Juan 3:36 - Inkeanon

³⁶ Ro nagatuo sa Unga hay may kabuhi nga owa it katapusan. Pero ro indi magtuo kana hay indi gid makasamit ku ruyon nga kabuhi, kundi makasamit ku pina it Dyos hasta sa owa it katapusan.

Juan 3:36 Iomraidhean Croise

Mateo 25:46

“Ngani ratong mga bukon it matarong hay pahalinon sa akon nga atubang ag pinahan hasta sa owa it katapusan, pero ro mga matarong hay makabaton it kabuhi nga owa it katapusan.”

Marcos 16:16

Ro bisan sin-o nga magpati ag mabawtismuhan hay maeuwas. Pero ro indi magpati hay pagakondenahon.

Lucas 2:30

ay hakita ko eon mismo ro Maneueuwas nga imong ginpadaea iya.

Lucas 3:6

Ag hikita it tanan nga mga tawo ro kaeuwasan nga ginpahaom it Dyos.’ ”

Juan 1:12

Pero ro tanan nga nagbaton ag nagtuo kana hay gintaw-an nana it kinamatarong nga mangin unga it Dyos.

Juan 10:28

Ginataw-an ko sanda it kabuhi nga owa it katapusan. Indi gid sanda pagpinahan sa impyerno bisan hin-uno ag owa gid it makaagaw kanda sa akon nga alima.

Juan 3:3

Nagsabat si Jesus, “Matuod gid rang ginahambae kimo nga kon ro isaeang ka tawo hay indi matawo it uman, indi imaw hitapoe sa mga sinakpan it Dyos.”

Juan 4:36

Ro nagaani kanda hay ginabaeusan it Dyos, ag sanda nga ginaani hay taw-an it kabuhi nga owa it katapusan. Ngani ro nagtanom ku mensahi it Dyos ag ro nagaani hay magkaibahan nga magakalipay.

Juan 5:24

Naghambae pa gid si Jesus, “Matuod gid rang ginahambae kinyo nga ro nagapamati sa akong ginahambae ag nagatuo sa nagpadaea iya kakon hay may kabuhi nga owa it katapusan. Indi imaw pagasintinsyahan it kamatayon nga owa it katapusan, dahil gintaw-an eon imaw it kabuhi nga owa it katapusan.

Juan 6:58

“Ako ro minatuod nga pagkaon nga naghalin sa eangit nga bukon it pareho ku pagkaon nga ginkaon kato ku atong mga kalolo-lolohan. Bisan ginkaon nanda rato hay nagkaeamatay man gihapon sanda. Pero ro nagakaon ku raya nga minatuod nga pagkaon hay magakabuhi hasta sa owa it katapusan.”

Juan 8:51

Matuod gid rang ginahambae kinyo nga ro nagapati ag nagatuman sa akong ginahambae hay indi mamatay bisan hasta hin-uno.”

Mga Binuhatan 14:2

Pero ginsuesuean ku mga indi magtuo nga Judio ro mga owa gatuo nga bukon it Judio ag ginhiluan ro andang paino-ino kuntra sa mga tumueuo ngato.

Mga TagaRoma 4:15

Ngani ro daea it kasuguan hay pina it Dyos, bukon it anang pagpakamaayo. Basta may kasuguan ngani hay may gaeapas gid karon.

Mga TagaRoma 5:9

Ngani dahil ginbilang eon kita it Dyos nga mga matarong paagi sa dugo ni Kristo nga nag-agay tag ginpatay imaw hay mas kapin nga sigurado nga maeuwas kita sa pina it Dyos sa atong kasae-anan.

Mga TagaRoma 8:1

Ngani ro may maeueot nga kaangtanan kay Kristo Jesus hay indi eon pagsintinsyahan nga pinahan bisan hasta hin-uno.

Mga TagaGalacia 3:10

Pero ro tanan nga nagasalig sa andang pagtuman sa Kasuguan agod mangin matarong sa panueok it Dyos hay owa't ibang dangatan kundi ro anang pina. Ro rason karon hay dahil nga nasueat sa Sagrado nga Kasueatan nga, “Ro owa nagatuman permi it husto sa tanan-tanan nga nasueat sa Kasuguan hay owa't ibang dangatan kundi ro pina it Dyos.”

Mga TagaEfeso 5:6

Indi kamo magpaluko sa mga purilon nga nagahambae nga bukon kuno it maeain nga maghimo ku mga butang ngaron. Ruyon mismo nga mga buhat ro dahilan nga pinahan it Dyos ro mga indi magtuman kana.

1 Tesalonica 1:10

Ag ginasugid man nanda nga ginapaabot gid ninyo ro pagbalik halin sa eangit ku anang Unga nga anang ginbanhaw. Ro anang Unga ngara hay si Jesus, ag imaw ro magaeuwas katon sa pina nga maabot tungod sa kaakig it Dyos sa kasae-anan it tawo.

1 Tesalonica 5:9

Ro plano it Dyos para katon hay bukon it hisamitan naton ro anang pina sa atong mga kasae-anan kundi maeuwas kita sa pina ngato paagi sa ginhimo ku atong Ginuo nga si Jesu-Kristo.

Mga Hebreo 10:29

Kon makaruyon ngani kato hay mauno man ro mat nagaeusak sa Unga it Dyos ay ginabaliwala nana ro dugo nga ana karang gin-uea, bisan nga sa bag-o nga kasugtanan nga gintao it Dyos, ro dugo ngaron ro naglimpyo kana sa anang mga kasae-anan? Ro nagahimo karon hay nagainsulto man sa Espirito Santo nga nagapakita katon ku sobrang kabuot it Dyos. Ro makaruyong klasing tawo hay bagay eang nga pinahan it mas mabug-at pa kaysa sa mga nagbaliwala ngato ku kasuguan ni Moises kato anay.

Mga Hebreo 2:3

Kon makaruyon nga ginpinahan sanda dahil owa sanda nagpati sa ginsugid it mga anghel, paalin kita makalibre sa pina kon baliwalaon naton ro ginsugid it Ginuo parti sa kaeuwasan nga owa it katupong? Ro Ginuo mismo ro hauna nga nagsugid kara, ag ro mga nakabati kana hay nagpamatuod katon nga matuod ro mensahi ngaron.

Mga Hebreo 3:18

Ag sin-o pa abi ro ginpatungdan it Dyos sa ana nga pagpanumpa nga indi gid sanda makasamit sa kapahuwayan nga ana kunta nga itao kanda? Bukon abi it rondatong mga bukon it matinumanon kana?

Mga Hebreo 3:19

Makita naton dikaron nga owa sanda nakasamit kato dahil indi sanda magtuo ag masalig sa Dyos.

Pahayag 21:8

Pero ro mga mataeaw nga nagtalikod sa andang pagtuo dahil sa kahadlok nga magkalisod, ro mga indi magtuo, ro mga nagahimo it makangingil-ad, ro mga manogpatay, ro mga nagahulid sa bukon nanda it asawa, ro mga nagapangbarang, ro mga nagasimba sa mga diyos-diyos ag ro tanan nga mga purilon hay itapoe sa mga pinahan sa eawod nga nagadaba-daba ay may asupre rato nga nagakaeayo. Ruyon ro ginatawag nga ikaywa nga kamatayon.”