Juan 3:11 - Inkeanon

¹¹ Matuod gid rang ginahambae kimo nga nasayran gid namon ag nasaksihan ro among ginasugid pero owa gid kamo gapati karon.

Juan 3:11 Iomraidhean Croise

Mateo 11:27

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea gid sa Unga mageuwas sa Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Mateo 23:37

Naghambae dayon si Jesus, “Ay, aki, kaeuoy kamo nga mga tagaJerusalem! Ginapinamatay ninyo ro mga propeta ag inyong ginapinangeapog it bato hasta mamatay ro mga ginapaadto it Dyos kinyo. Permi nakong ginahandom nga tilipunon kunta kamo pareho it mus-an nga nagatinipon ku anang mga isiw sa idaeom ku anang mga pakpak, pero indi man kamo magsugot.

Lucas 10:22

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea it mayad kakon mageuwas sa akong Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Juan 1:11

Nag-adto imaw sa ana mismong nasyon pero eaban sa anang mga kasimanwang *Judio hay owa kana nagbaton.

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 12:49

Ro akon nga ginahambae hay bukon it akon-akon eang, kundi kon ano ro ginapahambae kakon ku akong Ama nga nagpadaea kakon iya.

Juan 14:24

Pero ro owa nagahigugma kakon hay owa gatuman sa akon nga hambae. Ro akong ginahambae kinyo hay bukon it akon-akon eang kundi tag ginapahambae kakon ku Ama nga nagpadaea kakon iya.

Juan 3:12

Indi ngani kamo magpati sa akong ginsugid kinyo parti sa mga butang iya sa kalibutan, mas kapin pa gid kon ro akon eon nga isugid kinyo hay ro mga butang parti sa eangit.

Juan 3:13

Owa it nakasayod parti sa mga butang sa eangit ay owa pa it nakaadto idto. Pero ako nga Unga it Tawo hay makasugid karon ay idto ako maghalin.

Juan 3:3

Nagsabat si Jesus, “Matuod gid rang ginahambae kimo nga kon ro isaeang ka tawo hay indi matawo it uman, indi imaw hitapoe sa mga sinakpan it Dyos.”

Juan 3:5

Nagsabat si Jesus, “Matuod gid rang ginahambae kimo nga kon ro tawo hay indi matawo paagi sa tubi ag paagi sa Espirito Santo hay indi imaw hitapoe sa mga sinakpan it Dyos.

Juan 5:43

Nag-adto ako iya nga may otoridad ku akon nga Ama ugaling owa ninyo ako ginabatuna. Pero kon may mag-abot ngani iya kinyo nga gaturo nga sa ana eang nga kaugalingon gahalin ro anang otoridad hay imaw 't-a ro inyong ginabaton.

Juan 7:16

Ngani nagsabat si Jesus, “Ro akong ginaturo hay bukon it akon-akon eang kundi halin sa Dyos nga nagpadaea iya kakon.

Juan 8:14

Nagsabat si Jesus, “Bisan ako mismo ro nagapamatuod sa akong kaugalingon hay matuod ma't-a ro akong ginahambae tungod sayod ko kon siin ako naghalin ag kon siin ako gapaadto. Pero kamo't-a hay owa gid karon kasayod.

Juan 8:26

Abo gid ro akong ikahambae parti kinyo ag ikakondenar kinyo. Pero ro nagpadaea iya kakon hay bukon gid it purilon, ag ro akon eang nga ginahambae sa mga tawo iya sa kalibutan hay ro mga nabatian nakon kana.”

Juan 8:38

Ginahambae ko kon ano ro akon nga hakita tag idto ako sa akon nga Ama, ag kamo ma't-a, ro inyong ginatuman hay kon ano ro inyong habatian sa inyong ama.”

Mga Binuhatan 22:18

Hakita nakon ro Ginuo ag naghambae imaw kakon, ‘Dali, halin eagi iya sa Jerusalem ay indi pagbatunon ku mga tawo ro imong mga igasugid parti kakon.’

2 Corinto 4:4

Ro andang paino-ino hay ginapadueom ni Satanas nga nagapadiyos-diyos sa rayang tyempo. Mawron nga indi sanda mahayagan it Mayad nga Balita nga nagasugid ku pagkadaeayawon ni Kristo nga imaw ro nagapakita kon mauno gid ro Dyos.

Pahayag 3:14

“Raya ro imong isueat sa anghel it grupo it mga tumueuo idto sa Laodicea: ‘Raya ro mensahi nakon, ako nga ginatawag nga Amen, ro masaligan nga manogpamatuod nga bukon it purilon. Ako man ro ginpatuga it Dyos ku tanan.