Juan 3:16 - Inkeanon

¹⁶ “Matuod ron ay makaraya kabahoe ro paghigugma it Dyos sa mga tawo iya sa kalibutan nga ana nga gintao ro anang Unga, ro Owa't Kapareho, agod mangin sakripisyo agod ro tanan nga magatuo kana hay indi mapaimpyerno kundi may kabuhi nga owa it katapusan.

Juan 3:16 Iomraidhean Croise

Mateo 9:13

Owa ako nag-adto riya agod pahinuesueon ro mga nagaeaom nga matarong eon sanda, kundi rondato nga haom mag-ako nga sanda hay mga makasasaea. Ngani estudyuhi ninyo it mayad kon ano ro tama nga kahueugan ku ginhambae it Dyos nga, ‘Mas mahaega kakon ro inyong pagkaeuoy sa inyong isigkatawo kaysa sa inyong paghaead it sapat agod tumanon eang ro Kasuguan.’ ”

Marcos 12:6

Sa kaulihanan gid, sambilog lang ro anang puyding paadtunon sa anang ubasan. Rato hay ro ana nga palangga nga unga nga eaki. Ginsugo ra nana idto ay sinana sa anang isip, ‘Unga ko eon ron. Anda't-a ron nga tahaon.’

Lucas 2:14

“Daeayawon ro Dyos sa pinakamataas nga kaeangitan, ag sa kalibutan hay katawhayan sa mga katawhan nga anang nahamut-an.”

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 1:29

Pagkamasunod nga adlaw, hakita ni Juan si Jesus nga nagapaeangop kana. Naghambae si Juan, “Tan-awa ninyo. Haron ro *Tiyo it Karnero nga gintao it Dyos bilang pangsakripisyo agod hipatawad ro kasae-anan it katawhan!

Juan 10:28

Ginataw-an ko sanda it kabuhi nga owa it katapusan. Indi gid sanda pagpinahan sa impyerno bisan hin-uno ag owa gid it makaagaw kanda sa akon nga alima.

Juan 3:15

agod ro tanan nga nagatuo kakon hay may kabuhi nga owa it katapusan.

Juan 3:18

Ngani ro tanan nga nagatuo kana hay indi eon gid pagsintinsyahan nga pinahan, pero ro mga owa nagatuo hay ginsintinsyahan eo't-a nga pinahan dahil owa sanda magtuo sa Unga it Dyos nga Owa't Kapareho.

Juan 3:36

Ro nagatuo sa Unga hay may kabuhi nga owa it katapusan. Pero ro indi magtuo kana hay indi gid makasamit ku ruyon nga kabuhi, kundi makasamit ku pina it Dyos hasta sa owa it katapusan.

Juan 6:40

Raya ro pagbuot ku akon nga Ama, nga ro tanan nga nagakilaea ag nagatuo kakon nga anang Unga hay may kabuhi nga owa it katapusan. Ag banhawon ko sanda sa katapusan nga adlaw.”

Mga TagaRoma 5:10

Kato anay, mga kuntra kita it Dyos dahil sa atong kasae-anan. Pero paagi sa kamatayon ni Jesus nga anang Unga hay nagmayad eon ro atong relasyon kana. Mawron nga mas kapin nga sigurado nga maeuwas kita dahil nabanhaw si Jesus ag buhi imaw hasta sa owa it katapusan.

Mga TagaRoma 5:8

Pero ginpakita it Dyos ro kabahoe ku anang gugma katon nga tag mga makasasaea pa kita hay namatay si Kristo por dahil katon.

Mga TagaRoma 8:32

Bisan ro ana mismo nga Unga hay owa nana ginlikaw sa kamatayon kundi gintugot nana nga mamatay para katon tanan. Ginhimo na eon ngani ron, indi pa baea nana itao nga owa it hawid-hawid ro tanan nga para sa atong kamaeayran?

Mga TagaEfeso 2:4

Pero maeueuy-on gid ro Dyos ag mabahoe gid ro anang paghigugma katon.

2 Tesalonica 2:16

Ginahigugma kita it Dyos. Dahil sa anang sobrang kabuot hay ana kita nga gintaw-an it owa it katapusan nga pagpabaskog it buot, ag kasiguruhan ku atong mayad nga kahimtangan sa ulihi. Nagapangamuyo kami nga ro atong Ginuo mismo nga si Jesu-Kristo ag ro Dyos nga atong Ama

Tito 3:4

Pero tag ginpakita it Dyos nga atong Maneueuwas ro anang sobrang kabuot ag paghigugma sa tawo

Mga Hebreo 2:9

Pero ro aton 't-a nga hakita hay ginhimo si Jesus nga manaba it sangkiri kaysa sa mga anghel tag nagpakatawo imaw. Dahil sa sobrang kabuot it Dyos hay nag-antos imaw ag namatay por dahil sa kada tawo, ag dahil karon hay ginkoronahan imaw bilang daeayawon ag dungganon nga hari.

1 Juan 3:1

Grabi gid-a it bahoe ro paghigugma it Dyos nga Ama katon! Dahil sa kabahoe ku anang paghigugma ngaron hay ginbilang nana kita nga anang mga unga, ag matuod gid ma't-a nga mga unga kita it Dyos. Pero ro mga tawo riya sa kalibutan hay owa gakilaea katon bilang mga unga it Dyos, tungod owa man nanda ginakilan-a ro Dyos.

1 Juan 4:19

Nagahigugma kita ay ro Dyos ro unang naghigugma katon.