Juan 21:22 - Inkeanon

²² Nagsabat si Jesus, “Kon gusto ko nga buhi ron imaw gihapon hasta sa akong pagbalik hay owa ka eo't-ing it eabot karon. Ro imong dapat isipon hay ro imong pagsunod kakon.”

Juan 21:22 Iomraidhean Croise

Mateo 16:24

Tapos, naghambae si Jesus sa anang mga sumueunod, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Mateo 24:27

tungod ro pagbalik nakon nga Unga it Tawo hay pareho it kilat nga gaguhit ro hayag sa bilog nga kaeangitan ag makita it tanan nga tawo.

Mateo 24:3

Ku ulihi, tag nagapungko si Jesus sa Bukid it Olibo, ginpaeapitan imaw ku anang mga sumueunod nga sanda-sanda eang. Anda dayon imaw nga ginpangutana, “Sugiri abi kami kon hin-uno matabo ro imo ngatong ginhambae, ag kon ano ro paeatandaan ku imong pagbalik ag ku katapusan it kalibutan.”

Mateo 24:44

Ngani dapat man kamo nga mangin haom permi bangod ako nga Unga it Tawo hay maabot sa oras nga owa ninyo ginapaabuta.”

Mateo 25:31

Naghambae pa gid si Jesus, “Kon magbalik eon ako nga Unga it Tawo nga may grabi nga kasilaw ag kaibahan ku tanan nga mga anghel hay magapungko dayon ako sa akon nga trono ag magahari nga may kadungganan nga indi matupungan.

Mateo 8:22

Nagsabat si Jesus, “Sunod eon kakon ag pabay-i't-a ro mga patay sa panueok it Dyos nga mageubong ku andang patay.”

Marcos 9:1

Naghambae pa gid si Jesus, “Matuod rang ginahambae kinyo nga may iba iya kinyo nga indi gid mamatay hasta indi nanda makita ro gahom it Dyos sa anang paghari sa anang mga sinakpan.”

Juan 21:19

Ro ginhambae ngara ni Jesus hay gapakilaea kon paano si Pedro mamatay, ag paagi karon hay mapadunggan na ro Dyos. Tapos ginhambae imaw ni Jesus, “Padayuna ro imong pagsunod kakon bilang masaligan nga sumueunod.”

Juan 21:21

Pagkakita ni Pedro sa ratong sumueunod hay nagpangutana imaw kay Jesus, “Ginuo, hay imaw, ano man ro matabo kana?”

1 Corinto 11:26

Ginahambae ko ra agod padumdumon kamo nga kada kaon ninyo it tinapay ag kada inom ninyo ku ilimnon sa inyong mga pagtililipon sa pagdumdum ku kamatayon ni Jesus hay inyo't-a dapat nga ginapasayod ro kamatayon it Ginuo hasta sa anang pagbalik.

1 Corinto 4:5

Ngani ayaw 't-a kamo magpanghusgar bisan kanyo ay ro Ginuo't-a ro gahusgar sa tawo kon magbalik eon imaw. Dikato nana ibuyagyag ro mga bagay nga bukon pa it hayag makaron ag ipasayod nana ro mga tinago nga mga motibo ku kada isaea. Ag dikato man dayawon it Dyos ro kada isaea suno sa andang binuhatan.

1 Tesalonica 2:19

Gusto namon nga makita kamo it uman tungod ro inyong malig-on nga pagtuo hay nagatao kamon it kalipay, ag ipabugae namon ron sa atong Ginuo kon magbalik eon imaw. Ag dahil man karon hay sigurado kami nga ana kami katong premyuhan.

Santiago 5:7

Mga igmanghod, mangin mapinasensyahon kamo samtang nagahueat kamo sa pag-abot it Ginuo. Tan-awa tuo ninyo ro pasensya it mangunguma. Ginahueat gid nana ro uean agod makatanom ag pagkatanom hay ginahueat eon man nana ro uean agod magtubo ro anang tanom. Ag gahinueat pa gid imaw nga may pasensya hasta mag-abot ro tig-aeani ku anang maeahaeon nga produkto.

Santiago 5:8

Ngani mangin mapinasensyahon kamo. Magpakalig-on kamo ay madali eon lang mag-abot ro Ginuo.

Pahayag 1:7

Magbantay kamo ay magabalik si Jesus nga nagasakay sa daeaura. Hikita imaw it tanan nga mga tawo bisan pa ku ratong mga nagpaeansang kana sa krus. Ro tanan nga rasa it tawo iya sa kalibutan hay magatangis dahil kana. Matabo gid-a ra. Amen.

Pahayag 2:25

Pero importanti nga padayunon ninyo ro mga bagay nga ginadayawan ko kinyo hasta nga magbalik ako.

Pahayag 22:20

Naghambae dayon si Jesus nga nagapamatuod nga matuod ro tanan nga nasueat dikara, “Matuod gid nga madali lang ako mag-abot.” Kabay pa! Balik eon, Ginuong Jesus!

Pahayag 22:7

Hambae ni Jesus, “Pamati kamo sa akong ihambae. Madali lang ako magbalik. Bulahan ro tanan nga ginaseryoso ro tanan nga nasueat sa rayang kasueatan.”

Pahayag 3:11

“ ‘Madali lang gid ako magbalik ngani padayuna ninyo ro inyong pagsunod kakon, agod owa it makaagaw sa premyo nga itao ko kinyo.