Juan 3:25 - Inkeanon

²⁵ Isaeang adlaw, nagbais ro pilang ka sumueunod ni Juan ag ro isaea sa andang kapareho man nga Judio parti sa andang ritwal sa pagpalibanaw.

Juan 3:25 Iomraidhean Croise

Mateo 3:11

Ginabawtismuhan ko kamo it tubi agod ipakita nga naghinuesoe ag nagtalikod eon kamo sa inyong mga saea. Pero may maabot masunod kakon nga mas eabaw pa kakon, ag bisan gauba eon lang ku anang sandalyas hay bukon ako it takos. Pagabawtismuhan nana kamo it Espirito Santo ag kaeayo.

Marcos 7:8

Naghambae si Jesus, “Inyo nga gintalikdan ro kasuguan it Dyos ag ro inyo't-a nga ginahuptan it mayad hay ro mga kaugalian it tawo.

Juan 2:6

May idto nga an-om nga bilog nga ka bueutangan it tubi nga human sa bato nga makasueod it mga 75 hasta 115 litros ro kada sambilog. Ro tubi hay para sa ritwal sa pagpalibanaw nandang mga Judio.

Mga Hebreo 6:2

ro mga ritwal sa pagpalibanaw, ro pagtungtung it alima sa tawo kon gapangamuyo para kanda, ro pagkabanhaw it mga patay, ag ro owa't katapusan nga pina it Dyos sa mga owa nagtuo kana.

Mga Hebreo 9:10

Ro mga sueundanan ngato hay parti eang sa kaeawasan, pareho it kon ano ro puydi nga kan-on ag imnon, ag sa mga ritwal sa pagpalibanaw. Duyon nga mga sueundanan hay temporaryo eang ag nangin owa eon it pueos tag gintao eon it Dyos ro anang bag-o nga kasugtanan sa tawo.

Mga Hebreo 9:23

Ro torda ag ro mga ginagamit idto sa pagsimba sa Dyos hay simbolo eang it pagsimba sa Dyos sa minatuod nga silimbahan kana idto sa eangit. Kon dugo it ginsakripisyo nga sapat ro gin-gamit sa paglimpyo sa torda iya sa kalibutan, ro dugo it mas mahaega nga sakripisyo ro dapat gamiton sa paglimpyo sa mga tawo agod makasimba sanda sa silimbahan idto sa eangit.

1 Pedro 3:21

Rato hay nagasimbolo ku pagbawtismo sa makaron nga tyempo tungod tag ginabawtismuhan kamo, ruyon ro kahalimbawa kon paalin kamo ginaeuwas it Dyos sa pina it saea dahil sa pagkabanhaw ni Kristo. Ro pagbawtismo hay owa kinyo gaeuwas paagi sa paglimpyo it higko sa inyong eawas kundi paagi sa inyong pagpangamuyo sa Dyos nga patawaron na ro inyong kasae-anan.