Juan 21:23 - Inkeanon

²³ Dahil sa ginhambae ngaron ni Jesus hay may naglibot dayon nga istorya sa mga sumueunod nga indi mamatay ratong sumueunod. Pero owa si Jesus maghambae nga indi imaw mamatay, kundi ro anang hambae ea't-a hay “Kon gusto ko nga buhi ron imaw gihapon hasta sa akong pagbalik hay owa ka eo't-ing it eabot karon.”

Juan 21:23 Iomraidhean Croise

Mateo 16:27

Maabot gid ro oras nga ako nga Unga it Tawo hay magabalik iya sa kalibutan nga may grabi nga kasilaw ku akon nga Ama, ag kaibahan ku anang mga anghel. Tapos hay akon dayon nga baeusan ro kada isaea suno sa anang hinimuan.

Mga Binuhatan 1:15

Kaisaea kato, tag may mga 120 nga mga tumueuo nga nagatililipon idto hay nagtindog si Pedro ag naghambae,

Mga Binuhatan 28:14

Tag idto kami hay may hakita kami nga pilang ka igmanghod sa pagtuo ag ginkangay nanda kami nga magpabilin anay idto it sang dominggo. Pagkatapos, halin idto hay nagbaktas kami paadto sa Roma.

Mga Binuhatan 6:3

Ngani, mga igmanghod, pili kamo it pitong ka eaki sa inyong mga kaibahan. Dapat nga maaeam sanda, ginadayaw sanda it mga tawo sa andang pagginawi, ag ginagamhan permi it Espirito Santo. Sanda ro aton nga padumaeahon ku oeobrahon ngara.

1 Corinto 11:26

Ginahambae ko ra agod padumdumon kamo nga kada kaon ninyo it tinapay ag kada inom ninyo ku ilimnon sa inyong mga pagtililipon sa pagdumdum ku kamatayon ni Jesus hay inyo't-a dapat nga ginapasayod ro kamatayon it Ginuo hasta sa anang pagbalik.

1 Corinto 4:5

Ngani ayaw 't-a kamo magpanghusgar bisan kanyo ay ro Ginuo't-a ro gahusgar sa tawo kon magbalik eon imaw. Dikato nana ibuyagyag ro mga bagay nga bukon pa it hayag makaron ag ipasayod nana ro mga tinago nga mga motibo ku kada isaea. Ag dikato man dayawon it Dyos ro kada isaea suno sa andang binuhatan.

Santiago 5:7

Mga igmanghod, mangin mapinasensyahon kamo samtang nagahueat kamo sa pag-abot it Ginuo. Tan-awa tuo ninyo ro pasensya it mangunguma. Ginahueat gid nana ro uean agod makatanom ag pagkatanom hay ginahueat eon man nana ro uean agod magtubo ro anang tanom. Ag gahinueat pa gid imaw nga may pasensya hasta mag-abot ro tig-aeani ku anang maeahaeon nga produkto.

Pahayag 2:25

Pero importanti nga padayunon ninyo ro mga bagay nga ginadayawan ko kinyo hasta nga magbalik ako.