Juan 3:29 - Inkeanon

²⁹ Kon sa kasae pa ron, ro nagapakasae sa nobya hay ro nobyo, bukon it ro abay it nobyo. Pero kon sa seremonya eon hay nalipay it duro ro abay nga nagatindog sa kilid it nobyo, ag nagapamati samtang ginadayaw ku nobyo ro anang nobya. Makaruyon man ako, nalipay ako it duro ay iya eon ro nobyo, ag nagapaeapit kana ro anang nobya.

Juan 3:29 Iomraidhean Croise

Mateo 22:2

“Ro paghari it Dyos sa anang mga sinakpan hay pareho kara. May hari nga nagponsyon para sa kasae ku anang unga nga eaki.

Mateo 25:1

Nagturo pa gid si Jesus. Hambae nana, “Ro mga naila nga matapoe sa mga sinakpan it Dyos hay ikakompara sa napueong ka daeaga nga nagdaea it andang lampara ag nagsueang-sueang sa nobyo.

Mateo 9:15

Ginsabat sanda ni Jesus, “Aeang-aeang ma't-a nga magkinasubo ag magpuasa sa ponsyon ro mga amigo it nobyo kon kaibahan pa nanda imaw. Pero maabot ro oras nga bue-on kanda ro nobyo ag rikaron eon dayon sanda gapuasa dahil sa andang kasubo.

Lucas 15:6

Pag-abot nana sa anda hay anang pangtawgon ro anang mga amigo ag mga kahilapit. Hambaeon nana sanda, ‘Mali kamo, magkasadya kita. Nalipay gid ako it duro ay hakita ko eon ro akong karnero nga naduea.’

Juan 15:11

Ginasugid ko kinyo rondaya nga mga butang agod ro minatuod nga kalipay nga iya kakon hay mangin una man kinyo ag agod mangin tueos gid ro inyong kalipay ngaron.

Juan 16:24

Hasta makaron hay owa pa kamo it hapangayo sa Ama nga ginagamit ro akong ngaean. Pangayo kamo ag taw-an kamo agod mangin tueos ro inyong kalipay.”

Juan 17:13

“Madali lang ako magbalik inha kimo, ngani ginahambae ko kimo ro mga butang ngara sa atubang ku akong mga sumueunod bago ko aywan ro kalibutan, agod mangin tueos man ro andang kalipay pareho sa akong kalipay.

Juan 3:30

Ag dapat nga mas magbantog pa gid imaw ag dapat nga ako hay indi eon pag-inatuhon.”

2 Corinto 11:2

Pero ginahambae ko ra ay nagapangimon ako pareho ku pagpangimon it Dyos kon ginaagaw kana ro anang mga unga. Pareho abi kamo it akon nga ungang daeaga nga berhin nga ginkasugot ko eon nga ipasakae sa sambilog eang nga eaki nga imaw ron hay si Kristo. Ag gusto ko nga pag-abot it adlaw nga ipresentar ko eon kamo kana hay pareho kamo it daeaga nga owa hatabing it eaki.

Mga TagaFilipos 2:2

Ngani agod mangin tueos ro akong kalipay hay ginapangabay ko kamo nga magkaeasugot eon kamo ag maghigugmaanan. Magsambilog kamo sa inyong panindugan sa inyong pagpangabuhi ag katuyuan.

1 Juan 1:4

Ginasueatan man namon kamo kara agod mangin tueos ro aton nga kalipay.

2 Juan 1:12

Abo pa't-a kunta ro akong gustong ihambae kinyo, ugaling hay indi ko eon lang igpaagi sa sueat. Ngani kabay pa nga makaadto ako inha, agod magkilita kita ag magkaistorya it personal, agod mangin tueos gid ro aton nga kalipay.

Pahayag 21:9

Nagpaeapit dayon kakon ro isaea sa pitong ka anghel ngato nga may daea nga pito ngato nga katapusan nga ka kaeaeat-an sa andang maeukong. Hambae nana kakon, “Maliya, ipakita ko kimo ro nobya nga mangin asawa it Tiyo it Karnero.”