Juan 3:33 - Inkeanon

³³ Ro mga nagpati ngato kana hay nagapamatuod man nga matuod gid ro ginahambae it Dyos

Juan 3:33 Iomraidhean Croise

Juan 6:27

Ayaw kamo magkinabudlay para sa pagkaon nga nagakaban-os eang kundi para sa minatuod nga pagkaon nga nagadurar ag nagatao it kabuhi nga owa it katapusan. Raya ro pagkaon nga itao ko kinyo tungod ako nga Unga it Tawo ro ginbutang ku Dyos Ama nga anang tigeawas nga magtao karon.”

Juan 8:26

Abo gid ro akong ikahambae parti kinyo ag ikakondenar kinyo. Pero ro nagpadaea iya kakon hay bukon gid it purilon, ag ro akon eang nga ginahambae sa mga tawo iya sa kalibutan hay ro mga nabatian nakon kana.”

Mga TagaRoma 15:28

Ro andang bulig ngara nga bunga ku andang pagtuo kay Jesus ag kon ikaintrigar ko eon ron hay mapaEspanya eon dayon ako pero mahapit anay ako inha kinyo agod bisitahan kamo.

Mga TagaRoma 4:11

Ro anang pagpatuli hay tanda nga nagapamatuod nga ginbilang eon imaw it Dyos nga matarong dahil sa anang pagtuo bisan owa pa imaw hatuli. Ro tuyo kara tanan hay agod mangin ama imaw ku tanan nga nagatuo sa Dyos ag dahil karon hay ginabilang man sanda nga matarong bisan owa sanda hatuli.

1 Corinto 9:2

Nagahambae ro iba inha nga bukon ako it apostol pero kon isipon ninyo it mayad hay masayran ninyo nga apostol gid ako dahil ro inyong kaangtanan kay Kristo ro pamatuod karon.

2 Corinto 1:18

Pero bukon kami it makaruyon nga ro among huo hay indi't-a gali. Ro tanan namon nga ginasugid kinyo hay matuod ag masaligan pareho man sa hambae it Dyos.

2 Corinto 1:22

Imaw man ro nagtao katon ku anang Espirito bilang tanda nga kita hay ana. Ro anang Espirito nga iya katon ro garantiya nga tumanon nana ro tanan nanang ginpromisa katon.

Mga TagaEfeso 1:13

Kamo man hay nangin mga katawhan ni Kristo pagkabati ninyo ag pagpati ku matuod nga mensahi nga imaw ro Mayad nga Balita kon paalin kamo maeuwas sa pina it saea. Ngani kat nagtuo kamo kay Kristo, ana nga gintao kinyo ro Espirito Santo nga anang ginpromisa, bilang tanda nga ana eon kamo it Dyos.

Mga TagaEfeso 4:30

Isaea pa gali, indi kamo maghimo it mga bagay nga makapasubo sa Espirito Santo it Dyos, tungod ro anang pag-istar kinyo hay tanda nga mga katawhan kamo it Dyos, ag tubson nana kamo sa pina it inyong saea kon mag-abot eon ro adlaw it paghukom.

2 Timoteo 2:19

Pero bisan may nagaturo it makaruyon, ro malig-on nga pundasyon nga gintukod it Dyos hay malig-on gid gihapon ag may tanda ron it makaraya: “Kilaea it Ginuo ro anang mga katawhan” ag “Tanan nga nagaako nga nagatuo sanda sa Ginuo hay dapat magpaeayo sa paghimo it bukon it matarong.”

Mga Hebreo 6:17

Paagi man sa pagsumpa hay ginpakita it Dyos kato anay sa anang mga ginpromisahan nga tumanon nana ro anang ginpromisa kanda. Ginpalig-on na ra paagi sa pagsumpa dahil gusto nanang ipakita kanda nga indi gid mabag-o ro anang desisyon parti sa anang ginpromisa ngaron.

1 Juan 1:10

Ngani kon maghambae kita nga owa gid-a kita nagakasaea hay ginaobra naton nga purilon ro Dyos, ag gapakilaea ron nga owa gid nakatanom sa atong paino-ino ro hambae it Dyos parti sa saea.