Juan 3:34 - Inkeanon

³⁴ tungod ro mga ginahambae mismo it Dyos ro ginasugid ku anang ginpadaea iya, ag gintaw-an imaw it Dyos it Espirito Santo nga owa it hawid-hawid.

Juan 3:34 Iomraidhean Croise

Mateo 12:18

“Hara ro akon nga ginpili nga magserbi kakon. Imaw ro akong palangga ag nalipay gid ako it duro kana. Pagamhan ko imaw permi sa akong Espirito ag ipahisayod nana sa tanan nga rasa it tawo kon paalin sanda mangin matarong sa panueok it Dyos.

Lucas 4:18

“Ginagamhan ako ku Espirito it Ginuong Dyos tungod ana akong ginpili nga magwali ku Mayad nga Balita sa mga kubos. Ana ako nga ginpaadto iya agod ipahayag sa mga bihag nga puydi sandang mahilway ag sa mga bulag nga makakita sanda it uman ag sa mga matsa ginaeuok it kalisod nga puydi man sanda nga makatibawas.

Juan 1:16

Dahil sa anang sobrang kabuot hay ana permi nga ginapakamaayo it bugana kita tanan nga nagatuo kana.

Juan 15:26

“Pag-abot ku Manogbulig nga akon nga ipadaea iya kinyo halin sa akon nga Ama, pamatud-an 't-a nana ro mensahi parti kakon. Imaw hay ro Espirito Santo nga manogpahayag it kamatuuran halin sa Dyos.

Juan 16:7

Pero matuod ro akong hambae ngara nga para gid sa inyong kamaeayran ro akong pagpanaw, ay kon indi ako magpanaw hay indi man riya makaadto kinyo ro Manogbulig. Pero kon makapanaw eon ako, ipadaea ko imaw iya kinyo.

Juan 3:17

Owa pagpaadtuna it Dyos iya sa kalibutan ro anang Unga agod sintinsyahan nga pinahan ro mga tawo, kundi agod maeuwas sanda paagi kana.

Juan 5:26

Mahimo ko ron tungod kon paalin nga may gahom ro akong Ama nga magtao it kabuhi hay makaruyon man ako. Gintugot nana nga ako man hay may gahom nga magtao it kabuhi.

Juan 7:16

Ngani nagsabat si Jesus, “Ro akong ginaturo hay bukon it akon-akon eang kundi halin sa Dyos nga nagpadaea iya kakon.

Juan 8:40

Ro kamatuuran manlang nga habatian ko halin sa Dyos ro akong ginsinugid kinyo, pero ginaplanuhan ninyo ako nga patyon. Owa naghimo it makaruyon si Abraham.

Juan 8:47

Ro mga unga it Dyos hay nagapamati ag nagatuman sa ginahambae it Dyos kanda. Pero owa ninyo ron ginapamatii ag ginatumana tungod bukon kamo it mga unga it Dyos.”

Mga Binuhatan 10:38

Habalitaan man siguro ninyo nga si Jesus nga tagaNazaret hay gintaw-an it Dyos it gahom paagi sa Espirito Santo nga una kana. Naglinibot imaw nga nagahimo it mayad, ag nagapamayad it mga ginapakalisdan ni Satanas. Nahimo ron nana dahil kaibahan nana permi ro Dyos.

Mga TagaRoma 8:2

Matuod ra ay dahil sa inyong maeueot nga kaangtanan kay Kristo Jesus hay gintaw-an kamo ku Espirito Santo it bag-o nga kabuhi. Ag ro pagkontrol kinyo ku Espirito Santo hay naghilway kinyo sa pagdominar kinyo it inyong makasasaea nga kinaiya nga magadaea kinyo sa kamatayon nga owa it katapusan nga pina.

Mga TagaEfeso 3:8

Bisan ako ro pinakakubos sa tanan nga mga katawhan it Dyos, ginpakita gihapon nana kakon ro anang sobrang kabuot nga gintaw-an nana ako it pribilihiyo nga magwali sa mga bukon it Judio parti sa bugana ag indi matungkad nga pagpakamaayo ni Kristo.

Mga TagaColosas 1:19

dahil gusto gid it Dyos Ama nga ro tanan-tanan gid ku ana nga pagkaDyos hay una man kay Kristo.

Mga TagaColosas 2:9

Ayaw kamo magpadaea-daea dahil una gid kay Kristo ro tanan-tanan gid nga pagkaDyos it Dyos.

Pahayag 21:6

Naghambae pa gid imaw, “Natabo eon tanan ro gusto ko nga matabo. Ako ro Alpha ag ro Omega, ro nag-umpisa ag ro magatapos ku tanan nga mga butang. Ro ginauhaw hay paimnon ko it libre nga tubi nga nagahalin sa tuburan nga nagatao it kabuhi nga owa it katapusan.

Pahayag 22:1

Ginpakita man dayon kakon it anghel ro suba nga ro anang tubi hay nagatao it kabuhi. Matin-aw gid ro tubi pareho it kristal ag nagahalin rato sa trono it Dyos ag ku Tiyo it Karnero,