Juan 3:13 - Inkeanon

¹³ Owa it nakasayod parti sa mga butang sa eangit ay owa pa it nakaadto idto. Pero ako nga Unga it Tawo hay makasugid karon ay idto ako maghalin.

Juan 3:13 Iomraidhean Croise

Mateo 28:20

Tud-i sanda nga tumanon ro tanan nga ginsugo ko kinyo. Ginapasalig ko kamo nga ibhan ko gid kamo permi hasta sa katapusan it kalibutan.”

Mateo 8:20

Nagsabat si Jesus, “Ro mga sapat sa taeon hay may buho nga ginaulian. Ro mga pispis hay may pugad, pero ako nga *Unga it Tawo hay owa gid it bisan maeugban.”

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 13:3

Sayod ni Jesus nga gintugyan eon ku anang Ama sa anang alima ro tanan nga gahom, ag sayod man nana nga idto imaw maghalin sa Dyos, ag sa Dyos man imaw magabalik.

Juan 17:5

Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 3:12

Indi ngani kamo magpati sa akong ginsugid kinyo parti sa mga butang iya sa kalibutan, mas kapin pa gid kon ro akon eon nga isugid kinyo hay ro mga butang parti sa eangit.

Juan 3:31

Nag-adto imaw iya halin sa eangit ag eabaw imaw sa tanan. Kita nga mga tawo hay tagakalibutan, ag ro atong pagginawi hay kinalibutanon gid, ag ro atong ginaistoryahan hay parti eang sa mga butang iya sa kalibutan. Pero imaw 't-a nga nag-adto iya halin sa eangit hay eabaw sa tanan.

Juan 6:33

Ag ro minatuod nga pagkaon ngara nga ginatao it Dyos hay ro naghalin sa eangit ag nagatao it matuod nga kabuhi sa mga tawo iya sa kalibutan.”

Juan 6:38

tungod nanaog ako iya halin sa eangit agod tumanon ro pagbuot ku nagpadaea iya kakon, bukon it ro akong pagbuot.

Juan 6:42

Hambae nanda, “Bukon abi it si Jesus ra nga unga ni Jose? Kilaea gid naton ro anang mga ginikanan kara a, tapos mahambae 't-a imaw nga naghalin imaw sa eangit!”

Juan 6:46

Pero owa ako gahambae nga may nakakita sa Dyos Ama mismo dahil owa gid it nakakita kana mageuwas eang kakon nga naghalin idto kana. Ako eang gid ro nakakita sa Ama.

Juan 6:51

Ako nga naghalin sa eangit rondayang pagkaon nga nagatao it minatuod nga kabuhi. Ag ro magakaon ku pagkaon ngara hay magakabuhi hasta sa owa it katapusan. Ag ro pagkaon ngani ngara nga itao nakon sa mga tawo sa kalibutan agod magakabuhi sanda hay ro akon nga eawas.”

Juan 6:62

Paalin abi kon hikita ninyo ako nga Unga it Tawo nga magakayab sa eangit nga akong ginhalinan?

Juan 8:42

Nagsabat dayon si Jesus, “Kon matuod kamo nga mga unga it Dyos hay higugmaon kunta ninyo ako ay kana ako naghalin. Owa ako nag-adto iya nga akon-akon eang, kundi imaw ro nagpadaea iya kakon.

Mga Binuhatan 2:34

May ginsueat pa gid si David parti sa pagkabanhaw ni Jesus nga makaraya, ‘Naghambae ro Ginuong Dyos sa akon nga Ginuo: Pungko sa akong tuo, ag obrahon ko nga tueungtungan ku imong siki ro imong mga kaaway.’ Pero bukon it ro ana mismo nga kaugalingon ro anang ginapatungdan kara, dahil bukon it imaw ro nagkayab sa eangit kundi ro anang Ginuo nga si Jesus.

Mga Binuhatan 20:28

Ngani haeungi gid ro inyong kaugalingon pati ro tanan nga mga tumueuo nga inyong ginadumaeahan nga matsa panong it mga karnero nga gintugyan kinyo it Espirito Santo. Bantayi sanda it mayad ay ana sanda it Dyos, ay gintubos nana sanda paagi sa dugo mismo ku ana nga Unga.

Mga TagaRoma 10:6

Imposible nga mangin matarong paagi sa pagtuman sa mga kasuguan it Dyos ugaling bukon it imposible nga mangin matarong paagi sa pagtuo kay Kristo. Ngani owa it kinahangean nga ihambae sa atong kaugalingon nga, “Sin-o ro makapaeangit?” (agod bue-on si Kristo ag daehon iya sa kalibutan ay ginpaadto eon imaw iya it Dyos).

1 Corinto 15:47

Ro hauna nga tawo nga si Adan hay halin iya sa kalibutan ay gintuga imaw halin sa eapok pero ro ulihi nga Adan nga si Kristo hay halin sa eangit.

Mga TagaEfeso 1:23

Kitang mga nagatuo kana hay anang pinakaeawas nga nagakompleto kana ag imaw ro una sa tanan nga lugar nga nagakompleto ku tanan-tanan nga tinuga.