Juan 3:28 - Inkeanon

²⁸ Kamo mismo hay saksi nga naghambae ako nga bukon it ako ro Maneueuwas nga ginpromisa it Dyos kundi ako ro ginpauna kana iya it Dyos.

Juan 3:28 Iomraidhean Croise

Mateo 3:3

Si Juan ro ginapatungdan ni Propeta Isaias sa ana kato nga ginhambae nga, “May tawo idto sa *disyerto nga nagasinggit, ‘Pahauma ro aeagyan it Ginuo. Patadlunga ro anang daean.’ ”

Lucas 1:76

Ngani ikaw, toto, hay pagakilaeahon nga propeta it Dyos nga Eabing Mataas. Magauna ka sa Ginuo agod pahaumon mo ro anang aeagyan.

Juan 1:23

Nagsabat si Juan, “Ako ro katumanan ku ginsueat ni Propeta Isaias nga may tawo nga magasinggit idto sa *disyerto, ‘Patadlunga ro aeagyan it Ginuo.’ ”

Juan 1:25

Pinangutana eon man nanda si Juan, “Hay ano ro imong otoridad nga magpangbawtismo kon bukon man gali it ikaw ro Maneueuwas nga ginpromisa it Dyos, bukon ka man it si Elias, ag bukon ka man it Propeta ngato nga ginpromisa it Dyos?”

Juan 1:27

Imaw ro maabot masunod kakon nga mas eabaw pa kakon nga bisan gahubad eon lang ku higot it anang sandalyas hay bukon ako it takos.”