Juan 3:19 - Inkeanon

¹⁹ “Ginsintinsyahan eo't-a sanda nga pinahan dahil tag nag-abot sa kalibutan ro ginatawag nga ro Iwag hay owa nanda rato pagpatihi, kundi mas ginpahaegahan pa nanda ro kadueom dahil maeain ro andang mga buhat.

Juan 3:19 Iomraidhean Croise

Lucas 12:47

“Ro sueuguon nga nakasayod ku gusto ku anang amo, pero owa magpahaom o magtuman hay makasamit it grabi nga bakoe.

Lucas 16:14

Habatian ku mga Pariseo ro tanan ngato nga ginhambae ni Jesus ag dahil sanda ra hay mga mailaon gid it manggad, anda kara imaw nga gintinuya-tuya.

Juan 1:4

Una kana ro minatuod nga kabuhi nga pareho it iwag nga nagahayag sa paino-ino it mga tawo.

Juan 1:5

Nagahinayag ro iwag ngaron sa mga tawo nga nagakabuhi nga matsa una sa kadueom, ag ro kadueom ngaron hay indi makaperdi sa iwag ngaron.

Juan 12:31

Makaron eon ro oras nga sintinsyahan ro tanan nga nagakuntra kakon. Makaron man ro oras nga perdihon eon ro manogdumaea ku tanan nga nagakuntra sa Dyos.

Juan 12:43

ay mas ginapaeabi pa abi nanda nga dayawon it tawo kaysa sa dayawon sanda it Dyos.

Juan 12:46

Ako ro Iwag nga nag-adto iya sa kalibutan agod ro bisan sin-o nga nagatuo kakon hay indi eon magkabuhi sa kadueom.

Juan 5:44

Paalin 't-a abi kamo magtuo kakon kon ro inyo eang nga ginahangad hay ro pagdayaw it kada isaea, ag owa gid kamo gahangad ku pagdayaw it owa't kapareho nga Dyos?

Juan 7:17

Masayran gid ku tawo nga gustong magsunod sa pagbuot it Dyos kon ro akong ginaturo hay akon-akon eang o halin sa Dyos.

Juan 7:7

Ro mga owa gatuo sa Dyos hay owa it rason nga maugot kinyo, pero naugot 't-a ron sanda kakon ay ginabulgar ko ro andang maeain nga mga ginahimo.

Juan 8:12

Tapos, naghambae pa gid si Jesus sa mga tawo, “Ako ro Iwag nga nagatao it kahayag sa paino-ino it mga tawo iya sa kalibutan. Ro nagasunod kakon hay indi magkabuhi sa kadueom, kundi mahayagan imaw ku Iwag nga nagatao it minatuod nga kabuhi.”

Juan 9:5

Ako ro Iwag nga gatao it kahayag sa paino-ino it mga tawo iya sa kalibutan ag padayon ko sanda nga taw-an it kahayag samtang iya ako sa kalibutan.”

Mga TagaRoma 1:32

Bisan sayod eon nanda ro gindiklara it Dyos nga bagay eang pinahan hasta sa owa't katapusan ro mga nagaobra it makaruyon pero sige gihapon sanda. Ag bukon eang it duyon, kundi anda pa nga ginadayaw ro iba nga nagaobra man it makaruyon.

Mga TagaRoma 2:8

Pero grabi nga kaakig it Dyos ro maagyan ku mga maisip nga owa nagatuman sa minatuod nga mensahi it Dyos kundi nagatuman 't-a sa andang mga kailigbon nga bukon it matarong.

2 Tesalonica 2:12

Ag sa ulihi, sintinsyahan nga pinahan ro tanan nga imbis magpati sa matuod nga mensahi hay mas nalipay pa nga mag-obra it saea.

1 Pedro 2:8

Ag dapat man nanda dumdumon nga imaw hay pareho it “bato nga dahilan nga hinandad ro mga tawo ag hidusmo.” Pinahan sanda ay duyon ro plano it Dyos kanda dahil indi sanda magpati sa anang mensahi.

2 Pedro 3:3

Eabi sa tanan, dapat ninyo masayran nga sa ulihing mga inadlaw hay may maabot nga mga paeatuya-tuya ag magapinagusto sa andang mga maeain nga handom.