Juan 3:32 - Inkeanon

³² Ro anang hakita ag habatian idto sa eangit hay imaw ro anang ginasugid, pero sangkiri ea't-a ro nagapati kana.

Juan 3:32 Iomraidhean Croise

Mateo 7:8

Dahil ro tanan nga nagapangayo hay makabaton, ro tanan nga nagausoy hay makakita ag ro tanan nga nagapanagbalay hay pagabuksan.

Juan 1:11

Nag-adto imaw sa ana mismong nasyon pero eaban sa anang mga kasimanwang *Judio hay owa kana nagbaton.

Juan 15:15

Owa ko eon kamo ginatawga nga mga ulipon kundi mga amigo. Ro ulipon abi hay owa't-a nakasayod kon ano ro ginaisip ku anang amo, pero kamo't-a hay akong ginpasayod ku tanan nga ginhambae kakon ku akong Ama.

Juan 18:37

Naghambae si Pilato, “Hay kon mawron, hari ka't-imo gali ron?” Nagsabat si Jesus, “Tama't-a ro imo nga ginhambae ngaron nga hari ako. Pero ro akong tuyo sa pag-adto ag pagpakatawo iya sa kalibutan hay agod magpamatuod parti sa kamatuuran nga halin sa Dyos. Ro tanan nga nagapahaega ag nagakabuhi suno sa kamatuuran hay nagapamati sa akong ginahambae.”

Juan 3:11

Matuod gid rang ginahambae kimo nga nasayran gid namon ag nasaksihan ro among ginasugid pero owa gid kamo gapati karon.

Juan 3:26

Pagkatapos, nag-adto ro mga sumueunod ngato ni Juan kana ag naghambae, “*Rabbi, tag ratong imong ginpakilaea sa mga tawo kon sin-o gid imaw, tag nakaibahan mo anay sa tabok it suba it Jordan hay hato't-a, nagapangbawtismo man. Ag idto't-a pa man nagainadto kana ro tanan nga tawo!”

Juan 3:33

Ro mga nagpati ngato kana hay nagapamatuod man nga matuod gid ro ginahambae it Dyos

Juan 5:20

Tungod palangga it Dyos Ama ako nga anang Unga, mawron nga ginapakita nana kakon ro tanan nga anang ginapaobra kakon ag mas pa sa akong nahimo eon ro anang ipakita kakon nga akong obrahon agod mangawa kamo.

Juan 8:26

Abo gid ro akong ikahambae parti kinyo ag ikakondenar kinyo. Pero ro nagpadaea iya kakon hay bukon gid it purilon, ag ro akon eang nga ginahambae sa mga tawo iya sa kalibutan hay ro mga nabatian nakon kana.”