ro imong mata pero itagbong ka man sa impyerno.

Lucas 13:24

“Magtinguha gid kamo nga makasueod sa makitid nga pwertahan pasueod sa eangit. Ginahambae ko eagi kinyo nga sa ulihi hay abo ro magatinguha nga magsueod pero indi eon sanda makasueod

Lucas 13:3

Bukon 't-a it makaruyon. Ginahambae ko eagi kinyo nga kon indi kamo magtalikod sa inyong mga saea hay pinahan kamo tanan sa impyerno.

Lucas 13:5

Bukon 't-a it makaruyon. Ginahambae ko eagi kinyo nga kon indi kamo magtalikod sa inyong mga saea hay pinahan man kamo tanan sa impyerno.”

Juan 1:13

Owa sanda nangin mga unga it Dyos bangod nangin bunga sanda it paghulid it mag-asawa pareho sa kinaandan nga pagkatawo, o bangod sa kagustuhan eang it tawo, kundi paagi sa gahom it Dyos.

Juan 3:3

Nagsabat si Jesus, “Matuod gid rang ginahambae kimo nga kon ro isaeang ka tawo hay indi matawo it uman, indi imaw hitapoe sa mga sinakpan it Dyos.”

Juan 3:4

Pero nagpangutana si Nicodemus, “Paalin baea matawo it uman ro tawo kon may idad eon imaw? Hay pa, makabalik pa imaw sa tiyan ku anang ina ag iunga eon man ay?”

Mga Binuhatan 2:38

Nagsabat si Pedro, “Ro kada isaea kinyo hay dapat magtalikod sa saea ag magpabawtismo nga gapakilaea nga nagapasakop eon kamo kay Jesu-Kristo nga inyong Ginuo. Dikaron patawaron ro inyong mga saea ag mabaton ninyo ro regalo it Dyos, nga imaw ro Espirito Santo.

Mga Binuhatan 3:19

Ngani maghinuesoe kamo ag magtalikod sa inyong mga saea ag magpanumbalik sa Dyos agod patawaron nana kamo.

Mga TagaRoma 14:17

Para katon nga ginaharian it Dyos, bukon eo't-a it importanti ro pagsunod sa mga sugo parti sa pagkaon ag pag-inom kundi ro kabuhi nga matarong, ro paghidait sa kada isaea ag ro kalipay nga halin sa Espirito Santo.

Mga TagaRoma 8:2

Matuod ra ay dahil sa inyong maeueot nga kaangtanan kay Kristo Jesus hay gintaw-an kamo ku Espirito Santo it bag-o nga kabuhi. Ag ro pagkontrol kinyo ku Espirito Santo hay naghilway kinyo sa pagdominar kinyo it inyong makasasaea nga kinaiya nga magadaea kinyo sa kamatayon nga owa it katapusan nga pina.

1 Corinto 15:50

Mga igmanghod, ro akong buot hambaeon hay raya: kon indi pagbag-uhon ro aton ngarang eawas nga para sa kalibutan hay indi kita matapoe sa mga katawhan it Dyos nga anang ginaharian sa eangit. Ro aton abi ngara makaron nga eawas hay nagakagueang ag nagakamatay ag bukon it bagay sa eangit dahil owa gid idto it pagkagueang ag pagkamatay.

1 Corinto 2:12

Kita nga mga tumueuo hay bukon eon it pareho sa mga tawo iya sa kalibutan kon magpaino-ino ay gintaw-an eon kita it Espirito ngara it Dyos agod maeubtan naton ro mga pagpakamaayo nga gintao katon it Dyos hay dahil sa anang sobrang kabuot.

1 Corinto 6:11

Makaruyon man anay kato ro iba kinyo. Pero paagi sa ginhimo ni Ginuong Jesu-Kristo ag paagi sa gahom ku Espirito it atong Dyos hay ginlimpyuhan eon kamo sa inyong mga saea, ginpaeain it Dyos nga mangin ana nga balaan nga katawhan, ag ginbilang nga matarong sa anang panueok.

Mga TagaGalacia 6:15

Bukon it importanti kon natuli kita o owa, kundi ro pinakaimportanti hay ginbag-o eon it Dyos ro atong kinaiya.

Mga TagaEfeso 5:26

Ginhimo nana ron agod limpyuhan kita sa saea ag himuon nga balaan tungod nagtuo kita sa mensahi parti kana ag ginbawtismuhan kita.

1 Pedro 1:2

Sayod ro Dyos nga Ama ku tanan parti kinyo kato pa't-a ag gintao nana kinyo ro Espirito Santo agod buligan kamo nga magkabuhi it balaan. Ro anang tuyo hay agod nga magtinguha kamo nga magmatinumanon kay Jesu-Kristo ag agod limpyuhan kamo permi sa inyong kasae-anan paagi sa anang dugo nga nag-agay tag namatay imaw sa krus. Kabay pa nga masamitan pa gid ninyo ro mga pagpakamaayo ag katawhayan nga halin sa Dyos.

1 Pedro 3:21

Rato hay nagasimbolo ku pagbawtismo sa makaron nga tyempo tungod tag ginabawtismuhan kamo, ruyon ro kahalimbawa kon paalin kamo ginaeuwas it Dyos sa pina it saea dahil sa pagkabanhaw ni Kristo. Ro pagbawtismo hay owa kinyo gaeuwas paagi sa paglimpyo it higko sa inyong eawas kundi paagi sa inyong pagpangamuyo sa Dyos nga patawaron na ro inyong kasae-anan.

1 Juan 2:29

Hasayran naton nga matarong si Kristo ngani makasiguro man kita nga ro tawo nga nagahimo it matarong hay nakabaton it kabuhi nga halin sa Dyos.

1 Juan 5:1

Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.