Juan 3:15 - Inkeanon

¹⁵ agod ro tanan nga nagatuo kakon hay may kabuhi nga owa it katapusan.

Juan 3:15 Iomraidhean Croise

Mateo 18:10

Naghambae pa gid si Jesus, “Ayaw gid ninyo pagtuya-tuyaa bisan sambilog sa mga mapainubuson ngara nga nagatuo kakon. Ginahambae ko eagi kinyo nga ro mga anghel nga manogbantay nanda hay makapakigkita bisan anong oras sa akong Ama sa eangit.

Mateo 25:46

“Ngani ratong mga bukon it matarong hay pahalinon sa akon nga atubang ag pinahan hasta sa owa it katapusan, pero ro mga matarong hay makabaton it kabuhi nga owa it katapusan.”

Marcos 16:16

Ro bisan sin-o nga magpati ag mabawtismuhan hay maeuwas. Pero ro indi magpati hay pagakondenahon.

Lucas 19:10

Ro pinakarason nga nag-adto iya ako nga Unga it Tawo hay agod usuyon ag euwason sa pina it saea ro mga nagtaeang.”

Juan 1:12

Pero ro tanan nga nagbaton ag nagtuo kana hay gintaw-an nana it kinamatarong nga mangin unga it Dyos.

Juan 16:33

Ginasugid ko ra kinyo agod magtawhay ro inyong paino-ino dahil may inyong maeueot nga kaangtanan kakon. Magaagi kamo it mga kalisod iya sa ibabaw it kalibutan, pero ayaw kamo magpaeuya it buot, ay ako ro nagperdi ku kaeainan iya sa kalibutan.”

Juan 20:31

Pero ro mga gintapoe ma't-a ngara dikara hay ginsueat agod magpati kamo nga si Jesus hay imaw ro Maneueuwas nga ginpromisa it Dyos, ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan, paagi sa inyong maeueot nga kaangtanan kana.

Juan 3:16

“Matuod ron ay makaraya kabahoe ro paghigugma it Dyos sa mga tawo iya sa kalibutan nga ana nga gintao ro anang Unga, ro Owa't Kapareho, agod mangin sakripisyo agod ro tanan nga magatuo kana hay indi mapaimpyerno kundi may kabuhi nga owa it katapusan.

Juan 3:36

Ro nagatuo sa Unga hay may kabuhi nga owa it katapusan. Pero ro indi magtuo kana hay indi gid makasamit ku ruyon nga kabuhi, kundi makasamit ku pina it Dyos hasta sa owa it katapusan.

Juan 5:24

Naghambae pa gid si Jesus, “Matuod gid rang ginahambae kinyo nga ro nagapamati sa akong ginahambae ag nagatuo sa nagpadaea iya kakon hay may kabuhi nga owa it katapusan. Indi imaw pagasintinsyahan it kamatayon nga owa it katapusan, dahil gintaw-an eon imaw it kabuhi nga owa it katapusan.

Juan 6:27

Ayaw kamo magkinabudlay para sa pagkaon nga nagakaban-os eang kundi para sa minatuod nga pagkaon nga nagadurar ag nagatao it kabuhi nga owa it katapusan. Raya ro pagkaon nga itao ko kinyo tungod ako nga Unga it Tawo ro ginbutang ku Dyos Ama nga anang tigeawas nga magtao karon.”

Juan 6:40

Raya ro pagbuot ku akon nga Ama, nga ro tanan nga nagakilaea ag nagatuo kakon nga anang Unga hay may kabuhi nga owa it katapusan. Ag banhawon ko sanda sa katapusan nga adlaw.”

Juan 6:47

Matuod gid rang ginahambae kinyo nga ro bisan sin-o nga nagatuo kakon hay may ana eon nga kabuhi nga owa it katapusan.

Mga Binuhatan 13:41

‘Pamati kamo nga mga manogtuya-tuya. May himuon ako sa inyong tyempo nga kangawahan ninyo, ag mangin dahilan ku inyong kamatayon. Kon may magsugid kinyo kon mauno kangidlis ro akong himuon hay indi ron ninyo pagpatihan.’ ”

Mga Binuhatan 8:36

Sa andang pagbiyahe ngato, nakaabot sanda sa sangka lugar nga may tubi. Naghambae ro opisyal, “Hato, may tubi. Puydi eon baea ako nga bawtismuhan?”

Mga TagaRoma 5:21

Kato, ro saea hay matsa hari nga dapat gid nga tumanon ag kamatayon karon ro anang daea. Pero makaron ro sobrang kabuot it Dyos eo't-a ro nagapangibabaw. Natabo ron paagi sa anang pagbilang nga matarong sa mga tawo dahil sa ginhimo ni Jesu-Kristo nga atong Ginuo. Ag ro bunga karon hay may andang kabuhi nga owa't katapusan.

1 Corinto 1:18

Ro mensahi abi parti sa kamatayon ni Kristo sa krus hay pinaumang kon sa mga tawo nga owa it ibang paeangpan kundi impyerno. Pero katon nga mga ginaeuwas hay gahom ron it Dyos.

2 Corinto 4:3

May una gid ma't-a nga nadueman ro andang paino-ino nga indi't-a sanda kaeubot ku Mayad nga Balita nga among ginawali. Pero makaruyon ron dahil indi ma't-a sanda magpati ag owa sanda it ibang paeangpan kundi impyerno.

Mga TagaGalacia 2:16

Pero makaron hay sayod eon naton nga indi kita mangin matarong sa mata it Dyos paagi sa pagtuman sa atong Kasuguan kundi paagi sa atong pagtuo kay Jesu-Kristo. Ngani nagtuo kita kay Kristo Jesus agod mangin matarong sa mata it Dyos sa atong pagtuo kay Kristo, bukon it paagi sa pagtuman sa atong Kasuguan. Owa gid it bisan sin-o nga mangin matarong dahil sa anang pagtuman sa Kasuguan.”

Mga TagaGalacia 2:20

Ginabilang ko nga gineansang ag namatay man ako sa krus kaibahan ni Kristo. Bukon eon it ro akong gusto sa akon nga kabuhi ro akon nga sundon kundi ro ay Kristo nga gusto, tungod iya imaw nagakabuhi kakon. Ag ro akon nga adlaw-adlaw nga pagkabuhi hay bunga it akong pagtuo sa Unga it Dyos. Imaw ro naghigugma kakon ag naghaead ku anang kabuhi para kakon.

Mga Hebreo 10:39

Pero bukon kita it mga tawo nga nagatalikod sa Dyos ag ro dangatan hay pina sa impyerno hasta sa owa it katapusan kundi kita't-a hay mga tawo nga malig-on ro pagtuo ag maeuwas.

Mga Hebreo 7:25

Ngani sarang nana nga euwason it tueos ag hasta sa owa it katapusan ro bisan sin-o nga magpaeapit sa Dyos paagi kana. Buhi imaw hasta sa owa it katapusan ag nagahinyo permi sa Dyos para kanda sa andang kinahangeanon.

1 Juan 2:25

Ag taw-an nana kita it kabuhi nga owa it katapusan, ay ruyon gid ma't-a ro ana nga ginpromisa katon.

1 Juan 5:1

Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.