Juan 3:23 - Inkeanon

²³ Si Juan nga Manogbawtismo ma't-a hay nagapangbawtismo man sa Enon nga maeapit sa Salim, ay abo idto nga tubi. Sige idto ro inabot it mga tawo agod magpabawtismo.

Juan 3:23 Iomraidhean Croise

Lucas 3:7

Abo nga mga tawo ro nag-adto kay Juan agod magpabawtismo. Naghambae imaw kanda, “Mga tuso gid-a kamo pareho it sawa! Sin-o ro naghambae kinyo nga makapaeagiw kamo sa pina it Dyos paagi sa inyong pagpabawtismo?

Juan 3:22

Pagkataliwan it pilang adlaw, si Jesus ag ro anang mga sumueunod hay nag-adto sa sangka lugar nga owa it nagaistar sa probinsya it Judea. Nagtenir sanda idto it mabuhay-buhay ag nagpangbawtismo.

Juan 3:24

Owa pa't-a kato hapriso si Juan.

Pahayag 1:15

Ro anang siki hay pareho it saway nga nagabarlak nga ginpapuro sa pugon it manogsaesae ag pagkatapos hay ginpagilak. Ro anang limog hay pareho ku mabaskog nga haganas it tubi it suba nga nagabaha.

Pahayag 14:2

Nakabati dayon ako it tunog halin sa eangit nga matsa nagahaganas nga kataas nga busay o mabaskog nga daeugdog. Ro limog ngato hay matsa tukar man it dagaya nga harpa.

Pahayag 19:6

Habatian ko man ro limog it kaabo-abo nga mga tawo nga nagdueungan it hambae nga matsa tunog it haganas it tubi sa busay ag pareho man ku tunog it mabaskog nga daeugdog. Hambae nanda, “Dayawon ta ro Dyos dahil ro Ginuo nga atong Dyos nga makagagahom hay nagahari.